Xubno miisaan culus ku lehaa Xisbiga Mucaaradka ah ee Kulmiye oo uu hor kacayey Imaamul Baladka Magaalada Gabiley Mukhtaar Sheekh Muxumed Warsame ayaa maanta Xaflad si wayn loo soo agaasimay, kaga baxay Xisbiga Mucaaradka ah ee Kulmiye uguna diga rogtay Xisbiga Udub .
 

Gabiley (TNN)-Xafladan oo si wayn uga duwanayd xafladihii hore Loogu qaban jiray taageerayaasha ka soo baxa Axsaabta Mucaaradka ah iyagoo xubnaha Kulmiye ka baxay cuskanayey laba qodob oo kala ah; Kala jab wayn oo ku yimi Xisbiga Kulmiye hogaankiisa, iyo Horumarka Badhasaabku ku tallaabsaday muddadii uu xilka hayey ayaa  sabab tay in ay ka baxaan Xisbigii hore yimaadaana halka uu joogo Badhasaabku oo ah Xisbi Xaakinka .

Ugu horayn waxaa halkaasi kahadlay wasiirka Ganacsiga Abiib Xasan Filfil oo mahad naq balaadhan u soo  jeedi yay Dad-waynahan Taageeradoodii ula soo guuray Xisbiga Udub kana soo wareegay Xisbiga Kulmiye isagoo ku wargaliyey in taageerayaashan cusubi ay ula siman yihiin Aasaasayaashii Xisbiga oo aanay cidi ka lahayn, Xisbi guna Xisbigoodii yahay, isla markaana ay ku faraxsan yihiin miisaanka ay ula yimaadeen ka Xisbi ahaan, Waxa kale oo Wasiirku sheegay in uu ka markhaati kacayo, goob-joogna ka yahay in astaantan iyo dhoola-tuskani ka dhinnayd Gobolka lana dareemayey maanta se soo buuxsantay oo ay tusayso Baaxada way nee Xisbiga Udub ku leeyahay Gobolka Gabiley, waxa kale oo uu sheegay in uu markhaati ka yahay in aan halkan la iskugu iman in magac Xisbi la iska sheegto ee ay tahay in loogu yimid Xeerkiisa iyo Siyaasadiisa muuqata nin waliba arkaayo oo uu akhrisanaayo. Ugu danbayntii Wasiirka Ganacsigu waxa uu sheegay in inta tirada yar ee ku hadhay  Axs aabta Mucaaradkuna ay sugayaan dhawaan oo Xisbiga Udub la iskugu iman doono .

Waxa isaguna halkaa ka hadlay Xoghayaha Guud ee Xisbiga Udub Jaamac Yaasiin Faarax oo si wayn uga hadlay Halgankii ballaadhnaa ee dibu Xorraynta SNM kuna dheeraaday doorkii ay Dad-waynaha reer Gabiley ku  lahaa yeen Halgankii, isaga oo sheegay in Mujaahidiintii ugu badnayd ka soo jeeday Deegaankan Gobolka Gabiley, Xo g-hayaha Guud isaga oo muujinaya soo dhawayntiisa waxa uu u sheegay Taageerayaashan Cusub in Maanta wixii ka danbeeya ay isku mid yihiin iyaga iyo kuwii hore u sii joogay , isla markaana ballan qaaday in  Albaab adiisu hadh iyo habeenba u furan yihiin.

Waxa isna halkaa ka hadlay Badhasaabka Gobolka Gabiley Maxamed Axmed Aw Cabdi (xabiib) oo isna u mahad celiyey Taageerayaasha Cusub eek u soo biiray Xisbigooda Udub isla markaana sheegay Wax-qabadka ay ka heleen Xukuumadan hada joogta oo uu tilmaamay Afar qodob oo muhiim ah kuna dardaaray in ay hoosta ka xarriiqaan reer Gabiley isagoo tilmaamaya waxa uu yidhi;-“Hadaynu reer Gabiley nahay waxa muhiim ah in aynu calaamadsano wixii aynu ka helnay Xisbiga Xukuumada ee Udub ee talada dalka haysa hada waa ta  koow aad eh; Gobolnimadii aynu sugaynay kontonka sanno waxa aynu ka helnay Guddoomiyaha Xisbiga Udub Md  Da ahir Rayaale Kaahin, 2-Addeegii Biyaha oo maanta gabo-gabo inoo maraysa oo tiraba Afar ceel inoo hir galiyey , 3-Waxa inoo hir galay Jaamacad oo iyadana aynu muddo naawilaynay, 4-iyo Hirgalintii Caafimaadka oo isna aad ka warqabtaan in Cusbitaalkii inoo dhismay . Markaa waa in aynu markasta niyada ku hayno wixii inooga soo kordhay muddadii uu joogay Madaxwaynaheenu.” Badhasaabka Gobolka Gabiley waxa kale oo uu sheegay in reer Gabiley hada dantoodii garteen una guntan yihiin horumarinta Gobolka go’aansadeena in ay markasta la shaqaynayaan Maamulkooda.


