“Rag Cadaalad Waayey Sidii Cowsha Kala Yaac, Xukuumaddani Qadiyadii
S/Land Ayey Diciif Ka Dhigtey Oo Wixii Ay Ka Qaylinjireen Ayey
Samaynayaan”
Jamaal Cali Xuseen
Tof-wajaale, November 14, 2012 (TNN) – Musharaxa Jagadda Madaxwaynaha
Xisbiga Mucaaridka ah ee UCID Jamaal Cali Xuseen ayaa xukuumadda
Madaxwayne Siilaanyo ku eedeeyey Cadaalad-daro iyo xigtaysi, kaas oo
sheegay inay Qadiyadii Madaxbanaanida dalka ee kobcaysay 21-kii sano
ee ugu danbeeyey ay burburisay oo ay liciifisay.
Aqoonyahan Jamaal ayaa waxa uu ka digay inay xukuumadda Kulmiye
damacsan tahay inay Xisbigoo da UCID uu maro wadadii Xisbul Xaakimkii
hore ee UDUB uu maray, kaas oo tilmaamay in markii la laal ay
diwaangalintii doorashadii hore lagu galay ay dawladdu ugu
talo-gashay inay ku shubato doorasha dda deegaanka ee dabayaaqada
bishan November la filayo inay Somaliland ka qabsoonto. Murashaxa
Madaxwaynaha UCID Jamaal Cali Xuseen waxa uu ka digay in Cawaaqib
xumo uu sheegay inay ka dhal ankarto hadii si cadaalad-darada ay
joojin waydo xukuumadu, kaas oo tibaaxay inuu wakhtigan dalku halis
ugu jiro dagaalo sokeeyo oo ka dhasha doorashada deegaanka oo la
faro-galiyo. Jamaal ayaa waxa uu sidaas ku sheegay mar uu shalay
garoonka kubadda ee Wajaale kula hadlayey taageerayaal aad u badan.
Ugu horayna isaga oo ka hadlaya Cadaalad-daro uu sheegay inay dalka
ka jirto, waxa uu yidhi "Marnaba Aqbali mayno Cadaalad daro in
nalagu sameeyo, Waayo Xisbigii UDUB ayaynu oge yn sidii loo galey
qaadan mayno anagu waynu aragnaa sida ay wax u wado Xukuumadani iyo
Xisbiga Kulmiye waxaan leeyahey Cadaalad daradii ayaa badatey
Qabyaaladii ayaa noqotey wax caadiya oo sidii la doono loo
isticmaalayo oo Tv-yada lala soo Fadhiisanayo rag waaweyn oo
Masuuliyiin ahi, anagu Waanu soo Shaqeysaney oo soo xoogsaney ayaanu
wadanaa oo nalagu aflagaadeynayay miyaanay ceeb aheyn in hantidii
ummada la isticmaalo oo sidii la doono loogu tagri falo weynu wada
naqaanaa, raga maanta lacagta qeybinaya mid wax hayay kuma jirin ee
waxaa la faraqayaa waa hantidii umada waxaanu tusi Cashuurtii aanu
ku bixin jirney anaku u dulqaadan mayno waxa socda Cadaaladii ayaa
lagu tuntey Shuruucdii dalka ayaa lagu tuntey waxa iska Caadi
noqotey in Muqdisho ay noqotey wax furan oo qadiyadii Somaliland
ayaa daciif noqotey Xukuumada maanta jirtaa waatii ka qeylyeysay in
Doorashada Diiwaan galin la,aan lagu galo waxaan leeyahay Rag
cadaalad waayey Sidii Cowsha kala yaac waa dhab oo waa xaqiiq in
Cadaalad darada dalka ka jirta ay Rag badani Xamar u yaaceen, waxaan
leeyahey may aheyn inaad Xamar u yaacdaan haseyeeshee, waxey aheyd
inaad dalkiina ka dhex dagaalantaan. waar sideebaa Somaliland
gudaheeda ay Salaadiintii halkan uga ,Magacabayaan oo liis uga
sameynayaan Baarlamaanka Soomaaliya umadani si sharaf leh ayay idiin
dooratey codkoodii ayay idin siisey maanta la idinka yeeli maayo
Xisbigii Udub ayaa daaqada ka baxey ka Ucid-na daaqada ayuu ka
baxayaa”.
Aqoonyahan Jamaal Cali Xuseen
isaga oo hadalkiisa sii
watana, waxa uu yidhi "Kulmiyow la idinka yeeli maayo inaad noqotaan
siidhi walihii, garsoorihii iyo Ciyaartoygii waan idin arkeynaa
shacabka reer Somaliland-na maanta la khaldi maayo oo wey ka koreen
waxyaabo badan laguna ciyaari mayo waxaa muuqda
hadii aad Cadaalad
daro ku kacdaan sidaad wadaan in sansaan colaadeed iyo dagaalo
Sokee ye dalka ka dhici doonaan, anigu wali Xukuumada hadal xun hore
ugumaan odhan manaan dhaliililn la akiin, maanta waan sheegayaa Runta
iyo wax kasta oo jira lana aqbali maayo sida muuqata iyo hab dhaqanka
ay wado Xukuumada iyo Xisbiga Kulmiye".
Source: Haatuf
|