“WADDANI waxaanu Leenahay KULMIYE iyo Xukuumaddiisu Ma Yaqaanaan
Telefoonadda Buubaa Iyo Caydiid Ilko-Xanaf oo Habeenkii lama hadalno”
Hargeysa (TNN)- Guddoomiyaha Xisbiga talladda dalka haya
ee KULMIYE Mudane Muuse Biixi Cabdi, ayaa jawaab kulul ka bixiyay
eedo xukuumadda ay u soo jeediyeen xisbiga WADDANI, waxaanu
tilmaamay in aan hadal deel qaaf ah looga fadhiyin xisbigaas.
Guddoomiyuhu waxa kale oo uu soo dhaweeyay hadal Sabtidii ka soo
yeedhay Guddoomiyaha Urur siyaasadeedkii XAQSOOR Xasan Ciise Jaamac.
Guddoomiyaha KULMIYE waxa uu arrimahaasi ku soo qaaday hadal uu ka
jeediyay xaflad balaadhan oo KULMIYE maanta Maansoor ugu sameeyay
urur siyaasadeedkii DALSAN oo la midoobay.
Guddoomiyaha xisbiga KULMIYE Md. Muuse Biixi Cabdi ayaa soo
dhaweeyay hadalkii ka soo yeedhay Xasan Ciise Jaamac ee uu
qurbo-jooga ku booriyay inaanay Madaxweynaha Somaliland London kaga
mudaharaadin, isagoo arrintaasi ka hadlayayna wuxuu yidhi “Ta
koowaad warsaxaafadeedka uu soo saary mujaahid Xasan Ciise
Guddoomiyaha Xaqsoor oo uu kula hadlaayo qurbo jooga dibadda oo uu
leeyahay wixii aanu tabanayno cadaaladda ayaan u maraynaaye’
mudaharaad yaynaan cadowga ka farxinin oo uu qurbo jooga kula
dardaarmayo aad iyo aad ayaan u soo dhawaynaynaa. waa waayeelnimadii
iyo bisaylkii siyaasadeed iyo laxo jecladii laga filaayay Xasan
Ciise Xaqsoor iyo inta taageerta,”
Md. Muue Biixi waxa kale oo uu jawaab ka bixiyay eedo xukuumadda ay
u jeediyeen Xisbiga WADDANI, waxaanu yidhi “Waxaan daadafaynaynaa
qodobadii ka soo baxay shirkii jaraa’id oo uu qabtay xisbiga Waddani.
Waxaan ku daadafaynaynaa wixii ay ka yidhaahdeen socdaalka
madaxweynaha xisbiga Waddani oo ahaa shirkii jaraa’id ee
mucaaridnimo ugu horeeyey ee ay qabtaan waxay yidhaahdeen ummadda
Somaliland mugdi baa kaga jira garan mayno wuxuu madaxweynuhu u
baxay, waxaan leenahay xisbiga Waddani madaxweynuhu wuxuu u baxay
xilkii ummadda Somaliland u dooratay oo ah in qarankan in hawlihiisa
wax ka soo qabto :
Muuse Biixi oo hadalkiisa sii watay wuxuu yidhi “laakiin waxay u
muuqataa in xisbiga Waddani u badheedhay inuu u sheego dowlada
Mareykanka iyo Ingiriiska ee uu la shirayo Madaxweynaha annagu kuma
kalsoonin hadaanu Waddani nahay nama Metalo erey ah ayuu dirayaa
warkaa ay direen, taasina milgihii qaranimo ma aha loogamana
fadhiyin,”
waxa dhacday barigii Cigaal madaxda ahaa waxaa jirtay mucaaridada la
odhan jiray dib u habantii SNM oo qoor weyntii SNM iskugu tagtay
Xasan Ciise ayaa guddoomiye ku meel gaadha noo ahaa, Cigaal baa
qabtay Maraykanka waana markii u horaysay ee uu tagay dib u h
abayntii waxa ay isku khilaaftay oo ku kala tagtay rag baa yidhi
aanu dirno fariimo Mareykanka iyo dawladaha uu sii marayo oo aan
nidhaahno waxa uu wado kulama socono Madaxweynaha. Waxa markhaati ka
ah Xasan Ciise guddoomiyaha Xaqsoor in aniga iyo rag kale,”ayuu
yidhi Md. Muuse Biixi Cabdi.
Guddoomiyaha KULMIYE waxa uu tilmaamay in “Waddani waxaanu
sheegaynaa Kulmiye iyo xukuumadiisa iyo dadka hogaamiya lagu tuhmi
maayo Xamar, Waddani waxaan u sheegaynaa Kulmiye iyo xukuumadiisa
midna ma yaqaano tilifoonka Maxkamadda sare ee Caydiid Ilka Xanaf oo
habeenkii lama sheekaysano Waddani waxaan u sheegaynaa Kulmiye iyo
xukuumadiisa midina ma hayo telefoonka Ismaaciil Buubaa oo lama
sheekaysano markaa xantaasi anaga nama qabato hana qorin layligii
biyaha calooshiisa ku jira ka diday.”
‘
Cumar Maxamed Faarax
|