Wasiir Beeshaada Ah Oo Wax Ma Tare Ah Iyo Wasiir Reer Somaliland Ah Oo Hawl Kar Ah Shacabow Waa Iyama ?

Madaxweynaha JSL md Axmed Maxamed Maxamud Siilaanyo waxaa loogu dhawaaqay in uu  m adaxtinimada ku guulaystay bisha July 1deedii waxaana uu xilkii la wareegay oo loo dhaariyay isla bishaa July 27keeda oo ahayd dhowr maalmood oo aan sii fogayn ka hor . Maalintii  dooras hada lagu dhawaaqay sida aynu la wada socono waxaa kala joogsan wayday hambaliyo iyo  b ogaadin isdaba joog ugu soo qulqulaysay websityada reer Somaliland iyo joornaaladii dalkaba. Waxaa fariimaha la soo dirayay ka wada muuqatay in xukuumadda cusub looga baahanyahay inay la timaaddo isbadel iyo xukuumad kooban oo tayo leh. Waxaa qof kasta uu carabka ku sii adkaynayay laguna celcelinayay in madaxweynaha lagu taageersanyahay gudidii uu u saaray tirada wasaaradahu inta ay noqon karaan iyo tala bixinta gudidaas.

U malayn maayo maanta in shaki inagaga jiro sababaha ugu waawayn ee xukuumadan  madax weyne Siilaanyo shacabka reer Somaliland codkooda u siiyeen laguna soo doortay inay tahay isbadal muuqda oo kow ay ka tahay in la soo koobo lana soo yareeyo tiradii ka badnayd  boq olka wasiir , wasiir ku xigeenada iyo wasiira dawlehyaasha ee 10.00 ka subaxnimo ka rawixi  jir ay xafiisyadooda.

Golaha Wasiirada cusub iyo waliba xilalka loo kala dhiibay inaga shacab ahaan haday yihiin  ku wo tayo leh iyo haday noqon doonaan qaar salaanka dib uga soo siibtaba waxaa inagu haboon in bal horta laga waantoobo ku deg degga iyo wax ka sheega wasiirada aan wali xilkii  xafiiska ba laba wareegin. Waxaa kale oo iyana deg deg iigula muuqata durba in beelaha qaarkood  la ga tagay halkaasna ay abuurtay dareen aan jirin oo ah in beelo xaqoodii la dudsiyay !

Waxaan jeclahay in aan laba waxba in si guud aan uga digo, midi waa caadifiyadda ah ku deg degga markiiba tacliiq lagula boodayo arin cusub oo aan laga fiirsan wakhtina in la siiyo u  baa han. Waxana halkaa ka muuqata in dadkii wax soo qoraayayba ay sugayaan inay faaladii iyo tacliiqdiiba iyadii tayo beeshay oo hadalkii noqday mid meel waayay ! Waa ta labaade waxaan ka digayaa in laba wax la kala daayo dawlad tayo leh oo kooban iyo dawlad beel kastaa ka  mu uqato oo beelaha lagu raali galiyo, hadaba ma waxaynu u baahannahay shakhsiyaad huwan magac beesha oo noqda mid la isku raali galiyo mise waxaynu doonaynaa dawlad wax  qabana ysa oo dalka iyo dadkaba horumar gaadhsiisa baahidoodana daboosha? Waa iyama.?


Waxaa suurta gal noqon karta in madaxweynuhu yahay qof bini Adaam ah oo ilduufi kara, qof laba iyo sedex wasiir oo uu hore u soo xushay ay noqon waayaan wasiiro xilkoodii ka soo baxa ka bacdina la badalo, waxaa se la huba in xukuumadan Axmed Siilaanyo wasiirkii ay badasho  i naan lagu badali doonin mid ay isku beel iyo jilib hoose sii yihiin sidii xukuumadii Riyaale balse qofka badalayaa waxaa uu noqon doonaa qof u qalma kartidii iyo aqoontii wasiirnimo oo aan beelnimo lagu soo xulin. Ugu dambayn wasiir beeshayda ah oo magac u yaal ah waxaa ii  dhaa mawasiir reer Somaliland ah oo karti ,firfircoonaan iyo aqoon leh.