Baahiyi qof kuu daran bay kuu gaysaa

Dhamaan shacabka Somaliland waxa aan ku salaamayaa salaanta islaamka. Intaa ka dib waxa aan maanta taabanayaa arrin ku cusub saaxada siyaasada dalkan jamhuuriyada Somaliland.

Hadaan hoos ugu daadago dulucda maqaalkan waxa maalinba maalinta ka danbaysa soo  ifbax aya dabino ay siyaasiyiinta xisbiyadu isu daadinayaan,xadhko dabacsan oo hadana dadban ay aa ku dhex meersan maamulada xisbiyada.Taasina waxay ku tusaysaa siyaasiyiinta qaabkaa wax u wadaa inaanay dadka iyo dalka midna daacad u ahayn.Tusaale hadaan u soo qaato  dha waaqii Mudane Cabdilaahi Saciid Dheere ee uu ku muujiyay inuu u taaganyahay jagada gudoo miyaha xisbiga cadaalada iyo daryeelka ee UCID waxa hadaladiisa ka muuqatay ama sida mura ayada laga dhex arkaayay inaanu qofka u taagani isaga ahayn ee cid kale ka dhex  hadlayso.

Waayo,ka soo qaad ama uba fiirso jawaabtii uu ka bixiyay waydiintii saxafigii waraysanayay ku tuuray,ahaydna: Maxaa kugu kelifay inaad isu soo taagtid jagada gudoomiyaha xisbiga?
Waxa uu ku jawaab celiyay sidatan: Markaan arkay raggii saaxiibaday ahaa oo wada musharax ah ayaan aniguna doonay. Waa wax lagu qoslo,waxa aad moodaa ilmo iska cayaarayaa oo aan himilaba lahayn.Wayse caddahay inaanu damac siyaasadeed u gayn ee laga dhigtay hangool lagu soo qabto laanta geedka ka mudh baxday. Waxa la yidhi (Nimaan kuu furaynine yaanu kuu rarin).

Maaha wax la yaab leh oo dhacdooyinka siyaasiyiinta qaarkood ayaan waxba ku  salaysnayn.W aana ta keentay inaan wax qorshe ah xataa dawladahii kala danbeeyay ee dalka soo maray aanay lahayn ee keenta had iyo jeer jiho wareer shacabka ku habsada.

Muwaadin kastaaba xaq ayuu u leeyahay inuu damac siyaasadeed yeesho,qorshe u samaysto damaciisa,una hawl galo isaga oo daacad ah oo ka madaxbanaan xayndaabka dabinada danaha gaarka ah ku gadaaman. Sidaa darteed waxa aan leeyahay Mudane Cabdilaahi Saciid Dheere waa ayaan darro dadaalkii aad guyaal ka guyaal ku soo jirtay aad ugu danbayntii cidla kaga kacdo oo aad u biyo shubatid danayste.

Waxa aan ku soo afjarayaa: baahiyi nin kuu daran bay kuu gaysaa.

Allaah ayaa mahad leh.