BIYO MA HELLO,
CODNA WAY NAGA DOONAYAAN
Biyo
ma helo,surmi ayay caruurtii la beer cadaatay,markaanu cabanay na ee
aanu banaan-baxnayna rasaas ayaa ciidankii qaranku noo adee
gsaday,hadana codna way naga doonayaan inaanu siino doorashada.
Sidaa waxa iigu jawaabtay wadaniyada la yidhaa Sahra Cali oo aan
telefoon kula xidhiidhay xalay kadib markaan maqlay mudaharaad salmi
ah oo ay sameeyeen dadweynaha xaafada Axmed-Dhagax ee Hargeysa.
Waa ayaan darro dhinacna ay uga hinqan la´ayihiin shacabka
Somaliland ee biyo la´aantu aafaysay.Waa dhib dawladdii xal u
raadin lahayd inay furdaamiso caruurta iyo hooyooyinka surmigu
nolosha ka horjoogsaday inay ciidanka qaranka u adeegsato,rasaas aan
loo meel deyina ooda kaga qaado.
Madaxweyne Rayaale waxa uu ku sheegay khudbadiisii dheerayd ee uu
beerta xoriyada ka jeediyay maalintii UDUB u dabaal dagaysay 18 May
inay ku guulaysteen ceelal badan oo gobol kasta iyo caasimada
hareeraheeda.Taasi ma waxay ahayd waxba kama jiraaan iyo hawo aan la
taaban karin.
Maxaa-se ka hor taagan dib-u-habaynta iyo xoojinta biyaha geed-deeble.Waxa
la yaab leh Eng.Khalaf hadalada ka soo baxaya dibnahiisa, isagoo ah
masuulka biyaha waxa laga wadaynaayo ee loo daba
fadhiisto.Eng.Khalfa waxa ka mid ahaa erayada aan xalku ka muuqan "Adeer
hadday kala-horraysiinta dhibtu ka timi,hadda waxii ka dambeeya
sideedii hore ayay ahaanaysaa oo Biyaha waad helaysaan galabnimada
waqtigii aad heli jirteen." Waa madaxii wakaalada biyaha,waana
aqoonyahan,haddana waxa uu muujiyay inaanay haba yaraatee jirin wax
rajo ah ama qorshe ah oo xaalada biyo la´aanta lagaga bixi karo
inay wakaalada biyahu haynin.
Xaafadda Axmed-dhagax maaha tii ugu horaysay ee biyo la´aanta ka
cabata balse Hargeysa inteeda badan waa la mid sida Maxamuud Haybe
iyo New Hargeysa oo iyana banaan-baxyo salmi ah ku muujiyay
harraadka ay la il-daranyihiin ee dhinac ay uga ciirsadaan
jirin,dawladii ay u cabteena ay digasho ugu jawaabtay.Maalmahaana
Eng.Khalaf waxa uu ugu jawaabay erayo waddaniyiinta Somaliland
dhaqankooda ceeb ku ah,waxaana ka mid ahaa "Xafadahu iyaga ayaa
dhexdooda dhibaato isku haya ee xaggayaga maaha." Waxay erayadaasi
ka mid ahaayeen waraysigii BBC-du la yeelatay.
Markaa masuulkaasi waxa uu caddeeyay haba yaraatee inaanu xisbiga
UDUB ee dalka hogaankiisa haya dan iyo muraad toona ka lahayn ciddii
surmiyaysa iyo ciddii gaajo u dhimanaysaba.Hadana Madaxweyne Rayaale
waxa ku kelifay inuu u kicitamo gobolada Saaxil,Togdheer, iyo
barigaba waa cod na siiya oo kursiga aan ku sii fadhiyo si baahiyaha
noloshu idiinku badato ilaa aad ogolaataan dib ugu noqoshada
midnimada Somaliya.Waa ula jeedada keliya iyo habka uu ku dhaqmayo
xisbiga UDUB.
Aadamigu waxa uu ku noolyahay waa biyaha,hadii la waayana waa lama
huraan inuu aadamigu gadoodayo.Markaa ma waxa suurta gal ah biyaha
geed-deeble in makiinado quwadoodu ka roontahay kuwa hadda adeega la
soo iibiyo,haamo waawayn oo kayd ahna magaalada afarteeda jiho laga
dhiso.
Kharashka lagu bixinaayo jilibyada iyo qabaailka ee casuumadaha lagu
samaynaayo,loogana jeedo codka noogu rida,kharashyada safarrada
qaaradaha lagu tamashlaynaayo maxaa loogu bixin waayay hab-socodka
iyo ka haqab tirka biyaha ee shacabka hargeysa la daalaa dhacayo.
Waxa kale oo shacabka argagaxiso ku ridday hubkii ay iyagu u
dhiibeen dawlada in dib loogu foorariyo mar kasta oo ay baahidooda
is-ku dayaan inay banaan-bax distoorku u ogolaaday ku muujiyaan.Waxa
hadaba is-waydiin mudan UDUB dhib kasta oo shacab loo gaysto way ku
dayday shacabkeeda,waana ma dhacdo inuu shacabku khal-khal dalka ka
rido ee waa maxay ula jeedada uu UDUB ka leeyahay dhacdooyinkaa
shacabku hore uga dhiigga iyo dhaqaalaba u horay,ma sidaa-say weliba
cod kaga doonaysaa shacabkan ceelka iyo cadhada marada la hagoogan!
Allahayow shacakan iyo dalkan Somaliland u door madax khayr qabta.
Amiin.
Hussein Badmah
|