Adduunka ama Kownka (Qaybtii 34aad)

Muxamad Rasuulullaah sallallaahu calayhi wasalam.

Rasuulka Alle nabadgelyo iyo naxariisi,korkiisa ha ahaatee,waa ka ugu khayrka badan khalqiga Alle abuuray,oo dhan,Rasuulka Alle waxa uu ku dhashay magaalada Maka, waxana ay ahayd sannadkii la odhan jirey caamul fiil,waxana ay ahayd maalin Isniin ah,bisha rabiical awal,laba iyo tobankeedii,waxana Aabbihii geeriyooday iyadoo aanu nebigu dhalan,oo uurka lagu sido,hooyadii Aamina bintu Wahab,waxay iyana geeriyootay isagoo yar,waxa naas nuujisay Xaliima Sacdiya,oo waxa Rasuulka Alle masuul ka ahaa,oo korriinkiisa,iyo xannaanadiisa lahaa adeerkii Abu Daalib,oo aad nebiga u jeclaa,Nebigu waxa uu ilaa iyo yaraantiisii ku sifoobay, run sheegga,iyo amaano badnaanta,oo waxa loo yaqaanney Saadiqal amiin(run badanihii aaminka ahaa),Rasuulku nabadgelyo,iyo naxariisi korkiisa ha ahaatee,isaga oo ah,ka ugu khayrka badan khalqiga Alle abuuray,haddana wuxu sida dadka kale ka qayb qaadan jirey,nolosha iyo hawleheeda kala geddisan,wuxu muddo ka qayb qaatay,xoolo raaca, ka dibna ganacsiga,iyo safarrada tijaarada,waxa uu intaanu guursan Khadiijo Bintu Khuwaylad u samayn jirey safarrada ganacsiga,waxana la sheegay in Illaahay daruur u hadhayn jirey,oo u dallaalimayn jirey,markuu safarka ku guda jiro,maalkii iyo xoolihiina Khadiijo aad ayay ugu bateen,oo u barakoobeen,markii Khadiijo aragtay run badnaantiisa,iyo aaminnimadiisa,ayay goosatay in uu guursado,waxana uu guursaday isaga oo 25 jir ah,ka dib waxa waxyiga Alle ku soo degey isagoo afartan jir ah,oo god qaarul xiraa la yidhaahdo,Alle ku caabudaya,iyadoo aanu Rasuulku sallallaahu calayhi wasalam,hore waxba u qori jirin,waxna u akhriyi jirin,ayaa Malakul Jibriil Alle u soo diray,oo waxa ugu horreeysey Quraanka Alle ku soo dejiyey Nebigeenna,aayado ka mid ah suuradda "Alcalaq"ee iqra:

إقرأ باسم ربك الذي الخلق خلق الانسان من علق اقرأ وربك الاكرم الذي علم بالقلم علم الانسان ما لم يعلم ( العلق)
Aayadda:Akhri magaca Rabbigaa,kii abuuray,ee ka abuuray dadka xinjir yar,akhri Rabbigaaga kariimka ah,ka baray sida qalinka,wax loogu qoro,ee baray dadka wax aanay aqoonin.

halkaas ayaa Rasuulka Alle ka bilaabay ugu yeedhista dadka diinta,iyo xaqa,waxana dacwadu muddo 3 sannadood ah u socotay,si qarsoodi ah,oo sir ah,oo aanu Rasuulku muujin jirin,oo si cad dadka ugu baaqi jirin,saddexdii sanno ka dib,ayaa markay dad farabadani soo islaameen,waxa Rasuulka la faray in uu shaaca ka qaado,oo si badheedh ah oo cad,dadka diinta ugu yeedho:

