Xisbiga
KULMIYE oo Xisbiga UDUB si xarago leh ugaga badiyey
Tartankii Siyaasadda Arrimaha Dibedda Jam. Somaliland (Qaybtii
1-aad).
Prof/Dr.Mohamed
Abdillahi Omar
KULMIYE Foreign Affairs Secretary
|PPP Club- KULMIYE|
|
VS |
Hon. Abdillahi Mohamed Duale
Minister of Foreign Affairs of Somaliland
|APP Club- UDUB| |
KULMIYE
vs
UDUB
|2
: 0|
Sannadka 2010-ka, Sannadkii guusha, horumarka, isbedelka
khayrka leh iyo ictiraafkaba Somalilan d u siday
Rabbi (SWT) ha inooga dhigo (Aamiin).
Waxaan halkan ka salaamayaa dhammaanba umadda reer
Somaliland, gudaha iyo dibaddaba, ee jecel nabadda,
horumarka, wanaaga iyo gooni isu taagga Somaliland.
Hordhac:
Mulkiilayaasha,
maamulayaasha iyo taba-barayaasha Kooxaha kubbadda cagta
dunida ee ka qayb gala tartannada heerka ugu sarreeya
(Professional Football Clubs), waxay mar walba ku
dadaala an inay helaan ciyaaryahanno xirfad leh aadna
ugu xeel dheer fahanka iyo maaraynta kubadda ca
gta (talented and skilled footballers), ha noqoto
difaaca, khadka dhexe ama weeraryahannadaba. Waxa kale
oo iyadna muhiim ah in ay kooxda dhexdeeda ka jirto xil
wadaag iyo masuuliyad wadajir ah (Collective
responsibility and team sprit).
Arrintani waxay laf dhabar iyo lagama maarmaanba u tahay
guusha iyo guuldarrada kooxaha kub adda cagta.
Qaabka iyo farsamada ciyaareed ee ay kooxdaasi soo
bandhigto waxay u soo hoyn kartaa inay dunida
dacalladeeda ka kasbato magac, maamuus iyo taageerayaal
aan xad lahayn.
Sidoo kale, qaabka ay u hawlgalaan Xisbiyada siyaasiga
ah ee dunidu waxaa la odhan karaa waa loolan ciyaareed
oo u baahan aqoon iyo khibrad dheeraad ah, waxana lagu
matali karaa in ay la mid yihiin ama u dhawyihiin
tartanka kooxaha kubadda cagta oo kale.
Maqaalkan waxaynu kaga hadli doonnaa labada naadi ee ugu
sarreeya kooxaha heerka koowaad ee tartanka horyaalka
dalka Somaliland, kuwaasoo badanaaba iyagu isugu soo
baxa ciyaarta kama dambaysta ah ee koobka loogu
tartamayo. Labada naadi ee la filayo inay isku soo bixi
doonaan isherdiga kama dambaysta ah waxay kala yihiin:
|APP Club- UDUB| iyo |PPP Club- KULMIYE|. Laba dan
kooxood waa kuwo iyagu si weyn ugu kala geddisan
taariikhda soo jireenka ah ee ay ku leey ihiin
tartanka koobka horyaalka, xagga xeeladda iyo farsamada
cayaarta, awoodda dhaqaale iyo weliba bulshada kala
taageerta oo naadiyada aragtiyo iyo dano kala geddisan
ku kala taageera.
1.0 |APP Club- UDUB|
vs
|PPP Club- KULMIYE|
Dadweynaha Somaliland ee ku kala nool dalka gudihiisa
iyo dunida dacalladeedaba waxay si weyn ugu hanqal
taagayaan kulanka ciyaarta kama dambaysta ah ee loolanka
koobka horyaalka siyaas adda ee dalka Somaliland.
Radio, TV ama Internet-ka kala socoyaa ama goob joog
ahaayaaba wax a uu qof wal oo Somalilander ah oo
ciraaraha xiiseeyaa ku taamayaa in aan looga sheekayn
is-her digaa kama dambaysta ah ee lagu kala hadhi doono.
