Xukuumada Siilaanyo Ma Dayntii Cawil ku Wareejiy bay ka Mag dhabaysaa Gabiley?.

Maxaa Wax looga Qaban laayahay waxa maalin walba ka dhacaya Gobolka ee dib u dhaca ku keenaya?
 

Caqliga Saliim ahi waxaa fiican inuu is waydiiyo dhacdooyinka is daba jooga ah ee Xukuumada Siilaanyo kula kacayso Masuuliyiintii Xukuumadii hore xilalka ka hayay Gabiley kuwaasi oo lagula kacay Cadaaw ad iyo Cadaalad Darro is barkan oo ku Suntan Taariikhda Somaliland.

Xukuumada Madaxwayne Siilaanyo ayaa hore u sheegtay in aanay wax talaabo ah ka qaadi doonin wi xii ka horeeyay intii ay xilka la wareegeen, balse waxaa isa soo taraya ugaadhsiga lagu hayo qaar ka mid ah Masuuliyiintii Xukuumadii Madaxwayne Rayaale ee Gobolka Gabiley kuwaasi oo qaarkood in ka badan 7 bilood ku Xidhanyihiin Jeelka wax danbi ah oo loo haystaana aanay jirin marka laga yimaado UDUB ayay ahaan jireen.

Waxaa isa soo taraya xaq darooyinka iyo Cadaalada Darada garsoorka iyo Maamulka Gobolka Gabiley la daba taaganyihiin Masuuliyiintii Xukuumadii hore ee gabiley ka talin jiray oo uu ka mid yahay Qawra x Muuse.

Hanti dhawrka ayaa ku daba jira isla markaana dalbaday in la soo qabto Jaamac Daa,uud Ibraahin oo wakhtigii Dawladii Rayaale Xoghaye ka ahaa Degmada Wajaale Xilkana Wareejiyay 15/06/2010 kuna Wareejiyay Cabdi Siciid Iimaan oo ahaa ku Simaha Xoghayaha Fulinta Degmada Wajaale.

Warar kale ayaa waxa ay sheegayaan in ay jiraan masuuliyiin kale oo la Raadinayo oo iyana ka mid ahaa Xukuumadii hore oo lagu eedaynay in ay wax isdaba mariyeen Wakhtidii Dawladii Rayaale balse waxaa is waydiin leh Hanti Dhawrku ma Hay'ad loo Sameeyay Gabiley baa mise waa mid lagu kala dila yo isla markaana sumacadda laga Xayuubinayo Dadka ka soo jeeda Gobolka Gabiley.

Dad badan oo siyaasiyiin ah ayaa qaba in Xukuumadu dayntii ay ka soo saari wayday Cawil iyo Wasiir adii Xukuumadii hore ay ka mag dhabayso Gabiley, kuna tumanayso Sumcada iyo Karaamada dadkii soo doortay.

Maxaa wax looga qaban laayahay waxa maalin walba ka dhacaya Gobolka ee dib udhaca ku keenaya? Waxaa hubaal ah oo marag ma doon ah in Dawlada Hoose ee Gabiley ay ka shaqayn kari laadahay Hanti dhawr La soo Laaluusho oo Ugaadhsanaya Dad gaar ah oo Magacyadooda uu sito.

Taariikhdu waa ma guurto waa mid ku suntan Siyaasada Xukuumadu ku maamulayso Gobolada iyo De gmooyinka Dalka waana mid u gaar ah Gabiley oo aanay illaawi doonin shacabka ku dhaqan Gobol wa ynaha Gabiley.

Gunaanadkii waxaan u soo jeedin lahaa Xukuumada haddii aan Cadaalad laga samayn Gobolada iyo De gmooyin oo wax laga qaban waayo Hayadahan Dawladu Gabiley u samaysatay in Dalku ku danbayn do ono kala Goo'go iyo Nidaam ka Baxsan Dawladnimad oo laga dhiidhiyi doono Gumaysiga Casriga ah ee Gabiley lagu hayo.

Wa bilaahi tawfiiq