Ciidanka Booliska oo ku Daba jira Boqor Buur-madow iyo Boqor Raabi oo Maalintii Sadexaad Xabsiga kujira iyadoo aan Maxkamad la geyn

Dhalinyarada Beesha Ciidagale Cambaareeyey xadhiga Boqor-raabi kula kacay

Hareysa (TNN) Ciidamada Booliska Somaliland ayaa ku daba jira sida la sheegay Boqor Buur-madow oo ay damacsanyihiin inay xabsiga u taxaabaan kadib markii ay doraad Xabsiga u taxaabeen Boqor Raabi Yuusuf C/laahi oo ka tirsan Madax dhaqameedka Magaaladda Hargeysa, oo xabsiga ku jira  m aalintii sadexaad Maxkamad la’aan, kadib markii uu Buur-madow cambaareeyey xadhigaasi. Sidaana waxa sheegay warar xog-ogaal ah oo aanu xalay helnay.

Macadam sababta ay u raadinayaan Buur-madow waxaase loo aanaynayaa hadalo cambaarayn ah oo uu maalmahan jeediyey iyo eedaymo uu u soo jeediyey Gudoomiyaha Guurtida.

Taliyaha Ciidanka Booliiska Somaliland Cilmi Rooble Furre ayaa xadhiga Boqor Raabi ku tilmaamay mid ka dhshay inuu Af-lagaadeeyay Madaxweynaha Somaliland Axmed Maxamed Maxamuud ‘Siilaanyo’, kaasi oo uu ku Eedeeyay inuu yidhi ‘Madaxweynaha Somaliland tallo gacanta uguma jirto’e dad kale ayaa Maamula’.

mid ka mid ah Madax dhaqameedka Somaliland oo ka gaabsadaay inuu faahfaahin bixiyo oo aanu la xidhiidhnay isaga oo u fadhiya Shir ay koox Madax dhaqameedka Somaliland kaga tashanayeen wixii ay ka yeeli lahaayeen Xadhiga Boqorkaasi ayaa sheegay in xadhiga Boqorka loo maray sifo sharci  d arro ah danbi uu sameeyay oo ay ogyihiina aanu, waxaanu sheegay inaan Boqorka loo keenin  Waar an qabashadiisa Sharciyaynaysa.

Boqor Raabi Yuusuf C/laahi waa Madax dhaqameed Aaraadiisu u badan tahay inuu naqdiyo Hab  dh aqameedka uu u arko inay qaldan yihiin ee ay ku talaabsadaan Madaxda Somaliland isagoon aan  ma rna ka gaban inuu aragtidiisaas ku gudbiyo Warbaahinta Dalka.

Kadib Boqor Cismaan Maxamuud Buur-madow oo ka mid ah Salaadiinta reer Somaliland ayaa ka  had lay xadhiga la gula kacay Boqor Raabi Yuusuf Cabdilaahi oo uu sheegay in Xadhigaasi lagu deg-deg ay, isla markaana waxa uu Xukuumadda ugu baaqay inay Xoriyadiisa u soo celiyaan, waxaanu  shee gay in hadalkii ka soo yeedhay Boqor Raabi uu ahaa toosin iyo dhaliil, taasina ay arrin iska caadiya tahay, waxaanu sidaas ku sheegay Waraysi uu siiyey Idaacada VOA-da, isagoo arrimahaas ka  hadl aayana waxa uu yidhi “Xadhiga la gula kacay Boqor Raabi Yuusuf Cabdilaahi waxaan u arkaa in lagu deg-degay marka la eego xagga Dhaqanka iyo Dimuquraadiyada labada, waanan ka xumahay  xadhi gaas.” Ayuu yidhi Boqor Cismaan Buur-madow

Mar la waydiiyey Boqor Cismaan Buur-madow inuu aragtii Boqor Raabi la wadaago ayaa waxa uu  yi dhi “Aragtidiisa lama wadaago oo kamaan wada tashan, laakiin Xala waan daawaday waxaanan u  arkaayey Dhaliil iyo Toosin. Waxaan kuu sheegayaa Madaxweyneyaashii hore markaad ka soo bilowdid Cabdiraxmaan Axmed Cali dagaal ayaa lagu bilaabay waa la Caayey waa la Aflagaadeeyey si kasta ayaa loola hadlay. Madaxweynihii ku xigan ee Marxuum Maxamed X. Ibraahim Cigaal dagaal ayaa lagu bilaabay oo waa la aflaadeeyey. Madaxweynihii Daahir Rayaale Kaahin ragga Mucaaridka ahi Xaasaskiisa ayay gaadheen markaa Nin welba Dimuquraadiyada ayaa siisay, hase yeeshee waxa ay ahayd in hadii wax laga tirsanayo Maxkamadda la geeyo wax Waaran ah oo loo keenayna ma  ji ro.” Ayuu yidhi Boqor Cismaan. Isagoo hadalkiisa sii watana waxa uu yidhi “Runtii waa Masuuliyiinta intaa waa la aflagaadeeyaa oo Aniga (Boqor Cismaan Buur-madow), ayaa la I aflagaadeeyey oo  Ma daxweyneyaasha ayaa la aflagaadee, waxaan qabbaa in arrinkaas lagu deg-degay oo aan wadadiisii la marin.”

