Cabdillaahi Cukuse; xeerka saxaafadda ma wuxuu akhriyey intii uu noqday af-hay-hayeenka madaxtooyada

Af-hayeenka Madaxtooyada JSL C/laahi Daahir Maxamed (Cukuse) ayaa shalay hadal hanjabaad ah uga jeediyey saxaafadda kulan uu ururka MMG ku soo bandhigay qiimayn ay ku sameeyeen  o lalihii xilligii doorashadda iyo kaalintii ay ka qaateen warbaahintu, waxaanu ugu hanjabay  saxaaf adda in la hirgalin doono xeerkii saxaafadda isla markaana uu xanuun ku noqon doono  warbaahi nta uu ku tilmaamay inay yihiin kuwa xunxun, isla markaana ay ummadda ka qaban doonaan,wax aanu yidhi.

“Rag badan oo waxaan arkayaa oo meesha soo fadhiya oo leh tolow isagu ma Saxansaxadii baa mise waa tii kale,Cumar Jaamac ayaan maqlayay oo leh Saxansaxo sida Telifishanka Qaranka  loo ga caban jiray ayaa dhinaca UDUB-ta looga caban jiray ama jaraa’idka qaarkii baa xaglin  jiray,m aantana wuu amaanayaa.

Aniga qudhaydu waxaan kula dardaarmayaa MMG inay dhawrato oo waliba ku dhiirato inay  saxa afadda sheegto ka xun si ay marka danbana awood ugu yeelato inay xukunto.
waxaan doonayaa inaan halkan idiinka sheego xukuumada inay ka go’an tahay inay hirgaliso  xee rka saxaafada, ee ay saxaafadu inta badan u oomanayd, kii ay xukuumaddii hore wad-wadatay maaha, waa kii hore ee Madaxweynihii hore saxeexay, ee baarlamaankii hore ansixiyay ee  guur tidu ansixisay ee sharciga ahaa ee yaalay, kiibaa lagu dhaqayaa. Saxaafada waxaan doonayaa inaan mid fahansiiyo, xeerkaasi inagu waynu jeclayn imikana wuxuu noqon doonaa xeer xanuun kulul, waan ogahay in ragga qaar ku noqon doono xeer xanuun kulul. Xeerkani wax ma xidho  laa kiin saxaafadda xunxun wuu soo qabtaa oo ummadda wuu ka badbaadiyaa. Waa la dhaqan  gali naayaa si uu ummada uga badbaadiyo saxaafada xunxun, iyadoo aan la xidhaynin CID-na aanay u yeedhayn, waxaana la fulinaayaa wixii xeerka ku qoran maanta wixii ka danbeeya, waayo ma doonayno saxaafadeenu inay noqoto mid qofka sharaftiisa meel kaga dhacda. Xaq maaha inay qofka sharaftiisa meel kaga dhacdo inaad aayr uun iska qorto adigoo qalin iyo waraaq iska  hay sta oo barri daabacaya, adigoo qofkaasi oo masuul ah meel kaga dhacaya sharaftiisa, adiga oo ay kaa tahay isagaan necebahay ama reerkiisa ayaan necbahay ama maalin buu iga xanaajiyey, taasoo saxaafada qaarkeed ku cusub, xeerkii waa la dhaqan- galinayaa sidii aynu jeclayn ayuuna u dhaqan galayaa ee xanuunkaasi danbe yaanu u baahanin in xeerkii ay UDUB jeclayd in la hir galiyo”.

Haddaba waxa isweydiin leh C/laahi Cukuse xeerka saxaafadda ma wuxuu akhristay intii uu   noq day Af-hayeenka Madaxtooyadda? Miyaanu akhriyin markii uu ahaa tafatiraha wargeyska  Saxa nsaxo ee uu qori jiray wax alla wixii uu doono ee ku soo dhaca maskaxdiisa, heer xittaa uu uu  ga adhay in uu madaxweynihii hore uu ku canbaareeyo aas uu ka qayb-galay oo ahayd gabadh ay qaraabo ahaayeen Madaxweynaha oo u shaqayn jirtay. C/laahi Cukuse marka uu leeyahay  (Sa xaafadda Xunxun) ma madaxbanaanidii uu shalay ku doodayey ayaa noqotay xumaan mise  arrin tu waxa weeyaan; markaygana aan waxaan doono sheego, marka aan xukuumadda aan ka mid noqdana yaan waxba la sheegin oo saxaafadda wax sheegsheegtaa waa mid xun oo u baahan in la karbaasho.

Ta kale C/laahi Cukuse waxa uu ahaa intii aanu xilkan qaban guddoomiyaha Dalladii saxaafadda Madaxabanaan ee USJ, isagoo markasta oo la soo qaado xeer saxaafadeed ama wax wax u  dh imaya xoriyatul-qawlka ahaa qofka ugu horeeya ee ka qayliya, isagoo ku doodi jiray in  xukuum addii UDUB ay cabudhinayso saxaafadda, isla markaana wargeyskiisa Saxansaxo waxa uu ahaa ka ugu daran ee ay ka qaylin jirtay xukuumaddii UDUB uu markasta ka jawaabi jirtay waxyaabuhu qoro, saxaafaddana wuxuu ku dhiirigalin jiray inay si weyn isu abaabulaan oo ay uga hortagaan, isaga oo saxaafadda difaacda xukuumaddii horana u yaqaanay Faqash, hase yeeshee markii uu noqday Af-hayeenka Madaxtooyadda oo ay ahaydba inuu iska wareejiyo xilkii  guddoomiyenim ada ururkii USJ, waxay noqotay arrintiisu xukuumaddii UDUB uunbay ahayd in wax laga sheego ee xukuumadda KULMIYE ee aan ka mid ahay waa ceeb ka saliim oo ma geydo in haba yaraatee wax laga sheego, halkii laga filayey inuu safiir u dooda u noqdo Saxaafadda ayuu noqday ka ugu  hor eeya ee la dagaalama, isagoo makarafoonkaba u qaatay in la rido xukuumaddii UDUB xilligii olalihii doorashadii madaxtinimadda oo uu isagoo la socda Muuse Biixi soo maray goboladda Galbeedka ee Awdal iyo Salal.

Haatanna xaaladiisu waxay maraysaa inuu isagoo is leh ammaan madaxweyne Siilaanyo in uu u soo jiido fadeexado, waxaana tusaale u ah; barnaamujkii uu habeen hore ka sii daayey  Telefish a nka Qaranka ee uu kaga hadlayey taariikhdii SNM, kaas oo uu madaxweyne Siilaanyo ka dhigay Libaax ah xayawaan, kaas oo uu ku soo koobay taariikhdii SNM Siilaanyo, taasina waxay keentay in maanta ciyaalka marka ay maqlaan libaax ciyaya ay yidhaahdaan waa Siilaanyo.

Soomaalidu waxay ku maahmaahdaa “Ilaahayaw Haa iyo Maya meel ha nagaga wada yeedhsiin”, ee haddii Cukusow aad noqotay muxaafid iska dhig title-ka madaxbanaanida saxaafadda ee aad sidato inta laga guulaysan doono xukuumaddaada doorashooyinka danbe oo markaasoo aad had dana noqon doonto mid u dooda xoriyadda saxaafadda.!



Source: Faalladda Wargeyska Waaheen