فاصدع بما تؤمر واعرض عن المشركين (الحجر)
Aayadda:muuji oo caddee waxa lagu amray,oo iska dhaaf Mushrikiinta.
Rasuulka dhibaatooyin badan,ayaa kala soo kulantay fidinta diinta,iyo sheegista xaqa, waxase uu kaga baxay sabir,iyo dulqaad,Rasuulka Alle oo naxariis badnaa,ma ahayn mid waxa naftiisa lagu samaynayo,shakhsi ahaan ka cadhooda,oo aargudasho ka dalba laakiin wixii khalad ah,ee diinta Alle,lagula kaco wuu ka cadhoon jirey,dhamaan Rusushii Alle soo diray,waxay dadka ugu yeedhayeen,in Alle keli yahay,oo la caabudo keligii:
وما أرسلنا من قبلك من رسول إلا نوحي إليه أنّه لا إلـه إلا أنا فاعبدون(ألأنبياء)
Aayadda:ma aannu dirin adiga hortaa,Rasuul,annagoo u waxyoonna ma ahee,in Anniga mooyee Alle kale aanu jirin,oo aad i caabuddaan.

waxa Rasuulka Alle ahaa naxariis Alle ummadda u soo diray, Sidoo kale Illaahay Rasuulka uu inoo soo diray,wuxu inoo yahay Raxmad,oo xaqii ayuu inoo caddaynayaa,oo ina tusayaa waddadii toosnayd,ee aynu ku helaynay naxariista,iyo Jannada Eebbe:
(وَمَا أَرْسَلْنَاكَ إِلاَّ رَحْمَةً لِّلْعَالَمِيْنَ) سورة الأنبياء

Aayadda:kuuma aannu soo dirin raxmad aad u tahay caalamiinta(dadka) mooyee.
Rasuulka Alle,wuxu dadka u ahaa naxariis,maadaama uu u tilmaamayey liibaanta,iyo sida qofku kaga baxayo mugdiga,ee nuurka iyo xaqa u garanayo,Jannadana u shaqaysanayo,sidoo kale Alle wuxu ka dhigay Nebiga mid naxariis badan,oo dadka u wada dhibirsan:
لَقَدْ جَاءَكُمْ رَسُوْلٌ مِّنْ أَنْفُسِكُمْ غَزِيْزٌ عَلَيْهِ مَا عَنِتُّمْ حَرِيْصٌ عَلَيْكُمْ بِالْمُؤْمِنِيْنَ رَؤُوْفٌ رَّحِيْمٌ) سورة التوبة)
Aayadda:waxa xaqiiqa'e la idiin soo diray Rasuul idinka mid ah,oo ka xanuunsanaya hadday dhib idin taabato,oo idiin dadaalaya,oo u ah Muuminiinta mid dhibirsan oo u naxariis badan.
قال صلى الله عليه وسلم (إنّما أنا رحمة مهداه)

Xadiiska:waxa Rasuulku sallallaahu calayhi wasalam yidhi:waxkale ma ahee,waxan ahay raxmad lagu hanuunayo oo lagu hadoobayo.
Rasuulka Alle nabadgelyo,iyo naxariisi korkiisa ha ahaatee,waxa uu ina baray,oo inoo caddeeyey khayrka,iyo sida wanaagga,iyo nimcada Eebbe loo kasbanayo,ee loo helayo,wax kastana wuu inoo caddeeyey,Illaahay ha ka jasaa'i siiyo,oo maqaamka maxmuudka ah ha ka soo saaro,wuxu inoo caddeeyey xaqa:

"وَنَزَّلْنَا عَلَيْكَ الْكِتَابَ تِبْيَانًا لِكُلِّ شَيْءٍ وَّ هُدىً وَّ رَحْمَةً وَّبُشْرىٰ لِلْمُسْلِمِيْنَ" (النحل)
Aayadda:waannu kugu soo dejinney(Nebi Allow)kitaabka isagoo shey kasta caddayn iyo sharrax ka bixinaya,oo hanuun iyo raxmad iyo bushaaro u ah Muslimiinta.
Rasuulka Alle,oo ahaa Rasuulkii ugu dambeyey,Rususha Alle soo diray,waxa loo soo diray caalamkoo dhan,Rusushii hore mid kasta qowm gaar ah,ayaa loo soo diri jirey:
وما أرسلناك إلا كافة للنّاس بشيرًا ونذيرًا ولكن أكثر النّاس لا يعلمون(سبا)
Aayadda:kuuma aannu dirin,dhamaan dadka oo idil mooyee,adoo bushaaro,iyo digis u ah,laakiin dadka intiisa badani ma garanayaan arrinkaa.

