Cigaal
Airport Hargeysa oo Noqday….
Tan iyo intii ay dawladan uu hogaamiyo Axmed-Siiraanyo dalka
majaraha u qabatay waxa aynu arkaynaa talaabooyin shacabku liqi kari
waayay.Waxa aynu xasuusanahay qaabkii uu Axmed-siiraanyo ula dhaqmi
jiray madaxweynahii ka horeeyay markuu Gudoomiyaha ka ahaa xisbigii
be rigaa mucaaridka ahaa ee Kulmiye.Waxa weedhaha ma hadhaankaa ee
uu ku hadli jiray ka mid ahaa “Haday dhaafto 4ta April uma aqoonsani
dawlada Riyaale mid sharci ku fadhida!” Waxa kale oo ka mid ahaa
khudbadahiisii “Hantida ummada si gaar ah ayaa loogu tagri
falaa,waxq abadkana looma sinna!” Maxaa hadaba maanta oo uu
madaxweyne dalka kuna fadhiistay
kursigii uu saarku u hayay bedelay sawirkii uu shacabka tusay!
Madaxweynaha Jamhuuriyada Somaliland Mudane Axmed-siiraanyo qaab
dhaqankiisa maamul maaha mid innagu cusub,waxa aynu ku baranay
markuu ahaa wasiirka dhaqaalaha ee Siyaad Barre,markuu ahaa
gudoomiyaha ururkii xaq u dirirka ee SNM, markuu ahaa wasiirka
maaliyada ee marxuum Cigaal balse ayaan darrada dalka ka jirtaa waxa
ay tahay inaan shacabku dib u jaleecin waxii tegay ama aanu
qiimaynba cidda uu shacabku doonayo inuu hogaanka qabto! Waxa keli
ah ee shacabku madaxda u soo xushaa waa qabyaalada oo dhuuxa u
gashay wax wal oo ay doonayaan inay qabsadaan! Haba ahaato dhaqan
ummadani muddo dheer ku soo caano maashaye madaxdu waxay u kala
baxaan qaar daneeya dalka iyo dadka,iskuna daya inay xoog
saaraan sinaanshaha iyo horumar shacabku u simanyahay iyo qaar hays
u yeela Wax qabadko oda oo aad moodid inaanay gobolada qaar ka mid
ah aanay hoos iman dalka ay ka taliyaan.
Hadaba Madaxweyne Axmed-siiraanyo waxa uu ka tirsanyahay madaxda aan
danayn Gobolada qaarkood.Weliba dhaqankaa wuu ku adagyahay.Waana ta
maanta keentay Cadaalad-darrada ka jirta dalka,sinaansho la’aanta
baahday,eexda aan gabashada Lahayn,cabudhinta iyo caga-juglaynta
saxaafada hadheeyay,distoorka qurub-ba meel Lagu
tuuray,dimuqraadiyad la malda hay oo afka laga sheego uurkana keli
talisnimo lagu guntay,kala qaybi oo xukan aan gabasho lahayn iyo
mashaariicda dawladaha shisheeye bixiyaan oo eex iyo xigto lagu
qaybiyo.Arrimaha n aan ka hadlayaa maaha eedayn aan sal lahayn,waa
xog aan qarsoonayn. Tusaale: dhacdooyinkii xeebta saylac
ee ciidamada dhami dhex mareen dalkeena,dagaalkana ka rideen
etoobiya gudaheeda, dhacd adooyinii deegaanka gabiley,dhacdooyinkii
Kalshaale,dilaacii siyaasadeed ee Taleex,dhacdadii saaxil ee
warshada iyo tan ugu danbaysa ee loo gashay shaadhka Quruxda
sannadka ee mada arka hargeysa!
Dhinaca siyaasada arrimaha dibada oo iyada laguba riday jawaan uu
garabka ku sido Sheekh Shariifka Soomaaliya kuna fashilantay
shirarkii London iyo Istanbuul.Weliba Axmed-siiraanyo wuu ku sii
indho adagyahay inuu shacabka dhegaha ugu shubo rumaynta aqoonsiga
laga raad inayo mashruuca loo bixiyay wada-hadalada Somaliland iyo
Soomaaliya,waa taa uu yidhi “ Sifir ayaa iiga wakiil ah!” Haatana
sii horaysiiyay wasiirkii arrimaha arrimaha dibada.
Ugu danbayn mashruucan loola baxay qorxinta dhismaha madaarka Cigaal
ee Hargeysa laysku ma hayo qorxinta dhismaha ee waxa dhuunta mari
waayay nanka uu adeerka u yahay ee aan awooda u lahayn hawshaa balse
gacanta aga saaray! Waxa taa sii yaab badan sheekada muu saysan ee
la yidhi shirkad Chinese ah ayaa ku guulaysatay tartankii! Cajiib!
Waxa aan ka soo horjeedaa oo aan kaw ka ahay eexda aan gabashada
lahayn,xaqna waan u leeyahay inaan wa x ii mashaariic ah ee
deegaankayga laga fulinaayo taladeeda wax ku yeesho, fulinteedana
ugu horeeyo.Maxaa lagu haystaa Maxamed Xaji Cabdiraxmaan?
Muwaadinkaasi iyo cidda deegaan kaas ku nooliba xaq ayay u leeyihiin
inay ugu horeeyaan horumarka laga fulinaayo Cigaal Airp ort ee
hargeysa. Cidna laga yeeli maayo aan kugu dul-socdo axna ha odhan.
Cigaal Airport oo noqday meel lagu maalo dawladaha carbeed oo hadana
laga dhigay guri laga hayaamay!
Xuseen Xasan Badmaax
Hargeysa/Jamhuuriyada Somaliland |
|