Cambaareyn ka qayb galka Somaliland ee Shirka Kooxaha Soomaaliya uga furmay Nairobi-Kenya!
 

(waa niyad jab,bahdilka shacabka,waa keli talisnimo iyo burburin Somaliland howlaha ka socda Nairo bi-Kenya)



Sida dad badani la socdaan waxaa maanta shir uga bilowday magaalada Nairobi ee dalka Kenya ,inta badan kooxa isku haysta dalka Soomaaliya,qaar ka mid ah, Dowladaha daneeya arimaha Soomaaliya iyo xafiiska UN-ka u qaabilsan arimaha Soomaaliya. Kooxaha Shirka ka qayb gelaya waxaa ka mid ah, k oox uu hogaaminayo Sheekh Shariif(TFG),koox uu hogaaminayo Shariif Xasan, koox ka socota Puntl and,Galmudug,Xibin iyo Xeeb,Ehlu -Sunna –Wa –Jamaaca iwm.



Runtii waxaa wax laga xishoodo ah,wax laga naxo,wax aan la qaadan Karin ah in Somaliland ay Shirk aas ka qayb gasho,kagana qayb gasho meeqaam la mid ah kan Galmudug –Puntland –Xibin iyo Xeeb iyo Ehlu-Sunna –Wa Jamaaca.



Waxaa la yaab,amakaag iyo Afkalaqaad ku noqotay Shacabka reer Somaliland,gudaha iyo dibada in iyagoo weli ku guda jira dabaaldegii 20 guuradii ka soo wareegtay gooni isu taaga Somaliland,iyadoo weli Wejiyada dhalinyarada aanu ka qalalin Sawirkii Calanka Somaliland in Xukuumada Somaliland ay Shirka kala qayb gasho qaar ka mid ah Kooxaha isku haysta Soomaaliya.

Ma aha markii ugu horeysay ee Xukuumada Somaliland,ka qayb gasho Shirar gef iyo meel ka dhac k u ah sharafta iyo karaamada Ummadda Somaliland,hore ayaa digniino loogu jeediyey Xukuumada So maliland in ay joojiso Siyaasada waalan ee ay wado Xukuumada Somaliland.

Waxaa naxdin , niyad jab iyo bahdil ku ah shacabka reer Somaliland meel kasta oo ay joogaanba ,w axaa kaaf iyo kala dheer ah halkii ay gaadhay Somaliland iyo halka ay dib ugu celisay Xukuumada m aanta xilka haysaa.

Anigoo aad iyo aad uga xun,la yaaban Siyaasada Indho la,aanta ah ee Xukuumada Somaliland ,wax aa u soo jeedinayaa dhamaanba shacabka xalaasha ah ee reer Somaliland, Bulshada caalamka ,Xisbiyada Mucaaridka ah,Golayaasha Sharci dejinta qodobada hoos ku qoran:-



o Waxaan la socodsiinayaa Bulshada Caalamka in Somaliland aanay ka mid ahayn Soomaaliya ,ka mid ahayn Kooxaha isku haysta Soomaaliya,waxaanu cod dheer ugu sheegaynaa Bulshada Caalamka in Somaliland aanay ka qayb qaadan Karin xaalada murugsan ee mudada dheer ka jirtay Soomaaliya.Waxaa Bulshada Caalamku ka markhaati tahay in anuu 18 May 2011 u dabaal degnay,u baanbaxnay,isugu soo baxnay fagaarayaasha wadamo badan oo ka mid ah kuwa daneeya Dimuqraatiyada iyo Xuquuqul Insaanka.



o Waxaan Shacabka reer Somaliland ka codsanayaa in ay ka dhiidhiyaan,jawaab cadna ka bixiyaan Siyaasada indho la,aanta ah ee ay ku dhaqmayso Xukuumada Somaliland xilligan.



o Waxaan aaminsanahay in Wasiirka Arimaha Dibada ee Somaliland uu fulinayo fariin iyo Siyaasada Soomaaliweyn ee Xukuumada uu ka tirsan yahay,Shirarka uu ka qayb gelayaana ma aha qaar u gaar ah isaga iyo inta la socota,balse waxay wadaa uun howl Xukuumada Somaliland u igmatay.







o Waxaa ku waajib ah dhamaanba Hayadaha Sharci dejinta ee Somaliland in ay Sharciga horkeenaan Xukuumada iyo Wasaaradaha caadeystay ku tumashada Shuruucda wadanka u taala.Hayadaha Sharci dejintu iyagaa uga masuul ah Ummadda Shuruucda wadan,waxaa ku haboon in aanay dhayalsan,kana soo baxaan wixii Shacabku u igmaday.



o Waxaa ku haboon in labada Xisbi ee Mucaaridka ah ay jawaab deg deg ah ka bixiyaan Siyaasada foosha xun ee ay xilligan wado Xukuumada Somaliland,waxaa la gudboon labada Xisbi(UDUB iyo UCID) in ay gebi ahaanba joojiyaan wixii wada shaqayn ah ee dhinaca Xukuumada ah,inta laga helayo Siyaasad ka duwan tan maanta jirta.



o Waxaa ku haboon guud ahaan Saxaafada Somaliland in aanay qarinin qorshayaasha qarsoon ee ay wado Xukuumada Somaliland balse ay kor u qaado codka shacabka Somaliland.



o Waxaa la gudboon Aqoonyahanada ,Siyaasiyiinta ,Madaxdhaqameedyada iyo dhamaan Urada Bushada reer Somaliland in ay si cad uga hadlaan meel ka dhaca Siyaasadeed ay ku kacday Xukuumada xilligan ka jirta Somaliland.



o Ugu dambeyntii haddii aanay Xukuumada Somaliland sida uga dhaqsaha badan uga noqonin Siyaasada qalafsan ee ay xilligan ku dhaqmayso gudaha iyo dibadaba,waxaan u sheegayaa in ay dhegeheedu maqli doodaan warar aanay ku farxin,maalmaha soo socda,haddii ALLAHA AWOODA LAHI YIDHAAHDO.





Mahadsanidin