Madaxweynaha waanu isku fiicanahay Tallooyinkana waanu siinaa, arrintan iyo arrimaha kalena  wa anu ula tagaynaa, waxaanan leeyahay xoriyadiisa haloo soo celiyo oo isagoo dibadaj ooga jooga dacwadiisa Maxkamadda hala geeyo. Madaxweynaha anagaa dooranay waa Madaxweynahayagii, Odayaashiisii ayaanu nahay oo Tallo iyo Toosin ayaan ku leenahay.” Ayuu yidhi Boqor Cismaan Buur-,madow

Dhinaca kale, Baaq Lagaga soo Horjeedo Xadhiga Boqor Raabi Yuusuf C.Laahi ayey Soo Saareen  Dh alinyarada Beesha Cidagale kaasoo u qornaa sedan:

Waxaanu si cad uga soo horjeednaa xadhiga boqor raabi yuusuf oo aan loo adeegsan wax sharci ah maxkamadna aanay soo saarin waaran iyo wax saman ah loona adeegsan xadhigaa wax cadayn ah ama wax buuran oo la taaban karo kaliya ay tahay madax weyne uu wax ka sheegay  madaxwaynu hu kama duwana madaxwaynayaashii hore ee dalku soo maray ee wax laga sheegi jiray , waxaynu si cad u ognahay inuu madaxwaynuhu markuu ahaa mucaaradka inuu si cad wax uga sheegi jiray madaxwaynihii hore ee daahir riyaale kaahin isla markaana wax aan u qalmin waajibaadkiisaa iyo karaamadiisa ay asxabta mucaaradku kula kici jireen gaar ahaan xisbiga kulmiye oo uu hormuud u ahaan jiray madaxwaynaha imika talada haya axmed maxamed maxamuud (siilanyo).

Hadaba hadii ninkii kursiga gaadhaaba aanu cay waayeynin waxaanu leenahay kama duwana cayda siiranyo madaxwaynayaashii hore caydoodii mar haday sidaa tahay waxaanu leenahay  madaxwey ne siiranyo haka dhigin umada reer soomaaliland umad layli dhaansatay sidoo kale yey soo bixin xantii reerku ee ahayd fudaydka ,marhadaad umad madaxwayne u tahay waxa la doonayaa inaad wax badan ka tanaasusho .

Waakii lahaa gabayaagi waynaa ee sayid maxamed cabdila xasan (Gaf iyo laaxin googaale waa gun iyo caadkeede ) wu fahmaya ninkii indheer garato ahi hadalkaa iyo dulucduu daaran yahay.

Sidaa daraadeed waxaanu madaxweyne kuleenahay hadii la is ficishado nusqaan iyo mandaro ka timaada mooyee sharafi ka dhalan mayso wanaagna laga gaadhi mayo xadhiga boqorka ee ogow siday umadi kuu soo dooratay aya loo soo dortay boqorka , milgahaa aanu ku siinay hadii lagaa waayo waxanu odhan sidii caadada ahayd habarjeclooy waa kaa muuse .

Hadaba baaqan waaxanu ku cadaynaynaa inaanu si cad uga soo horjeedno xadhiga boqor raabi  yu usuf hadii aan si dagdag ah loo soo daynin waxanu u sheegayna xukuumada in wixii dhaca iyadu  ma suul ka tahay, sababtoo ah waakii lahaa gabayaagii saahid qamaan (Masaw aabahay iyo sidaan  ma gan ka soo gaadhay , rag waxan kumaamuli aqaan ama ku maamuusi .masa inaanu nahay oo tolnimo meerto noo tahaye . masalaha ninkaan ii dhigayn midigta siinmaayo . ninkii aniga iga maarmi kara uma muraad yeesho . sidaa daraadeed waxaanu si degdeg ah u rajaynaynaa inuu ku deeqo baaqayagaasi .


Source:Waaheen