Wargeyska Guardian oo Warbixin Xiiso leh ka qoray Nolasha Miyiga ee
Qoyska Xidiga Mo Farah
David Smith oo ah Suxufi ka tirsan Wargeyska Caanka ah ee Guardian
ee ka soo baxa magaalada London ee dalka Ingiriiska ayaa warbixin
xiiso leh ka qoray qoyska uu ka soo jeedo halyayga weyn ee reer
Somaliland ee haysta jinsiyada British-ka ah ee todobaadkii hore ku
guulaystay tartanka 10000m ee ciyaaraha Olmiga adduunka ee ka socda
magaalada London.
Warbixintan oo ah mid aad u xiiso badan ayuu David Smith ka qoray
qosyka xidigan caalamiga ah ka dib markii uu ku booqday meel miyi ah
oo u dhow deegaanka degmada Wajaalle ee gobolka Ga biley, waxaanay
warbixintaasi oo xiiso badnayd aanu ka soo turjunay intii ugu
muhiimsanayd oo u dhignayd sidan:-
Mo Farah walaalkiisa ugu weyn qoyskooda ee Faysal Iyo Hooyaddii
Amran, waxay u lugayn doonaan 4 Mile meesha ugu dhow ee ay ka heli
karaan Laydh ay ku daawadaan finalka tartanka orodka ee 5000m ee
ciyaaraha olombiga.
Faysal waxa uu u lugaynayaa Sabtida degmada Wajaalle oo 4 u jirta
halka ay degan yihiin oo ah meesha ugu dhow ee uu ka helayo laydh si
uu u daawado walaalkii Mo Farah oo u tartamayaa biladii labaad ee
Dahab ah ee uu ka qaato tartanka Olombiga ee ka socda magaalada
London.
Hooyaddii Amran oo imika ku hadhaysa daabiyadda ay degan yihiin ku
taalla miyiga Somaliland waxay ka daawanaysay ciyaartii kama
dambaysta tartankii Orodka 10000m ee wiilkeedu ku guulaystay goob
TV-ga laga daawado oo aad loogu soo ururo.
“Markii uu guulaystay Mo Guulaystay waxaan u qarxi gaadhay sida
Bamka oo kale,”ayuu yidhi Faysal oo ah beeralay 37 jir ah kana weyn
walaalkii sided sanadood.
Faysal waxa uu intaasi ku daray “Waxa jiray dad badan oo ku farxay
guushiisa. Waan dabaal degay, waxaanan dadka siinayay Jaad iyo
Hilib.”
Mo Farah inkasta oo uu u ordayo dalka Britain, haddana Soomaalidu
waxay u daawanayaan indhahana ugu hayaan si dhow waxaanay ku
dhawaaqayaan geesigoodan dalkooda ka soo jeeda. Wuxuu ku dhashay
Magaalada Muqdisho ee caasimada Soomaaliya, qoyskooduna waxay ku
nool yihiin Somaliland oo ka go’day Soomaaliya.
Mo Farah waa ilmaha afraad ee qoyskooda, halka Faysal-na ka yahay
curadkooda waxaanu ku nool yahay meel daabiyad ah oo u dhow xadka
Itoobiya iyo Somaliland. Waa meel fog oo Hargeysa u jita illaa 40
Mile, waxaanay si aad deegaankaasi u gaadho u baahanaysaa Baabuur
Land Cruiser ah si aad uga gudubto dhulka rafka ah.waxaana ku
gadaaman goobta Faysal degan yahay dhul beereed, waxaanad ku
arkaysaa Geel, Lo’ iyo dameero.
Faysal wax a uu inta badan tagaa magaalada Wajaalle si uu uga soo
dabaysto Telefoonkiisa gacanta, ugana soo eegto xawaaladda in
walaalkii Mo Farah u soo diray wax lacag ah.
“Mo Farah wuxuu xiisayn jiray oo uu jeclaa yaraantiisii Kubadda
cagta iyo orodka,”ayuu yidhi Faysal, waxaanu intaasi ku daray “Wuxuu
carari jiray jidadka xiligiisii caruurnimo, waxaanu ahaa qof mar
kasta dhoola cadaynaya oo faraxsan.”
Faysal waxa uu sheegay inay wada ciyaari jireen kubadda isla
markaana baratami jireen Mo, waxaanu carabaabay in walaalkiisa
xidiga ahi ka dheerayn jiray caruurnimadoodiiba.