Waxaa bulshada dhexdeeda ka socda doodo iyo faallo aan
kala go’ lahayn waxaana si weyn loo hadal hayaa goorta
ay dhici doonto ciyaarta is-herdiga kama dambaysta ah
iyo cidda ay guushu ku raaci doonto!
In kasta oo ay bulshadu aad u raagsatay qabsoomidda
ciyaarta kama dambaysta ah, haddana weli lama oga
waqtiga ay dhacayso ciyaar siyaasadeedka lagu kala
baxayo, maadaama aysan weli guddida garsoorka dheesha
siyaasaddu waqti u cayimin.
1.1 |APP Club- UDUB| |Anti Patriotic Party|
Naadiga APP-UDUB waa naadi aad ugu xeel dheer maamulka,
maaraynta iyo soo bandhigidda farsa mooyinka
ciyaar siyaasadeedka nooc kasta oo ay tahayba. Naadiga
APP-UDUB waxa uu isku dayaa wax kasta oo u suurto
gelinaya hanashada koobka horyaalka siyaasadeed, xumaan
iyo samaan ta ay noqotaba.. Naadigani magac weyn ayuu ku
lahaa bulshada dhexdeeda, balse muran iyo ismari
waa ka dhex abuurmay maamulka kooxda iyo aasaasayaashii
iyagu dhidibada u taagay naadiga, ayaa waxa uu dhaliyey
in hal doorkii iyo ciyaartooygii rug caddaaga ahaa
kooxda laga eryo. Wixii intaa ka dambeeyeyna waxa uu
naadiga APP-Udub u gacan galay nin maalqabeen ah (balse
ay da dku ku xantaan inuu yahay nin hayntaba ka
madhan) mudane R.K.D. COHEN iyo shaqsiyaad kooban oo aan
magac iyo maamuus midnaba ku lahaan jirin maamulka iyo
maaraynta naadiyada heerka 1-aad. Ciyaar wanaag lagu
kala guulaystana naadiga APP-Udub waxay ka xigaan
dhimasho iyo qudh gooyo. Taasina waa tilmaamaha iyo
tabaha ay kooxdan APP-Udub taagerayaasheedu ku jecel
yih iin ee ay welina daacadda ugu yihiin.
Arrintu si kastaba ha ahaatee, dadka ku xeel dheer
falanqaynta kullamada iyo is-herdiga ka dhaca
fagaarayaasha ciyaaraha siyaasadeed ee Jamhuuriyadda
Somaliland, waxay si weyn u saadaalin jireen in aysan
marnaba muran ku jirin in kooxda ciyaaryahannada
Xisbul-xaakimku (APP-UDUB) ay si aad iyo aad ah ugaga
gacan sarrayn doonaan xulka ciyaartooyga xisbiyada
macaaridka ah oo la isku daray, xulka kooxda Kulmiyena
(PPP-KULMIYE) iyaga daaba hadalkooda!.
Saadaashan iyo ifa-faalahani waxay keeneen in dad aad u
badan oo xiiseeya ciyaaraha siyaasad du ay si weyn
u taageeraan kooxda APP-Udub, oo ay sharadkoodii dul
dhigteen kooxda (APP-UDUB), iibsadeen saamiyada iyo
tikidhada kooxda, calannada, funaanadaha iyo astaamaha
lagama maarmaanka u ah fagaarayaasha lagu soo bandhigo
is-herdiga siyaasadeed.
Dhinaca kale, maamulka iyo hoggaanka ugu sarreeya ee
kooxda APP-UDUB(, oo uu hormuud ka ya hay mudane
R.K.D. COHEN oo ah nin ku caan baxay macangagnimo iyo
loodsan la’aan, waxa uu si adag kooxda iyo
taageerayaashiisaba ugu sheegay inay ka go’antahay in
kooxdiisu, sidii doorkii hore oo kale, ay mar labaad wax
kasta oo ay ku kacaysaba ku guulaysan doonto koobka
horyaalka siyaasadda ee loo wada hamuun qabo.