Waxa kale oo Munaasabadaa ka hadashay Guddoomiyaha Garabka Haweenka ee Udub Marwo Maryan Xaddi Saban oo iyaduna mahad naq ballaadhan u soo jeedisay Taageerayaasha Cusub eek u soo biiray Xisbigooda Udub, kuna gubaabisay in ay ku soo dhawaadaan Xisbigooda oo ay ku sheegtay Xisbi Barwaaqo iyo mid nabadeed, iyadoo u ballan qaaday Taageerayaasha Cusub in aanay talada Xisbiga u daba fadhiisan doonin cid kale balse ay ka mid noqon doonaan kuwa talladu ka go’do. Ugu danbayntii waxa ay hambalyo u soo jeedisay masuuliyiinta Gobolka iyo Wasiirka Ganacsiga oo ay sheegtay in ay si adag u shaqeeyaan masuuliyiintaasi.


Waxa iyaguna halkaa ka hadlay Guddomiyaha Golaha Deegaanka Aadan Muxumed Badde, Xog-hayaha Ollolaha ee Xisbiga Udub Eng Cismaan C/laahi Cigaal, Guddoomiyaha Xisbiga Udub ee Gobolka Gabiley Saleebaan  Maxa med Sheekh Saleebaan, iyo Masuuliyiin kale oo dhamaantood iska daba maray soo dhawaynta Taageerayaasha Cusub, una mahad celiyey taageeradooda ay ula soo diga-rogteen Xisbigooda Udub waxanay sheegeen in ay Gacmo furan ku soo dhawaynayaan Taageerayaashan cusub .

Ugu danbayntii waxa isaguna halkaa ka hadlay Imaamul Baladka Magaalada Gabiley Mukhtaar sheikh Muxumed Warsame oo ah imaamkii hogaaminayey Taageerayaashan cusub eek u soo biiray Xisbiga Udub, Imaamkan oo ah taageerayaashii ugu waynaa ee Xisbiga Mucaaradka ah ee Kulmiye ayaa isaga iyo koox uu hogaaminayay ku soo biireen Xisbi Xaakimka Udub isaga oo halkaa ka cadeeyay in uu sabab u yahay ku soo biirista Xisbiga Guddoomiyaha Gobolka Gabiley oo uu ku door biday wax qabadkii uu soo kordhiyey muddadii uu joogay  Guddo onka Gobolka .

Hadaba, Dadwaynaha iyo xubnaha ka soo baxay Xisbiga Kulmiye ayaa sida la sheegay u badnaa taageerayaashii Kulmiye, oo si wayn uga cadhooday qaabkii Xilka looga qaaday Guddoomiyihii Xisbiga Kulmiye ee Gobolka Gabiley, taas oo ay xubnaha qaarkood ka dhawaajiyeen in dildilaacan Kulmiye oo sabab u ah labada jinaax ee xilligan uu u kala jabay, Xisbiga Kulmiye oo Guddoomiyaha iyo Guddoomiye ku xigeenka Axmed Siilaanyo iyo Muuse Biixi ay u kala baxeen . "Waxaan Xisbiga aan ka midka ahayn ee Kulmiye ka baxay , kolkii aan garan waayey dhinac aanu salaada u tukano (Masjid qiblatayn) labada garab ee uu u kala jabay Axmed iyo Muuse" sidaa waxa yidhi Mukhtaar mawliid aw cali (cabaadh) oo ka mid ahaa taageerayaashii ku soo biiray Xisbiga Udub .


Source:SDWO