Rasuulka Nabadgelyo iyo naxariisi korkiisa,ha ahaatee,waxa Alle awooddiisa kaga dhigay,isagoo aan waxba qorin,waxna akhriyin,macalin dadka xaqa bara,oo loo soo diray dadka Adduunka ku nool oo dhan:

قل يا أيّها النّاس إنّي رسول الله إليكم جميعاً الّذي له ملك السّماوات والأرض لا إلـه إلا هو يحيى ويميت فأمنوا بالله ورسوله النّبيّ الأمّيّ الّذي يؤمن بالله وكلماته واتّبعوه لعلكم تهتدون(ألأعراف)
Aayadda:dheh(Nebi Allow)dadyohow waxan ahay Rasuulkii Illaahay,ee loo soo diray dhamaantiin,Allaha iska leh Samooyinka,iyo Arlada mulkigooda,ee Isaga mooyee,aanu Alle kale jirin,oo ah ka waxna nooleeya,waxna dila,rumeeya Allihiin, iyo Rasuulkiisa,Nebiga ummiga ah,ee aan waxba qorin,waxna akhriyin,ee rumeeyey Alle,iyo kemedihiisa,raaca waxa la arkaa,in aad hanuuntaane.

Illaahay subxaana watacaalaa,xikmaddiisa iyo cilmigiisa,uma uu yeelin Rasuulka wax wiilal ah oo tarma,ama sameeya durriyad ku abtirsata Rasuulka sallallaahu calayhi wasalam,waxana Alle u soo diray ummadda in uu ka saaro,mugdiga oo nuurka,iyo iftiinka u saaro,oo baro Allohood,iyo sida ay ugu cibaadaysanayaan,una kala caddeeyo,waxa waajibka ku ah,iyo waxa kale,waxa xalaasha ah,iyo waxa xaaraanta ah,iyo qaybaha nololeed ee diintu inoo jideeysey,oo dhan,Rasuulka Alle waa kii ugu dambeeyey Rususha,iyo Anbiyada Alle dadka u soo diray:

ما كان محمد أبا أحدٍ من رجالكم ولكن رسول الله وخاتم النّبيين وكان الله بكلّ شيء عليمًا(الأحزاب)
Aayadda:ma ahayn Maxamed Aabbaha mid idinka mid ah,raggiinna,laakiinse waa Rasuulkii Alle,waana khaatimu nebiyiinta(Nebiyada kii ugu danbeyey),oo Alle wax kasta cilmi buu u leeyahay.
Rasuulka Alle nabadgelyo,iyo naxariisi korkiisa ha ahaatee,waxa uu dadka u soo gudbinayey,waxa xagga Alle looga waxyoodey,ee Alle ku soo dejiyey,ma aha wax isaga,ama cid kale ka timid,waxyiga Alle keliya ayuu dadka gaadhsiinayey:
قل إنّما أتّبع ما يوحى إليّ من ربّي هذا بصائر من ربّكم وهدىً ورحمةً لقوم يؤمنون(الأعراف)-الرسالة
Aayadda:dheh(Nebi Allow)waxa aan raacayaa waxa la iiga waxyoodo xagga Rabbi,kaasi waa iftiin xagga Rabbigiin ka sugnaaday,iyo hanuun,iyo raxmad u sugnaatay qawmka muuminiinta ah.
Maadaama oo uu Rasuulku waxyigii Rabbigeen sido,oo u gudbinayo dadka, waa in la adeeco,qofkii Rasuulka adeeca,ee rumeeya,oo raacaa,waa qof Alle adeecay:
من يطع الرّسول فقد أطاع الله ومن تولّى فما أرسلناك عليهم حفيظاً (النسّاء)
Aayadda:kii Rasuulka adeecaa,wuxu adeecay Illaahay,kii ka jeesta,ee diidana, adiga kuuma aannu dirin,in aad ilaaliye ka noqoto,oo ilaaliso.