Waxana uu ballan
qaaday inuu arrin iyo adduunba u huri doono sidii uu
kooxda APP-Udub ugu soo iibin lahaa ciyaartooy iyo
xeeldheerayaal fir-fircoon oo khibrad iyo waayo
aragnimaba u leh xirfa dda ciyaaraha ee siyaasadda,
kuwaasoo wacdaro ku soo bandhigi doona fagaarayaasha
loolanka siyaasadda marka ay is-herdiyaan kooxaha ka soo
horjeeda. Kooxahaa oo uu ku tilmaamay inay yihiin kuwo
iyaga heerkooda aad uga hooseeya oo ciyaar siyaasadeedda
ka xantaysanaya balse aan lahayn xeeladdii iyo xarfaddii
fagaaraha looga baahnaa.
Waxa kale oo hoggaanka APP-UDUB uu kooxda iyo
taageerayaashaba ugu ballan qaaday inay nida amka
iyo kala dambaynta si weyn u adkayn doonaan, si
taageerayaasha PPP-KULMIYE, oo lagu yaqaanno rabshad iyo
buuq marka ay ciyaar soo bandhigi waayaan, waa sida uu
mudane R.K.D. COHEN hadalka u dhigaye, ayna nabad
gelyada khatar iyo khalkhal u gelinin.
Kooxda APP-UDUB (|Anti Patriotic Party|) waxay haysteen
wax kasta iyo awood kasta oo u suur togelin
karaysey inay si dhib yar kaga guulaystaan kooxaha ka
soo horjeeda. Hoggaamiyaha sare ee kooxda, ahna
mulkiilaha leh saamiga ugu badan, mudane R.K.D. COHEN oo
ku can baxay curyaa minta iyo shirqoollada kooxaha
kale, ayaa wuxuu kooxdiisa si hagar la’aan ah uga ka
haqab tiray arrimahan:
o Awood dhaqaale oo aan xad
lahayn,
o Taba-bare aqoon iyo waayo
aragnimo u leh ciyaarta oo aad u dhega nugul,
o Agab iyo adeeg aan qiyaas
lahayn,
o Dirays iyo qalab
ciyaareed oo bilicsan,
o Gaadiidkii iyo
ammaan(nabad) sugeyaal aad u tiro badan oo aan cidi is
dhaqaajin karin,
o Garoomadii iyo madashii
uu loolanku ka dhici lahaa oo dhammaantood mulkiilaha
iyo kooxdiisa gacantooda ku jira,
o Taageerayaal aad u tiro
badan oo mushahar iyo mushqaayadba loo qoray oo
garoonnada soo buux dhaafin doona, oo guul iyo
guuldarroba sacab iyo sawaxan aan kala joojin doonin,
o Huteeladii iyo
maqaaxiyihii oo cabitaan kulayl, qabow iyo cunto kala
nooc-nooca laga dur-duuran doono ciyaarta dabadeed, oo
aan loo oggolayn in cid kale foodda soo geliso, balmay
harraad iyo macaluul u dhintaan!
o Garsoorayasha iyo calan
walayaasha dheel siyaasadeedka oo si fiican inoola
shaqaynaya,
o Iyo weliba
ciyaaryahannada ka soo cadhooda kooxda PPP-Kulmiye oo si
shuruud la’aan ah APP-Udub uga mid noqon doona, la siin
doono mushahar iyo gunne badan, xaqna u heli doono inay
xulka 1-aad ee kooxda ka mid noqdaan!
