Boqollaal Askari Oo Lagu Soo Tababbaray Dalka Erateria Oo Laga Soo Dejiyey Xeebaha Gobolka Awdal iyo Ciidamada Itoobiya Iyo Somaliland Oo Hawlgallo Bilaabay
 

Hadal haynta Kooxdan waannu maqalley, waxaana si deg deg ah uga hawl-galay Ciidammadda kala duwan ee Somaliland..” Badhasaabka G/ Selel.

Buullo-caddo-(TNN):- Ciidammo tiradooda lagu qiyaasay 300 oo Askari, isla markaana la sheegay in lagu soo tababbaray dalka Erateria, ayaa ka soo degay goobo ka mid ah Xeebta Galbeed ee dalka Somaliland.

Ciidamadan oo ka soo degay Degaanka Buullo-caddo ee Gobolka Awdal, ayaa sida la sheegay waxa lagu soo tababbaray Dalka Eritaria. Markii kooxahan laga dejiyay Degaanka Buullo-Caddo oo ah  De kad Dabiiciya una dhaxaysa Magaalooyinka Lug-haya iyo Saylac, sannadihii u danbeeyayna ay  isti cmaalayeen, qaar ka mid ah ganacsatadda Shidaalka, waxa markii lagu dejiyey Ciidammadaas ay u ga baxeen markiiba dhinaca Buuraleyda Maarmaar ee dalka Ethiopia, iyagoo habeenkii ku sii nastay goobta lagu magacaabo Madax-dadley oo ahayd Saldhig Millatari oo Ciidammadii Siyaad Barre  Deg anaan jireen, halkaas oo dadka ku dhaqan degaankaasi ay ku arkeen qalab Millatari iyo  qasharra da rasaasta loo isticmaalo qoriga Baasukaha loo yaqaanno oo ay kooxahani kaga tageen iyo raad cad oo muujinaya xaddiga iyo qalabka ay wateen. Gudoomiyaha Gobolka Selel Maxamed Muuse  Bu cul (Buuni) oo Wargeyska HargeisaStar khatka taleefanka wax kaga waydiiyey jiritaanka wararka sheegaya in Ciidammo Jabuuti ku lid ah la keenay deegaanka iyo dhaqdhaqaaqa Itoobiyaanka iyo Somaliland, ayaa sheegay in Ciidammadda Qaranka, Xeebaha iyo Booliska Somaliland ee Gobolkaasi wadaan hawl-gal ballaadhan, heegan culusna ay ku jiraan 24-kii saacadood ee ugu dambeeyey.

 Badhasaabku waxa kale oo uu sheegay inaanu wax raad ah oo la hayaa jirin, balse tuhun wayn la qabo, wixii ka soo baxana la cadayn doono oo shacbiga laga qancin doono. Guddoomiyaha Gobolka Selel, mar aannu waydiinney cidda ay yihiin kooxahani iyo ujeeddada halkaa looga soo dejiyey, wa xa uu yidhi; “Hadal haynta Kooxdan waannu maqalley, waxaana si deg deg ah uga hawl-galay  Ciid ammadda kala duwan ee Somaliland, Millatariga iyo ilaalada Xeebaha, waxaanay sameeyeen hawl gallo ballaadhan markii ay dareennadani soo baxeen, dhinaca Xeebta oo dhan iyo gudaba waa laga wadaa hawl galkaas oo ciidammadu ay illaa wali ku jiraan, hadal hayn mooyaane, ma jiro wax qalab iyo ciidan ah oo ka soo degay Buullo-caddo iyo Xeebaha kale ee Gobolka.” Badhasaabka Gobolka Selel ayaa sidoo kale sheegay inay jiraan shirar iyo kulammo labada Gobol ee Shinniile iyo Selel ku yeesheen magaaladda Xariirad, kaasoo uu sheegay inay kaga wadahadleen nabad-gaylada iyo xidhiidhka labada Gobol. “Maanta (shalay), waxaannu kulan la yeelannay, masuuliyiinta maamulka Gobolka Shinniile ee dalka Itoobiya oo aannu Xariirad ku kulannay, waxaannu ka wadahadalley ammaanka iyo nabadda sidii loo adkayn lahaa, labadda dhinacna xidhiidh wanaagsan uga yeelan lahaayeen wixii soo kordha. Sidaad ogtihiin xidhiid wanaagsan ayaa innaga dhexeeya dalalka  jaa rka ah, wax xun oo ceeb ah ayaanay innagu tahay in gudaheenna waxyeelo uga tagto.” Ayuu yidhi Guddoomiyaha Gobolka Selel.