فاتّقوا الله وأطيعون وما أسئلكم عليه من أجر إن أجري إلا على ربّ العالمين(الشعراء)
Aayadda:Alle ka cabsada,oo i adeeca,idinma weydiinayo xoolo,iyo ajartoonna,aniga ajarkayga xagga Rabbiga caalamiinta ayuu iiga sugnaaday.
Waxa Rasuulka sallallaahu calayhi wasalame,uu weheliyaa magaca Eebbe,oo furaha lagu soo galo Islaamka,waa Ashahaadada Alle iyo Rasuulka,oo shanta tiir ee Islaamka,waxa ugu horraysa,Ashahaadda Alle iyo Rasuulkiisa:

عن أبي عبد الرّحمن عبدالله بن عمر بن الخطّاب رضي الله عنهما،قال سمعت رسول الله صلى الله عليه وسلّم يقول:"بني الإسلام على خمس:شهادة أن لا إلـه إلا الله وأنّ محمد رسول الله،وإقام الصّلاة،وإتاء الزّكاة،وحجّ البيت،وصوم رمضان"رواه البخاريّ ومسلمٌ.
Xadiiska:waxa Abi Cabdiraxman Ibnu Cumar Ibnu Khadaab,Alle ha ka raalli ahaadee laga weriyey,in uu yidhi waxan maqlay,Rasuulkii Alle nabadgelyo,iyo naxariisi korkiisa ha ahaatee,oo leh;waxa Islaamku ku dhisan yahay shan tiir;Shahaadada in Alle mooyee,aan Alle kale jirin,oo Maxamedna Rasuulkii Alle yahay,iyo salaaddoo la oogo,iyo sakada oo la bixiyo,iyo ramadaanta oo la soomo,iyo xajka oo la tago.

Rasuulka Alle sallallaahu calyhi wasalam,wuxu u ahaa daka,ku dayasho,oo waa in qof kasti,isku dayaa,in uu ogaado sidii Rasuulku u dhaqmi jirey,oo ku daydaa,iskuna dayaa,in uu ku sifobo,sifooyinkii xabibullah,khayru khalqillah:

" لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيراً "(ألأحزاب)
Aayadda:xaqiiqa'e wuxu idiin ahaa Rasuulkii Alle ku dayasho wanaagsan,ciddii rajeynaysa Alle iyo yawmul qiyaamaha,ee Alle xusaysa in badan.
Rasuulka Alle isagoo ina baraya,in aynu mar walba denbi dhaaf dalbanno,oo Alle barino,ayaa wuxu inoo sheegayaa,sida uu isagu u dalbado denbi dhaafka,haddana iyada oo denbigiisoo dhan la dhaafay:

قالَ رَسُول الله صلى الله عليه وسلم (يَا أَيُّهَا النَّاسُ، تُوبُوا إِلى اللهِ واسْتَغْفِرُوهُ، فإنِّي أتُوبُ في اليَومِ مئةَ مَرَّةٍ) رواه مسلم(
Xadiiska:Rasuulka Alle nabadgelyo iyo naxariisi korkiisa ha ahaatee,wuxu yidhi;kuwa Alle iyo Nebigiisa rumaysayeey Alle u toobad keena,oo istaaqfuranlaysta, waxa aan anigu dhenbi dhaafka dalbadaa maalintiiba boqol jeer.
Rasuulka Alle waxa Alle ku sifeeyey,in uu akhlaaq aad,iyo aad u wanaagsan leeyahay:
وإنّك لعلى خلق عظيم(القلم)
Aayadda:(Rasuul Allow)waxa aad tahay,mid leh akhlaaq,aad u sarraysa,oo wanaagsan.
قال رسول الله صلى الله عليه وسلّم"إنّما بعثت لأتمّم مكارم الأخلاق"
Xadiiska:Rasuulka Alle nabadgelyo,iyo naxariisi,korkiisa,ha ahaatee,wuxu yidhi;waxa la ii soo saaray,si aan u dhamaystiro,akhlaaqda,teeda wanaagsan,ee karaamada leh.
Rasuulka Alle,sallallaahu calayhi wasalam,waxa uu ahaa,mid xishood badan:

