WAXA JIRTA SIYAASAD DAL KASTA KA XOOG ROON OO AY WATAAN REER GALBEEDKU AMA UN-TU, CISMAAN KALUUNA SAFARKIISU MUU AHAYN MID CIDI HOR ISTAAGI KARTO.

SALAAN QIIMO BADAN IGA GUDOOMO SHACBIGA SOMALILANDOOW.


Horta aduunyadan aynu ku nool nahay qoomiyadaa ku noolo isku Siyaasad maaha, isku dhaqaale maaha, isku Technology maaha, isku cudu military maaha waa lakala itaal roon yahay. Hadaba waxa jirta oo aan ahayn wax laysku hawlo in laga hadlo wixii Awoodaada dhaafsiisan ama aanad waxba ka ogayn.

Aan sii bayaamiyee, waxa Bilo ka hor Dawlada Maraykanku soo bandhigay in Somaliland iyo Puntland isku si l oosiiyo ama loo gaadhsiiyo dhaqaalaha ay u fidiso Beesha Caalamku. Arintani waxay ahayd arin lagu  walaala ynayo labadan la magaacabay. Intaas waxaan ku darayaa in Xukumadan Madaxweyne Siilaanyo iyo  Gudoom iye Faysal Cali Waraabe ay soo dhaweeyeen qorshahan uu soo bandhigay Maraykanku taasoo macnaheedu yahay in ay Bilaydh wax ku wada cunaan laba dal oon isku Cimri ahayn waa Somaliland oo 1950 ahayd Dal la aqoonsanyahay iyo Puntland oo la aasaasay 1998. Muwaadin bal dhadhami sida arintani ay tahay oo dib  isu gu noqo! Qorshahani wuxuu ahaa bilawgii Federalismka ama rumayso ama ha rumaysan.

Arinkan iminka Websites-kii Somaliland mashquuliyay ee daaran imaatinka Cismaan Jaamac Cali (Kaluun) waa wax ku socda qorshe laga baaraan degay oo Dawladeenuna ka war-qabto kana dharagsantay, sidii Af-haye enka UDUB Mudane Cali Guray sheegayna Cismaan Kaluun dee waa nin muwaadina oo markasta wuu iman  kar aa waliba si maamuus leh ayay Dawlada iyo Madaxweyne Siilaanyana u qaabileen! Mida sadexaadna waxay tahay, sidii Madaxweynuhu sheegay intii aanu noqon Madaxweynaha Siilaanyo: Qof kastaa fikirkiisa waa u  x or balse wixii Somaliland ku deel qaafa qaadan mayno, wixii inaga xoog badan ee siyaasad ah, ee lagu  maam ulo wadamo inaga xoog badan, dee ma hor istaagi karno MADAXA MEEL KA SARAYSA OO LA TAABTAA MA JIRTO, wax aynaan ka war-qabin meel ay ka socoto iyo meel ay u socoto wax aynu ka odhankarnaa ma jirto, hadiiba aynu isku dayno inaynu dhex galnana waa MALA-AWAALUUN IYO JAAN-JAANIMO WAXA LAGA  DHA XLAYAA.

Markaan hadaba u fiirsado wufuuda uu u horeeyo Siyaasiga Weyn ee Cismaan Kaluun iyo Nimanka Federalka aaminsan ee imanaya wadanka, markaan caqligayga la kaashaday waa wax ay dawlado iska arkeen oo ah  si yaasada ay ka dambeeyaan Reer Galbeedka iyo Maraykanku. Midbaana xusud mudan taasoo ah: inaynu  maa nka ku hayno in Aduunyadan laysu taliyo oo ay jiraan Dawlado Quwad leh (Ilaahaybaa Quwad lehe) dhaqaale iyo siyaasadna Cudud wayn, oo wax maamula iyo Dawlado iyaguba dhaqaale iyo siyaasadba buuran balse la maamulo. Arinkayga macnahiisu maaha waa layna maamulayaa laakiin togba taagtiisuu rogmadaaye, Dawl adan Somaliland ee hada jirta wax badan iskama qaban karto mana difaaci karto imaatinkan Cismaan Kaluun iyo Kuwa soo socdaana waa wax ka awood roon siyaasada Somaliland. Xukumada haloo dhaafo arimahan oo kale Salaamu Calaykum.

F/Gaara: Shaqsi uma jawaabo, Afxumana Umada uma horseedo, taasaynu isku ognay Akhristayaal.