1.2 |PPP Club- KULMIYE| |Patriotic People’s Party|
Naadiga PPP-Kulmiye
waa koox aan awood iyo muruq dhaqaale oo buuran lahayn,
balse magac iyo maamuusba bulshada ciyaaraha xiisaysa
dhexdeeda ku leh. Waxay ku doodaan inay yihiin
asaasa yaashii iyo kuwii suurto geliyey inuu yimaaddo
loollan ciyaareed oo noocan oo kale ah, maadaama ay si
weyn ugaga adkaadeen ciyaarihii ay la galeen kooxii
dirayska askarta ku ciyaari jiray, kuwaa soo haddii laga
badiyana la soo bixi jiray AK-47-ka. Mabda’a uu naadiga
PPP-Kulmiye aa minsan ya hay waxa uu yahay: haddii la
soo bandhigo ciyaar wanaag iyo ciyaar farsamo sare leh
waxa hub aal ah in kooxaha dalka Somaliland loo
oggolaan doono inay ka qayb galaan tartanka horyaalka
naadiyada qarammada adduunka ee heerka 1-aad.
Dhinaca kale haddaynu eegno awoodda iyo xaallada kooxda
PPP-KULMIYE halaka ay taagan tahay; iyadu lama awood aha
kooxda APP-Udub, waxana ay weli tirsanayaan in koobkii
horyaalkii hore aanu caddaalad u dhicin oo ay
garsoorayaashii ciyaarta dhexdhexaadinayey ay uga
eexdeen koox da APP-Udub
oo rigoore(penalty)been ah la siiyey.
Arrintu si kastaba ha ahaatee, kooxda PPP-Kulmiye waxa
hortaagan duruufo, culays iyo carqalado ay ka mid yihiin:
o
PPP-Kulmiye ma laha dhaqaale fiican oo ay si
hagar la’aan ah himilooyinkeeda ku wajahan dhee
sha siyaasadda ugu fushan karto. Dhaqaalaha yar ee ay ku
soc-socotaa waa tabarruc iyo taagee ro aan
buurnayn oo ka soo gala dadweynaha iyo taageerayaasha
kooxda daacadda u ah kuwaa soo aaminsan in
kooxdoodu ay maalin maalmaha ka mid ah noqon doonto
horyaalka looga hadhay ciyaar siyaasadeedka dalka hooyo.
o Dhaqaalahan yarna uma
gooyn karo inay soo gataan ciyaar yahanno qaaliya. Taa
badalkeeda waxay ku mitidaan sidii ay dhallinta ka
tirsan bulshada qaybeheeda kala duwan ay uga kasban
lahaayeen magac fikirkoodana uga dhaadhicin lahaayeen si
aan loogu lug-gooynin lacag badan iyo ballan qaadyo
beena marka dambena la fadhiisiyo bankiinaha(pench)
fursad uu ku ciyaarana la siin waayo.
o Ma jiro mulkiile
maalqabeen ah oo isagu kooxda PPP-Kulmiye iska leh
dhaqaalena ku asqeeya. Maalqabeenno badan oo soo
hungureeyeyna waxa ka hor joogsaday sharciga naadiga u
yaalla kaasoo si cad u qeexaya inaan kooxdu marnaba u
gacan geli karin mulkiile isagu kooxda keligii iska
yeesha oo sida uu doono ka yeella.
o Sharciga naadiga PPP-Kulimiye
waxa uu si cad u qeexayaa in naadigu uu yahay mid ay
leeyihiin maamulkiisa iyo aayo ka talintiisaba
dadweynaha iyo bulsho weynta Somaliland ee jecel ciyaar
farsamadeedu sarrayso asluub wanaagna ku dheehan tahay.
o Waxa kale oo iyana jirta
in PPP-Kulmiye uu mashaakil badani ka haysto xagga
garoonnada iyo madalaha lagu soo bandhigo cayaaraha. Ma
laha garoon weyn oo si hagar la’aan ah ay ugu taba-baran
karaan, taageerayaashoodana isugu yeedhi karaan,
maadaama hay’daha qaabilsan ciyaa raha iyo kuwa
kale ee dawliga ahiba ay dhammaantood jeebka ugu jiraan
kooxda APP-Udub.
o Sidoo kale waxaa PPP-Kulmiye
xayiraad ka saaran tahay xagga faafinta iyo soo
bandhigidda farsamadooda ciyaareed iyo hadafka iyo
himilooyinka uu naadigu hiigsanayo oo aan loo ogolayn in
laga siidaayo idaacadaha iyo telefishannada caanka ah.
