|
xusuusaha tooman iyo
waayaha tagay baan arkaa
garaadka tabaaday iyo
Ilowshaha tiirsan baan
Ogow ku tiraabayaa
*******
Dhaqanka tahan gaadhay iyo
Miday ta tagtaan arkaa
xad ay ka talaabsatiyo
Isirka tiran baan arkaa
Hidaha la tigraaray ee
*******
Waliba tigtig maan arkaa
Aqoon tartantay lahayd
Suldaan taliyay lahayd
Xishood tusan bay lahayd
Xigaal lagu tiirsadiyo
*******
tol iyo xidid bay lahayd
dawada la tilmaama iyo
Toobinka nuugay lahayd
tashiga gole muuqda iyo
geedkiyo tagid bay lahayd
*******
tusmiyo dhaqan bay lahayd
ugaanka tu bay lahayd
Durbaan la tumay lahayd
Nolosha tab habaysan iyo
tamar iyo xoog bay lahayd
*******
Milgaha taban- taabadii
garaad u tudhay lahayd
Tix-raaca sirteeda iyo
toobiye furan bay lahayd
Baryada tu ka faanta iyo
*******
tookh iyo magac bay lahayd
Taariikh mudan bay lahayd
Tusaale fog bay lahayd
Waxay is tartay lahayd
Tujaar u rartay lahayd
*******
Tayiyo firi bay lahayd
Tis iyo ood bay lahayd
Tiriyo celin bay lahayd
tulud iyo adhi bay lahayd
Gees-dheer toobisay lahayd
*******
Tukashada masale lay lahayd
Tawfiiqda mid bay lahayd
Tiirarka xeer bay lahayd
Tu -ay ku go.day lahayd.......go.aan
Tawxiid adag bay lahayd
*******
Midaan laga tuurin iyo
Furqaan togan bay lahayd
Tubtii nabigay ahayd........csw
Takoor jarin bay lahayd
Tabciyo urur bay lahayd..........marka
kuraydu isu baxdo ama lagdanto
*******
Ciyaar tuman bay lahayd
Batar iyo tu kalay lahayd
cidina Tirin bay lahayd
Xays iyo totob bay lahayd
Gu,goo tamar lay lahayd
*******
Xidigis tusa bay lahayd
Falagga ku tagay lahayd
Wananka ka taxa bay
lahayd,,,,,,,,,,,macnaha ka
xidha xiliyada qaar
Tirada bara bay lahayd
*******
Tib iyo mooyay lahayd
Hadhuudh la tumay lahayd
Kabaha la toshay lahayd
Ugaadh tifa bay lahayd
Tiriig inanay lahayd
*******
Timaha tidicday lahayad
Wanaag taxan bay lahayd
Colaad tirsan bay lahayd
Tis-qaad nabad bay lahayd
Tumaati cad bay lahayd
*******
Warmaha la tumay lahayd
Tooray la xidhay lahayd
terin iyo qaansay lahayd
Wadaan tolan bay lahayd
Tix iyo gabay bay lahayd
*******
Geeraar la tirshay lahayd
Turxaan bixin bay lahayd
Tab iyo xeel bay lahayd
midaan ka tagay lahayd
Tusbaxa la rogay lahayd
*******
Tamashliyo socod bay lahayd
Xadhkaha la tidcay lahayd
Xigoo la tuntay lahayd
Tuhunka neceb bay lahayd
Tuf iyo cashar bay lahayd
Tawaad qalin bay lahayd
Dhamaad
|