قال أبو سعيد الخدري رضي الله عنه : " كان النبي صلى الله عليه وسلم أشدّ حَياء مِن العَذْراء في خِدْرِها " . رواه البخاري ومسلم
Xadiiska:wuxu yidhi Abu Siciid Alkhudri,raalli Alle ha ka noqdee; Nebigu sallallaahu calayhi wasalam,wuxu ahaa mid ka xishood badan gashaantida aan la guursan weli.
Waxa mar la weydiiyey,hooyadii muslimiinta Caasha,akhlaaqda Rasuulka,waxa ay tidhi;akhlaaqdiisu waxa ay ahay Quraanka(yacni waxa Quraanku farayo oo dhan)
Nebiga Alle waxa inoogu sugnaaday ku deyasho,oo waa in aynu baranno,dhamaan sifooyinkii,iyo akhlaaqdii,iyo qaabkii uu u dhaqmi jirey,ee dadka ula tacaamuli jirey,oo nolol maalmeedkiisa ku qaadan jirey,ka dib waa in aynu yeelno,oo samayno dhamaan wuxuu samayn jirey,oo waa in aynu si dhab ah,oo xaqiiqo ah u jeclaano,waa in aynu dadka oo dhan ka jeclaanno,oo xataa nafteenna ka jeclaanno:

قال صلى الله عليه وسلم لايؤمن أحدكم حتّى أكون أحبّ إليه من ولده و النّاس أجمعين ( متفق عليه)
Xadiiska:Rasuulka Nabadgelyo,iyo naxariis,korkiisa ha ahaatee,wuxu yidhi;midkiinna ma rumayn Alle,ilaa aan noqdo,mid uu ka jecel yahay ilmihiisa,iyo dadkoo dhan.
Alle jacaylka aad jeceshay,waxa u shardi ah,in aad Rasuulka rumayso,oo aad raacdo wixii uu la yimi,markaas ayaa adna Alle ku jeclaanayaa.

(قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ قُلْ أَطِيعُوا اللَّهَ وَالرَّسُولَ فَإِنْ تَوَلَّوْا فَإِنَّ اللَّهَ لا يُحِبُّ الْكَافِرِينَ) (آل عمران)
Aayadda:dheh(Nebi Allow)haddaad tihiin kuwo Alle jecel,i raaca,markaas ayaa Allena idin jeclaanayaa'e,oo idiin denbi dhaafayaa,Alle waa denbi dhaafe,naxariis badan,haddii aad arrintaa ka jeesataan,oo diiddaan,Alle ma jecla kuwa gaalada ah.
Rasuulku siduu inoo baray,habka iyo dariiqada,aynu u jeclaanayno,Alle iyo Rasuulka:
عن أنس بن مالك - رضي الله عنه - أن رسول الله - صلى الله عليه وسلم - قال : (( ثلاث من كنَّ فيه وجد حلاوة الإيمان ، أن يكون الله ورسوله أحب إليه مما سواهما ، وأن يحب المرء لا يحبه إلا لله ، وأن يكره أن يعود في الكفر كما يكره أن يقذف في النار))

