Badhasaabka
Gobolka Gabiley Oo Boqosho Shaqo Ku Yimid
Dalka Sweden
Badhasaabka Gobolka Gabiley Mudane Mohamed ahmed Xabiib, ayaa
maalintii Isniinta ee Toddobaadkan ka soo dagay garoonka caalamiga
ah ee Stockhom, Sweden.
Waxa Badhasaabka ku soo dhaweeyay
Madaarka madax ay ka mid yihiin Wakillka Somaliland u fadhiya dalka
Sweden mudane Eidarus Sh Adan, Gudoomiya dalada guud ee jaaliyadaha
Somaliland mudane Zakarie Hassan Waes , xubin ka socota ururka bada
cas Mudane Abdirahmaan Jama Ismail ”Jamaal” gudida qaban qaabada soo
dhaweynta mudane Said Abdillahi iyo Mohamed Abdilaahi iyo dadweyne
kaleba.
Badhasaabku waxuu ka mahad naqay sida diiran ee loogu soo dhaweeyay
Sweden, intaa kadib waxa madaxdii halkaa joogtay iyo dhamaan
shacbiwaynaha ku dhaqan dalka Sweden u soo gudbiyey salaan iyo
hambalyo uu uga siday Madaxweynaha jamhuuriyada Somaliland mudane
Daahir Rayaale Kaahin.
Mudane Mohamed Habiib waxuu si kooban uga waramay xaallada guud ee
dalku maryo iyo ujeedada safarkiisan oo uu ku soo koobay, la tashi
qurba jooga iyo sidii laysaga kaashan lahaa horumarinta iyo wax u
qabadka Gobolka curdinka ah ee Gabilay iyo guud ahaanba dalka.
badhasaabku marka ay hawsha uu socda u dhamaato, waxa uu boqon doona
waddamo kale.
Mudane mohamed Habiib waxa uu qorshaysan in uu kulamo la yeesho
jaaliyadaha dalka Sweden, si uu ugu soo bandhigo ujeedada
safarkiisan iyo arrimo kale oo muhiiima, taas oo madaxda goobta
joogtay idiin soo gudbindoonaan waqtiga iyo goobaha lagu kulmi doono.
Source: Tvsle.net
|