Wasiirka wasaarada warfaafinta Somaliland A xmed X.Daahir Cilmi ayaa warsixaafadeed

“xukuumada iyo bulshada reer Somalilandba waxa ka go’an wakhti kasta oo ay  qaad ato inaan laga hadhayn cid kasta oo lug ku lahayd xasuuqii loo geystay dadka  Somali land gaar ahaan Maxamed Cali Samatar,” Warsaxaafadeed Wasaarada Warfaafinta JSL.

Hargeisa (Longlivesomaliland News)-Wasiirka wasaarada warfaafinta  Somalil and Axmed X.Daahir Cilmi ayaa warsixaafadeed uu soo saaray, kaga jawaabay war ay Dhawaan qoreen wargaysyada Dalka ka soo baxa qaarkood. Waxa uu wasiirku war-safaadeedkaasi si gaar ah ugaga hadlay Cali Samar oo waqtigii Siyaad bare Madaxwayne ku xigeenka ahaan jiray in aanay arintiisu ahayn mid la ilaabi karo iyada oo uu Ninkaasi ahaa nikii amray in Magaalada Hargeysa Diyaarado lagu duqeeyo.

War-saxaafadeedkaasi oo dhamaystiran ayaa waxa uu u qornaa sidan:


“Af-hayeenka xukuumada ahna Wasiirka Warfaafinta Somaliland Md. Axmed X.Daahir Cilmi, ayaa soo saaray War-saxaafadeed uu kaga jawaabayo war ku soo baxay Wargeyska “Geeska Afrika” 8dii October, 2009 ee lagudifaacayay dacwada xasuuqa ah ee loo haysto Maxamed Cali Samater.

Waxa jirta dacwad la xidhiidha tacaddiyadii iyo xasuuqii ka dhacay Somaliland oo lagu soo oogay Maxamed Cali Samatar oo ahaa Madaxweyne-xigeenkii iyo Wasiirkii Gaashaandhiga eeTaliskii Siyaad Barre , taasoo haatan hortaala Maxkamadku taala dalka Maraykanka oo

lafilayo in dhawan ay bilowdo dhagaysiga dacwadiisa.

Dacwadan oo ah mid caalami ah ayaa waxa mar kastoo la damco in la  dhaqa ajiyo soo baxa madax ka mid ah Maamulka Somaliya oo u tafaxayta sidii ay dacwadaasi u horjoogsan lahaayeen , iyagoo adeegsanaya magaca

xukuumada Somalia.

Haddaba, xukuumada iyo bulshada reer Somalilandba meel kasta ha  joogaa ne’e waxa ka go’an wakhti kasta oo ay qaadato inaan laga hadhayn cid kasta oo lug ku lahayd xasuuqii loo geystay dadka reer Somaliland sanadihii siddeetameeyadii gaar ahaan Maxamed Cali Samatar, oo ahaa Masuulkii sida tooska ah ugu caddeeyay BBC-da inuu isagu ahaa Janaraalkii amarka ku bixiyay in lagu duqeeyo diyaarad iyo madaafiic Magaalada Hargeysa, iyadoo uu shacbiguna ku dhex jiro.

Waxa kale oo aanu xasuusinaynaa Raga u halgamaya inay hor joogsadaan dacwada Maxamed Cali Samatar iyo kuwa kale ee la midka ahba inay yihiin kuwo lid ku ah xuquuqda bini’aadmiga iyo Xeerarka kale ee caalamiga ahba, sidaas awgeed aanay ku guulaysan doonin si kasta oo ay iskugu dayaan inay ku duudsiyaan xaqa ay u leeyihiin dhibaneyaashu inay daba galaan kuwii ku tacadiyay xuquuqdooda.


War-saxaafadeedkani wuxuu si gaar ah ugu dhiirigelinayaa ururada xuquuqul insaanka ee dacwadan gacanta ku haya inaanay marnaba ka daalin in mar uun Caddaalada horgeeyaan eedeysaneyaasha uu Maxamed Cali Samatar kow ka yahay, si looga jaro dambiyadii ay galeen.”



War-saxaafadaadkan saaka ka soo baxay Xafiiska Wasiirka Warfaafinta  Soma liland oo uu ku saxeexnaa Wasiirka Warfaafintu waxa uu soo baxay in yar uun ka dib markii ay dhawaan Dalka Maraykanka ka bilaabantay Dacwad ka dhan ah Maxamed Cali Samatar. Cali Samatar ayaa ah Nin Danbiile ah oo Qaranka Somaliland iyo Ummada Reer Somaliland ba ka galay danbi aad u balaadhan oo xad gudub ku ah guud ahaanba Bani’aadnimada.



Mustafe Future
Longlivesomaliland News
Hargeysa Somailand.
mccfuture@hotmail.com