Si aan looga soo dayna, lacagta baahinta ciyaaraha ee
saxaafaddu qaadato ayaa cirkaa lagu shareeray, PPP-Kulmiyena
iskamaba bixin karaan.
o Halka kaliya ee ay ka
hadhi la’yihiin naadiga PPP-Kulmiye waa xagga
taageerayaashooda oo aad daacad ugu ah, aaminsanna
farsamada iyo xirfadda ciyaareed ee kooxda PPP-Kulmiye
ku caan baxday iyo taariikhdooda soo jireenka ah.
o Sidoo kale taagerayaasha
PPP-Kulmiye waxaa dhibaato weyn ku haya xoogagga sugidda
nabad da iyo ka hortagga rabshadaha ciyaaraha, kuwaasoo
taagerayaasha PPP-Kulmiye sabab la’aan iska xidh-xidha
si aanay taageero iyo dhiirri gelin ugu muujin kooxdooda.
o Taageerayaasha PPP-Kulmiye
waxa aad loogu yareeyaa tigidhada lagu galo garoonnada
ciyaara ha, si looga xanaaqsiiyo oo ay rabshado u
sameeyaan dabeedna loo xidh-xidho.
Labadan naadi waxaa dhexmaray is-aragyo iyo kullammo
qadhaadh oo dhawr ah, kaasoo koox wel iba aysan
xeel iyo xarfad midna la hadhin si ay kooxda kale ee ka
soo horjeedda jilbaha dhulka ugu dhufatto. Itaal meel uu
dhigaba, waxaa la isku adeegsaday af iyo addinba si ay
kooxiba kooxda ka le bulshada ugu tuso inay yihiin
kuwo aan waxba ka garanayn ciyaarta balse sharafteedii
iyo hay baddeediiba dilay. Arrintu si kastaba ha
ahaatee, ma uu rumoobin ifa-faalihii iyo odoroskii ay
rugc addaaga iyo xeeldheerayaasha u dhuun daloola
dheeshan ka sii saadaaliyeen in kooxda PPP-Kul miye
duhur dheer la diri doono, oo si weyn looga gacan
sarrayn doono marka la siku arko fagaara ha is-herdiga
iyo loolanka siyaasadeed.
1.3 Kulanadii bilaa Garsooraha ahaa iyo Garoomadii
madhnaa:
Waxa kale oo iyadna xusid mudan in naadiga awoodda badan
leh ee APP-UDUB, uu bilihii dhexe ee sannadkii 2009-ka
uu tartanka ciyaaraha ku soo kordhiyey fikrad cusub oo
aad uga yaabisay bulsho weynta dunida, taasoo ahayd
dhacdo aan ciyaaraha noocana hore loogu arag.
Naadiga
APP-Udub waxay soo
jeediyeen fikir odhanaya: si loogu soo baxo is aragga
ciyaarta kama dambaysta ah loomaba baahna in kooxuhu si
toos ah isu arkaan oo u tartamaan.
Dad aad u badan ayey arrintani ka cadhaysiisay oo u
arkayey inay tani la mid tahay xabaal nololin iyo ka
takhaluska tartanka ciyaaraha. Waxaba taa ka sii darnaa
markii ay guddidii iyo garsooraya ashii
dhex-dhexaadin lahaa ciyaarta kama dambaysta ah ay
fikirka kooxda APP-Udub qaateen ku na khasbeen in
kooxaha kale ay fikirkan aqbalaan!
Waxaa dabadeed abuurmay buuq, mudaharaad iyo gadood
dawyne kuwaasoo iyagu u badnaa taa geerayaasha
kooxda PPP-Kulmiye (|Patriotic People’s Party|)
doonayeyna inay badbaadiyaan sumcadda iyo magaca
ciyaaraha ee soo jireenka ah, si ay naadiyada dalku
fursad ugu helaan inay ka qayb galaan tartannada
horyaalka dunida.