Faysal wuxuu dareemay markii uu todobaadkii hore daawanayay
ciyaarihii walaalkii ku guulaystay “Waxay ii ahayd sidii inaan anigu
ordayo oo kale, markaa kama xumi isaga (Mo Farah).”
Aabahood wuxuu ahaa Ganacsade waxaanay ku noolaayeen nolol wanaagsan
iyo Guri daar ah oo dhagax ah, laakiin waxa ka burburiyay dagaaladii
labaatanka sanadood ka socday Soomaaliya.
“Waxa dhintay dad jaarkayaga ahaa, qaarna way dhaawacmeen, waayo
sidayada oo kale waxay markoodii hore ka tageen Somaliland. Waxaan
xusuusta rasaas nalagu furay iyo qaraxyo nalagu bartilmaameedsanayay
Soomaaliya ma jeclaysto markay xusuustaydu dib u soo celiso. Waxaan
isku dayaa inaanan dib u xasuusan,“ayuu yidhi Faysal oo ka hadlayay
markii ay Soomaaliya joogeen dagaaladii ka dhacay.
Waxaanu intaasi ku ladhay hadalkiisa “Waxaanu tagnay xeryo qaxoonti
oo aanu ku noolayn taandho yar. waxaana aanu ka tagnay
Ganacsigayagii iyo lacagtayadii, waxaana aanu mudanay faqiirnimo iyo
nolol adag. Dalkuna (Somaliland) wuu burburay. Nasiib wanaagse Mo
Farah wuxuu ahaa kuray yar oo caafimaad qaba.”
“Mo wuxuu hadda ku nool yahay nolol wanaagsan, laakiin anigu maan
jeclayn inaan Britain tago, waxaan jecelahay inaan ku nagaado dalka
oo ka faa’iidaysto. Walaalkay wuu naga maqan yahay laakiin wuxuu
nagula soo xidhiidhaa maalin iyo habeenba Telefoon,”ayuu yidhi
Faysal, isagoo hadalkiisa sii watayna wuxuu yidhi “Haddii aad
bilowdo tababarka waa suurto-gal inaan maalin qudha kaga taajirto
Ciyaarayaha Olombiga. Marka walaalkay noo yimaado sanad kasta hal
mar waxaanu wadaagnaa sheekooyin badan.”
Waxa kale oo Faysal inaanay
Hooyadii jeclayn inay Ingiriiska tagto
iyo magaalooyinkaba.
Wuxuu sheegay in kasta oo uu Mo Farah ku ordayo Britain haddana inuu
yahay Soomaali oo uu wa laalkiis yahay, waxaanu yidhi “Isagu waa
Soomaali, calan kasta oo uu sito waa walaalkay. Wuxuu noqon karaa
mid laba dal u dhashay. Haddii uu ku cararo calanka Somaliland waxay
noqon lahayd wax weyn.laakiin wuxuu imika haystaa jinsiyada
Ingiriiska xiligan, waana aan la dhacsan nahay in uu ku cararo oo uu
noqdo nin caan ah.”
Wasiirkii hore ee wasaaradda Arrimaha dibadda Somaliland
Edna Aadan
Ismaaciil, ayaa tidhi “Mo Farah wuxuu ku dhashay Muqdisho, halkaasi
oo dad badan oo u dhashay Somaliland ay ku noolaay een kana shaqaysan
jireen intii lagu gudo jiray midowgii Somaliland iyo
Soomaaliya.lsskin ksms juu iman Soomaaliya ee wuxuu ka yimid
Somaliland. Waa qabiilkiisuna waa Isaaq, jufadiisuna waa
Jibriil
Abokor. Ma nihin umanaanu dhalan Soomaaliya.”
Edna Aadan waxa kale oo ay ka hadashay dareenkeeda la xidhidha
guulaha Mo Farah, waxaanay tidhi “Muwaadiniinta Somaliland aad iyo
aad ayay ugu faraxsan yihiin una dabaal-degeen guusha uu gaadhay Mo
Farah, inkasta oo uu ku cararayo magaca Britain waa mid anaga
(Somaliland) naga mid ah, guulihiisuna waxay noo tahay mid aanu aad
ugu han weyn nahay. Waxaana aanu u aragn aa inay xudun u noqonayso
inaanu isku xidhano Britain
Omar Mohamed Faarax
|