Sidoo kale, Duqa Degmada Saylac ee xarunta Gobolka Selel Maxamed Cumar Cawad, oo Wargeyska HargeisaStar isagana wax ka waydiiyey waxa uu kala socdo Ciidamadaas, ayaa ku jawaabay; “Wax aan kuu sheegayaa in meeshu aanay Buullo-cado ahayn, laakiin ay meel kale tahay, markaa  Taliya yaashii iyo madaxdii baa ku maqan, wax intaa dheer oo aan kuu sheegi karaana ma jirto.” Mar  aan nu xalay isku daynay inaannu arrintaa wax ka waydiinno Wasiirka Wasaaradda arrimaha gudaha Somaliland Dr. Maxamed Cabdi Gabboose, ayaanay noo suuragalin, ka dib markii uu naga qaban waayey taleefankiisa gacanta.

Si kastaba ha ahaatee, 24-kii saacadood ee u danbeeyey waxa si wayn looga dareemayay, degaa nno badan oo Gobollada Selel iyo Awdal ka tirsan dhaq-dhaqaaqa iyo hawl-gallo ballaadhan oo Ciidammada Xeebaha iyo kuwa Millatariga ee Somaliland jiidahaas ka wadaan, kaas oo ka dhashay, isla markaana lagu raad goobayo kooxahaas laga soo waaridey dalka Erataria. Waxaanay ila-ware edyo kala duwani la sheegay in lagu soo tababbaray dalka Eratariya oo loo malaynayo in ay ka mid yihiin Jabhad ku kacsan dawladda Jabuuti oo dhawaan Saldhig ka samaysatay dalka Eratariya, isla markaana la sheegay inuu ka dambeeyo Ganacsadaha reer Jabuuti Mr. Boore, ayaan la ogayn  jiha da ay rasmi ahaan uga baxeen halkaas, hasa yeeshee waxa si wayn loo dareemayay baadi goob ballaadhan oo Ciidammadda qalabka sida ee Somaliland qaybihiisa kala duwani ay u dhamaayeen oo guud ahaan aaggaas ka socda. Sidoo kale Ciidamo aad u tira badan oo Itoobiyaan ah, ayaa la soo dhoobay degaannada ku teedsan Xuduudda Somaliland iyo Ethiopia ee Gobollada Awdal iyo Selel, kuwaas oo dhinacooda ka wada baadhitaanno aan faah-faahintooda la ogayn illaa hadda.

Dadka ku dhaqan degaankaas oo kooxahan la sheegay in lagu soo tababbaray dalka Eratariya ee laga soo dejiyay degaanka Buullo-Caddo, ayaa tibaaxay inay Ciidamadaasi si deg deg ah uga  shir aaqdeen meelihii doonyuhu dhigeen, una dhaqaaqeen dhinaca xadka Itoobiya, halka ay wararka qaarkood sheegayaan inay Ciidamadaasi raaceen Buurta Maarmaar lagu magacaabo oo dhinaca galbeed kaga quman tuuladda Cabdi Qaadir lagu arkay qaar ka mid ah kooxdaas. “Ciidankaasi oo Boqollaal ahaa Markii ay Doonayaha Ka Degeen si degdeg ah, ayey deegaanka uga ambabaxeen, hub badanna way siteen.” sidaa waxa yidhi mid ka mid ah dadka deegaanka oo goob-joog ahaa markii Ciidankaas Doonyuhu rogayeen.

Source: Hargeisa star