Balse naadiga APP-Udub dheg umay dhigin dhawaaqyadii
bulshda ka soo yeedhayey iyo dhaleeca yntii
caalamka ee tooda ayey iska wateen. Mulkiilaha naadiga
mudane COHEN waxa uu amar ku bixiyey in naadiga
dhexdiisa laga sameeyo laba kooxood (2 teams) oo iyagu
wada ciyaara, direys iyo funaanado isku mid ahna loo
geliyo, aanu jirin siidhi iyo calan wale dhexdhexaadiya,
taageera yaashana loogu sheego in tartankii si wacan u
socdo, kooxdii ka soo qayb geli weydana yeelkeed. Iyagu
naadiga PPP-Kulmiye si toos ah ayey arrintan u qaadaceen,
waxayna taageerayaashooda ugu baqeen inayna garoomada ka
soo xaadirin.
Qisoba waa ta
dambaysee, kulankii ugu horreeyey ee ay
APP-Udub dhexdeedu wada
ciyaaraan waxa garoonka soo galay laba kooxood(team) oo
sita dirays isku mid ah.
Markii ay ciyaartii bilaabantay, waxa durbadiiba
bilaabmay buuq, sawaxan iyo foodhi ay samaynay een
taageerayaasha kooxda APP-Udub oo ku asqoobay kalana
garan waayey cidda wada ciyaar aysa iyo ciddii ay
kala taageeri lahaayeen. Sidoo kale waxay arki waayeen
oo iyaguna meesha ka maqnaa garsoorihii (siidhi wale)
iyo labadii calan wale.
Arrintani waxay dhalisay in taageerayaal aad u badan oo
kooxdani lahayd ay si toos ah ugu soo horjeestaan,
maadaama ay dareemayeen in mulkiilaha kooxdu R.K.D.
COHEN aanu daacad ahayn iyagana uu been ku maaweelinayo,
tartankii haryaalka ciyaaruhuna uu qarka u saran yahay
inuu bur-buro oo lagu kala tago! Qofkii hadlaayaba ha
iska hadlo, naadiga APP-Udub
(|Anti Patriotic Party|)
dheg umay dhigin dhawaaqyadii bulshda ka soo yeedhayey
iyo dhaleecayntii caalamka ee tooda ayey iska sii wateen.
Balse waxaa ku wacad furay taageerayaashii beryo naadiga
daacdda u ahaan jiray oo garoomadii ka soo xaadiri
waayey. Ceeb, weji gabax iyo in qofba ka kale eedeeyo
ayaa dabadeed maamulkii sare ee naadiga APP-Udub ka dhex
billaabantay.
Si aan gabasho lahayn ayay dad badan oo naadiga magac ku
lahaa ugu baaqayeen in mulkiilaha Mr. COHEN xilka laga
xayuubiyo oo la eryo, maadaama uu hantidii naadiga ku
tagri falay, indhahana ka qarsaday duruufaha iyo
xaaldaha qallafsan ee la soo darsay tartankii koobka
horyaalka ee bu lshadu sida weyn u sugaysey.
Niyad jab aad u culus ayaa ku habsaday kooxdii oo idil
guud ahaan, gaar ahaanna ciyaar yahanna dii ugu
cad-caddaa naadiga waxay liqi kari waayeen oo laf dhuun
gashay ku noqotay kala qaybinta naadiga laga sameeyey
laba tiim oo iyagu dhexdooda wada ciyaara, si bulshada
loogu tuso in horyaalkii si caadiya uu u socdo………………
La soco qaybta 2-aad ee maqaalka:
Xisbiga KULMIYE oo
Xisbiga UDUB
si xarago leh ugaga badiyey
Tartankii Siyaasadda Arrimaha
Dibedda Jam. Somaliland (Qaybtii 1-aad).
By:Eng/Architect Hussein Adan Igeh |Hussein
Deyr| |UK
&
Holland| |
|