Xadiiska:waxa Anas Ibnu Maalik Alle raalli ha ka noqdee,waxa laga weriyey,in Rasuulka Alle nabadgelyo iyo naxariisi korkiisa ha ahaatee,in uu yidhi;saddex arrimood qofka laga helo,wuxu helay iimaanka macaankiisa iyo xalaawadiisa,in Alle iyo Rasuulkiisu noqdaan cidda uu ugu jecel yahay,ee aanu cidna ka jeclayn,iyo in uu u jeclaado hadduu qof jeclaanayo dar Illaahay,oo in uu nebcaadaa in gaalnimo,ku dhaqmo,sida uu u karhayo in naar ama cadaab lagu tuuro.
Waxa diinteenna xaniifka ahi,ina amraysaa,in aynu adeecno Alle iyo Rasuulkiisa:
يا أيّها الّذين ءامنوا أطيعوا الله وأطيعوا الرّسول وأُولى الأمر منكم فإن تنازعتم في شيء فردّوهُ إلى الله والرّسول إن كنتم تؤمنون بالله واليوم الأخر ذالك خير وأحسن تأويلاً (النسّاء)

Aayadda:kuwa Alle iyo Nebigiisa rumeeyow adeeca Illaahay,oo adeeca Rasuulkiinna iyo cidda idiin talisa,ee idin xukunta,haddii aad shey isku khilaaftaan,u celiya Illaahay iyo Rasuulkiisa,waa haddaad rumaysan tihiin Alle iyo yowmal qiyaamaha,sidaas ayaa idiin fiican,oo u qummanaatay doorasho'e.
Waxa qofka muslinka ah,looga baahan yahay,oo Alle amrayaa,in uu wixii Rasuulku la yimaaddo qaato,oo adeeco:

وما ءاتاكم الرّسول فحذوه وما نهاكم عنه فانتهوا واتّقوا الله إنّ الله شديد العقاب(الحشر)
Aayadda:waxa uu Rasuulku idiinla yimi qaata,waxa uu idinka reebayna,ka dheeraada, oo Alle ka baqa,ciqaabka Alle waa mid kulul,oo daran.
Qof waloo muslin ah,haddii amar Alle,iyo amar Rasuul yaallaan,kama tallaabsan karo,oo ikhtiyaar kale ma haysto,in uu adeeco mooyee:
وما كان لمؤمن ولا مؤمنة إذا قضى الله ورسوله أمرًاأن يكون لهم الخيرة من أمرهم ومن يعص الله ورسوله فقد ضلّ ضلالا مبينًا(الأحزاب)

Aayadda:uma sugnaan qof muumin ah(lab iyo dheddigba)haddii Alle iyo Rasuulkiisu ay amar gooyaan,wax ikhtiyaar ahi,oo waa in ay amarka raacaan,kii caasiya Alle iyo Rasuulkiisa,oo amarka khilaafa waxa uu lumay,lumitaan fog.
Qofka rumeeyey Illaahay,iyo Rasuulkiisa,waa in uu xukunka diinta aqbalaa:
فلا وربّك لا يؤمنون حتّى يحكموك فيما شجر بينهم ثمّ لا يجدون في أنفسهم حرجاً ممّا قضيت ويسلموا تسليماً (النسّاء)

Aayadda:Alle ayaan ku dhaartee,kuma ay rumaynin,ilaa ay ku weydiistaan in aad kala xukunto,oo waxay isku qabsadaan kuuga yimaadaan,oo aanay habayaraatee,wax dhibaato ah ka keenin,waxa aad xukunto,oo arrinka adiga kuu dhiibtaan,dhiibasho cad.
Rasuulka Alle waxa uu ku tilmaamay,qofka caasiya,ee waxa uu la yimi ka gudba,ee ka tallaabsada,in uu yahay mid iskii u diiday,in uu Jannada galo:
قال رسول الله صلى الله عليه وسلم : " كل أمتي يدخلون الجنة إلا من أبى "، قالوا : يا رسول الله ومن يأبى ؟ قال :" من أطاعني دخل الجنة ، ومن عصاني فقد أبى ".

