Weriyayaal Ka Kala Socda Warbaahinta Dawlada Iyo Tim acade News Network Oo Bileyska Wajaale Garaacay Iyagoo ku Gudo Jira Shir Jaraa’id Oo Uu Qabtay Guddoomiyihii Hore Ee Wajaale
 

Axmed Cabdi Daahir “dacawo”

Wajaale, (Timacade News)-Ciidanka bileyska Wajaale oo uu hor kacayo taliyaha bileyska  W ajaale, Axmed Cabdi Daahir “dacawo” ayaa garaacay qaar ka mid ah weriyayaasha ka hawl gala warbaahinta dawlada, gaar ahaan TV-ga Qaranka iyo wargeyska Maandeeq iyo sawir qaade ka tirsan Universal TV.

Bileyska ayaa kamaradii ka jabiyay isla markaana Garaacay Weriye Nimcaan Dheeg Ibraahin oo ah weriyaha TV-ga aranka uga soo warama Gobolka Gabiley iyo Shabakada Caalamiga ah ee Timacade News Network, isla markaana waxa ay bileysku garaaceen weriye  Mukhtaar N uux oo ka tirsan idaacada Horyaal iyo Cawil Cabdi Kaahin oo ah sawir qaade ka tirsan  Unive rsal Tv.

Garaacida ay bileysku u geysteen weriyayaasha ayaa dhacday xili ay suxufiyiin ka kala  soc day qaybaha kala duwan ee warbaahintu ka qayb galayeen shir jaraa’id oo uu Hotel Central Wajaale ku qabtay Guddoomiyihii hore ee Wajaale, Maxamuud Muxumed Ibraahin “Maxamuu d weyne” ayaa mar qudha ay ku soo dhex dhaceen ciidanka bileyska oo uu hor kacayo  kaca yo taliyaha bileyska Wajaale, Axmed Cabdi Daahir “dacawo” oo amar ku bixiyay in deg deg loo joojiyo shirka jaraa’id, taas oo guddoomiyihii hore ee Wajaale,  Maxamuud Muxumed Ibra ahin “Maxamuud weyne” uu ku adkeystay in uu sii wadayo shirkiisa jaraa’id ka dibna ciidan ka bileysku waxay bilaabeen inay gacanta saaraan weriyeyaasha.

Shirka jaraa’id ayaa guddoomiyihii hore waxa uu kaga hadlayay arrimo la xidhiidha xil ka  qaa distiisa iyo warar kale oo sheegayay in uu baxsaday kaddib markii uu labo maalmood ka  maq naa magaalada Wajaale.

Kooxda weriyeyaasha ayaa labadii maalmood ee ugu dambeeyay u joogay inay ka qayb  gal aan xaflada ay xilka kula kala wareegayaan guddoomiyaha cusub ee Wajaale, Qawrax Muuse iyo Guddoomiyihii ka horeeyay ee Maxamuud Weyne, taas oo la filayay inay dhacdo maalintii sabtidii ee toddobaadkan hase ahaatee ilaa imika aan la isku waafiqin wakhtiga ay dhacayso xil wareejintu kaddib markii uu khilaaf xoogani soo kala dhex galay labada dhinac.

Taliyaha bileyska Wajaale, Axmed Dacawo , ayaa lagu tilmaamaa in uu ku caan baxay  tacad iyada uu u geysto saxaafada iyo siyaasiyiinta mucaaridka ee booqashada ku yimaada  Waja ale, taas oo uu ugu dambeeyay Guddoomiyaha xisbiga UCID, Faysal Cali Waraabe, oo bilawgii sanadkan uu Baastoolad ku qabtay, isla markaana uu kamaradii ka jabiyay weriye Nuur Jirde oo la socday guddoomiyaha UCID.

Dadka reer Wajaale ayaa aaminsan in taliyaha Bileyska, Axmed Dacawo uu awood badan ka heysto madaxtooyada Somaliland taas oo aanu amar ka qaadan taliyayaasha bileyska ee ka sareeya.

 

Timacade News Desk
Wajaale/Somaliland
timacadenews@hotmail.com