Dadwaynaha ku Dhaqan magaalada Tog-Wajaale oo Fardo kaga hor yimi Wa ftigii Madaxwayne Siilaanyo oo Booqasho ku Tagay iyo Soo Dhawayntii ugu Saraysay oo lagu Qaabiley Waftiga Madaxwaynaha.
 

Waxa uu Madaxwaynuhu ugu danbayntii socod ku soo maray jidadka dhex mara gudaha magaalada Tog-Wajaale

Tog-Wajaale,July 28,2011 (TNN) -Dadwaynaha ku dhaqan Degmada Tog-Wajaale  ayaa maanta si diiran u soo dhaweeyay waftigii balaadhnaa ee uu hogaaminayay Madaxwayne Axmed Maxamed Maxamuud (Siilaanyo) , kaasi oo ku sugnaa illaa xal ay Gobolka Gabiley. waftigan uu hogaaminayo madaxwayne Ahmed Maxamed Maxamuud Silaanyo ayaa waxaa ku weh eli naayey Marwada Madaxwaynaha Amino waris, G/xigeen Baarlamanka C/casiis Samaale, Wasiirka Hawlaha Guud Prof. Is maaciil Muumin Aare Lataliyaha Madaxwaynaha ee Arimaha Siyaasada Abiib Diiriye Nuur Agaasimaha Arimaha Gudaha C/lahi Balack iyo Madax kale .

Mudane Ahmed Silaanyo ayaa ugu horayn shacabka ku dhaqan magaalada Tog- Wajaale mahad naq balaadhan u soo je ediyay siday bacadka iyo kulaylka u xamileen una soo dhaweeyeen waftiga isagoo dadwaynaha reer Tog- Wajaale kula d ardaarmay inay meel uga soo wada jeestaan horumarka gobolka iyo guud ahaanba dalka isagoo sheegay in sida ugu dha khsaha badan wax looga qaban doono baahiyaadka ka jira deegaanka lana bilaabi doono dariiqa u dhexeeya Kalabaydh iyo Tog-Wajaale,  isagoo sheegay in mudada uu xilka hayey waxyaabo badani ay u qabsoomeen iyadoo dalka ay abaaro ay ka dhaceen isagoo kula dardaarmay reer tog wajaale in horumarka meel looga soo wada jeedsado.

Waxa iyaguna halkaas ka hadlay Xildhibaano, Wasiiro iyo Waliba Masuliyiin kale , kuwaas oo dhamaanba ku bogaadiyey shacabka reer Tog-Wajaale sida balaadhan ee ay u soo dhaweeyeen iyadoo wakhti duhur ah oo ay cadceedu kulushahay ay u taagnayeen bacadka.

Waxa kale oo iyaguna halkaasi ka hadlay Cuqaasha magaalada Tog-Wajaale ,Aqoonyahano, iyagoo dhamaantoodba soo dhaweeyey waftiga uu hogaaminayo Madaxwaynuhu iyagoo dhamaantoodba sheegay inay dhibaatooyin badani oo adee gyada bulshada ahi ay ka jirto degmada isla markaana aanay lahayn dhamaan adeegyada bulshada sida caafimaadka bi yaha iyo wadooyinka loona baahan yahay in wax laga qabto baahiyaadka ka jira Tog-Wajaale, iyagoo sheegay inay Tog-Wajaale tahay muraayada Soomaaliland ee ay dalalka aynu jaarka nahay inag daawan karaan.

Waxa uu Madaxwaynuhu ugu danbayntii socod ku soo maray jidadka dhex mara gudaha magaalada, isagoo markii danbe u amba baxay magaalada Hargaysa.

 

Timacade News Desk
Tog-Wajaale, Somaliland