Xadiiska:wuxu yidhi Rasuulka Alle naxariis iyo nabadgelyo korkiisa ha ahaatee,kulli Ummaddaydu waxay gelaysaa Jannada,kii diida mooyee,waxay yidhaahdeen;Rasuul Allow yaa diidaya?,wuxu yidhi;kii i adeecaa Jannaduu gelayaa,kii i caasiyaana wuu diiday Jannada.
Rasuulka Illaahay,nabadgelyo iyo naxariisi,korkiisa ha ahaatee,mucjisooyin badan,ayaa Alle siiyey,waxa ka mid ahaa,dheelmintii la dheelmiyey,habeenkii israa walmicraaj,oo Rasuulka inta Maka laga dheelmiyey,ayaa masaajidka Qudus,la geeyey halkaa oo uu anbiyadii ka horreysey ku tujiyey,ka dibna waxa loo dheelmiyey samada oo inta Qudus laga qaaday,ayaa Samada loo dheelmiyey:
سبحان الذي أسرى بعبده ليلا من المسجد الحرام إلى المسجد الاقصا ألذي باركنا حوله لنريه من ءاياتنا إنّه هو السّميع العليم(ألإسراء)

Aayadda:waxa nasahan Allaha Addoonkiisa Habeen ka dheelmiyey Masaajidka Xaramka ee u dheelmiyey Masjidka Aqsaa ee aannu barakaynay hareerihiisa,si aanu u tusno Aayadahayaga Alle waa ka maqla ee cilmiga leh ee og.

halkaas oo awoodda Alle uu ku soo arkay,waxyaalo badan,Anbiyadii ka horreysey,iyo Jannada iyo Naarta,waxana halkaa Alle ku soo faray Salaadda,oo ah waajibka keliya ee Rasuulku samada Alle hortiisa ka soo qaaday,ee Alle soo faray,ee aan waxyi ku iman.
Rasuulka Alle nabadgelyo,iyo naxariisi,korkiisa ha ahaatee,waxa ku salliya Illaahay,iyo Malaa'igta,innagana waxa Alle ina farayaa in aan ku sallino,mar kasta,oo aynu maqalo soo hadal qaadkiisa,iyo waqtiyada kaleba:

إنّ الله وملائكته يصّلّون على النّبيّ يا أيّها الّذين ءامنوا صلّوا عليه وسلّموا تسليمًا(ألأحزاب)
Aayadda:Alle iyo Malaa'igtiisuba way ku salliyaan,Nebiga'e kuwa Alle iyo Nebigiisa rumaysaay ku salliya,oo salaama salaan.

قال رسول الله عليه الصلاة والسلام :"البخيل من ذكر بي عنده ولم يصلّى عليّ"
Xadiiska: Rasuulka Alle calayhi salaatu wasalaame,wuxu yidhi;qofka bakhaylka ahi, waa ka agtiisa la iga sheego(magacayga laga sheego),ee aan igu salliyin.
Khalqi Alle abuuray,nebi Maxamed sallallaahu calayhi wasalam,ayaa ugu khayr badan.
قال رسول الله صلى الله عليه وسلم : " من صلّى علي صلاةً صلّى الله به عشرة "
Xadiiska:Rasuulka Alle naxariis iyo nabadgelyo,korkiisa ha ahaatee,wuxu yidhi;kii igu salliya mar,waxa Alle ku salliyaa toban jeer.

Rasuulku salawaatullaahi wasalaamuhu caleyhi,wuu la sii dardaarmay Muslimiinta:
قال رسول الله صلى الله عليه وسلم"تركت فيكم ما إن تماسكتم لن تضلّوا بعدي أبدًا كتاب الله وسنّتي"

Xadiiska:Rasuulka Alle,nabadgelyo,iyo naxariisi,korkiisa,ha ahaatee,wuxu yidhi;waxa aan idiinka tegey,wax haddaad qabsataan,aydinaan lumayn weligiin,aniga ka dib,waa Quraanka iyo Sunnadayda.