SONYO:
URUR HABAAR KAGA DHACAY HOGAAMINTA
SONYO waxaa loo aasaasay inuu
metelo isla markaana wax ka qabta baahiyaha faraha bad an ee
deriska la ah dhalinyaradda wadanka. Waa run way badan yihiin
baahiyuhu balse wax aa la rabaa in mudnaan loo kala sameeyo
sidaasna loo waajaho. Su’aasha meesha taal waxa weeyi “ Intee in
le’eeg ayuu ururkani u taagan yahay wax ka qabashadda baahiyaha
mudna anta leh ee dhalinyarta” balse waydiintu maaha “ imisa
dhalinyar ah ayaa ku jirta ururka”. Bogga internetka SONYO wuxuu
su’aashan kaga jawaabay sida tan :
“Our main focus is HIV/AIDS, eradication of FGM, promotion and
protection of human rights, sports, non-formal education, culture,
and environmental issues” oo af soomaaliga ku noqo naysa “
Hawlaha aanu mudnaanta siina waa HIV/AIDS, cidhibtirka FGM-ka,
dhowrista xuquu qal iinsaanka, ciyaaraha, waxbarashadda dadban,
dhaqanka, iyo arrimaha degaanka”
Tirikoobyaddii u dambeeyay waxay sheegayaan in heerka HIV/AIDS ee
wadanku guud ahaan ka yar yahay 3% halka saamiga dhalinyarta arintaa
kaga soo hagaagayaa ka sii yar yahay. Dhinaca kale, Arrinta
Gudniinka Fircooniga ah (FGM) maaha arrin wax ka qabashadeedu ku
xidhan tahay dhalinyarta balse waa mid u baahan in waalidku ka
waantoobo. Siddoo kale, waxbarashadda dadban ayaa ah wax lagu qoslo
xili caruur badan aanay fursad badan u hay san in dugsiyo
aadaan. Ta deegaanka, wax si gaar ah uga khuseeya dhalinyarta maan
fah min. Dooda awgeed, waan kuu u ogolahay xuquuqal iinsaanka iyo
dhaqanka. Ciyaaraha aad baan ugu taageersan nahay.
Dhinaca kale, shaqo la’aanta, dhalinyarta dhexdeeda ka jira ayaa
cirka isku shareeray balsa mudnaan kama leh dhinaca SONYO (kuma
jirto meelaha ay diiradda saarayaan sida ka muuq ata
qoraalkooda kor ku xusan). Cadaalada dhinaca fursadaha shaqo-bixinta
ka jirta ayaa iyana ay tahay in mudnaan la siiyo.
Arrimaha mudnaanta leh Sonyo ma garan la’ laakiin si badheedh ah
ayaa ahmiyadda SONYO iyo ta hay’addaha loo mideeyay mala si xoogaa
dhaqaale ah looga xod-xoto. Markaad arim aha SONYO xooga
saarayo ee kor ku xusan akhrido, waxaa kaaga dhandhamaya UNDP,
UNICEF, UNAIDS, UNHABITAT, UNESCO & kuwo kale.
Haddii himiladda Sonyo iyo tan hay’addahaasi caalamiga ahi isku mid
yihiin , isla markaana sonyo sheeganayso hay’adda dhalinyaradda
Somaliland, markaa sow UNDP ama UNICEF ma odhan karno waa ururo
dhalinyaro.
Waa laga yaabaa in SONYO xiiqsan tahay, ordayso maalin iyo layl,
shirar qabanayso, laakiin waydiintu waxay weeyi “hawl aad qabatid’e
ma haysaa tii saxda ahayd ee dhalinyartu u baahnayd?” Hogaamintuna,
wax kale maaha, ee waa adigoo qabta wixii saxda ahaa. Sonyo hayso
hawlo dhalinyarta mudnaan u leh sidaas awgeed hogaamintooda
dhalinyaraddu way habaaran tahay. Sidoo kale Sonyo uma muuqato halka
fog ee loo socdaa balse waxaa u daran mashaariicda gaagaaban ee
gacmo kale ku jira. Hadraawi ayaa heestiisii “Hooyooy la’aantaa” si
fiican ugu sheegay indheer-garadnimada laga rabo hogaamiyaha
ducaysan. Waa kii lahaa :
Marka aad nin himiladda
Hilin toosan mariyoo, hir markii la gaadhaba,
Ku labaad hilaadshoo, haga maatidiisoo,
La hiigsado dhashaabaa hooyo lagu xasuustaa
Hilaadin daaye, hilin qaloocnaanta SONYO waxaa la arkaa inay hog
dheer (ku milanka xisbiya dda siyaasadda) inagu ridi doonto.
Tusaale ahaan, dooda waqtiga badani kaga lumay ee ah ka qaybgalinta
talladda ee dhalinyarta mid sugan maaha. Sonyo talladda ay ka
hadlaysaa w aa xubin noqoshadda baarlamaanka taasina imikaba
waxaa ku jirra dhalinayr badan (haddaa nay dhalinyarta u aqoon
shaqsiyaad gaar ah). Tirradda dhalinyarta ku jirta baarlamaankani
waxay libin laab ku tahay kii ka horeeyay. Siddoo kale, 68.3%
xubnaha baarlamaankani wa xay u dhexeeyaan da’aha 30-50 jir.
Halka celcelis ahaan da’da xubinta baarlaanka maantu tahay 29.3
sanno jir.
Ugu dambayntii, waxaan soo jeedin lahaa in dib u habayn lagu sameeyo
himilooyinka Uru rka.Siddoo kale in loo raadiyo ilo dhaqaale
oo madax-banaan ayaa lama huraan ah si dejinta siyaasadaha
dhalinyarta lagu dhaqayaa u noqdaan kuwo aan habrasho lahayn.
FG: Dhalinyarro: 15-35 jir
ABDULLAHI JAMA' ALI
HARGEISA SOMALILAND
|