Qaar Ka Tirsan Salaadiinta Beelaha Waqooyiga Iyo Galbeedka Hargaysa Oo Shahaado Sharaf Ku Maamuusay Maayarka Gabiley

"Qof kasta oo wax qabta Taariikhda ayaa xusta, waxaana wanaagsan Qofku marka uu ka tago meesha, in uu kaga tago Waxqabad" Badhasaabka Gobolka Gabiley.

Gabiley(TNN)-Badhasaabka Gobolka Gabiley Xuseen Cumar Magan ayaa manta Gallinkii danbe ka qa yb-galay Munaasibad lagu gudoonsiinayey Maayarka Magaalada Gabiley Marwo Khadra Xaaji Gay dh Shahaado Sharaf lagu maamuusayey Wax-qabadka ay ka samaysay Magaalada Muddadii ay jo ogtay, taasi oo ay u hibeeyeen Qaar ka tirsan Salaadiinta Beelaha dega Waqooyiga iyo Galbeedka Hargaysa.

Xafladii lagu gudoonsiinayey Shahaado Sharafta Maayarka Gabiley, oo ahayd mid si heer sare ah loo soo agaasimay isla markaana ay goob-joog ka ahaa Badhasaabka Gobolka Gabiley Xuseen Cu mar Magan, Suldaan Xuseen Aw Muuse Cirday oo ka tirsan Salaadiinta Gobolka Gabiley, Chief Ca aqil Muxumed Faarax (Faaliye Dheere), Caaqil Maxamed Cabdi Qawdhan, Caaqil C/laahi Aw Nuur, Caaqil Maxamed Xasan Caynaanshe, Oday Cumar Barkhad Bulaale, Gudoomiyaha Xisbi-Muxaafadka Kulmiye Ammiin Muuse Xirsi, qaar ka tirsan Madaxda Urrurada Bulshada, iyo Urrurada Haweenka, iyo waliba Xubno ka tirsan Dhallin-yarada Gobolka, ayaa lagu qabtay Xafiiska Gudoomiyaha Golaha Deegaanka Gabiley ee Xarunta Dawlada/hoose.

Furitaankii Xafladan lagu gudoonsiinayey Shahaado-Sharafta waxa ugu horreyn ka hadlay Badha saabka Gobolka Gabiley Xuseen Cumar Magan oo si wayn ugu mahad celiyey Salaadiinta iskood isku Xilqaamay ee Maayarka ku maamuusay Shahaado Sharafta, waxaanu sheegay in uu si wayn ugu hambalyeynayo Maayarka wax-qabadkan ay samaysay Muddadan ay joogtay, “Marka hore waxa an aad iyo aad ugu mahad celinayaa Salaadiintan isa soo xilqaamay ee gartay in ay Maayarka Ga biley Marwo Khadra Xaaji Gaydh gudoonsiiyaan Shahaado Sharaf ay ku maamuusayaan Waxqabad ka ay ka samaysay Magaalada muddadii ay joogtay, Aniga Laftayduna aad iyo aad ayaan ugu ham balyeynayaa doorkaa ay ka qaadatay horumarinta Degmada. Qof kasta oo wax qabtana Taariikh da ayaa xusta, waxaana wanaagsan Qofku marka uu ka tago meesha, in uu kaga tago Waxqabad lagu xasuusto, waanan hambalyeynayaa”. Ayuu yidhi Badhasaabka Gobolku Xuseen Cumar Magan.

Suldaan Xiis Barre Yuusuf oo isagu hogaaminayay raxantan ka midka ah Salaadiinta Beelaha Waqo oyiga iyo Galbeedka Hargaysa oo Isaguna halkaa ka hadlay ayaa sheegay in Shahaadadani uu sam eeyey Shan bilood ka hor oo uu u qoondeeyey in uu gudoonsiiyo Gudoomiyaha Golaha Deegaanka Gabiley, “Waxa manta ii farxad ah in aan Gudoomiyaha Gabiley Marwo Khadra Xaaji Gaydh aan gudoonsiiyo Shahaado Sharaftan oo aan sameeyey Shan bilood ka hor, oo aan u qoondeeyey in aan ku maamuuso markaan arkay Waxqabadkeeda laga soo sheegayo iyo sida wacan ee ay wax u qabatay, tan iyo muddadaana oo aan hayey Shahaadadani, Maalinba maalin ayay ii dhiibaysay, waxaanu Alle qadaray in aan Maanta gudoonsiiyo. Waxaana ku qoran Duco aanu ugu ducaynayno Maayarka iyo Degmadaba. Gobolkani waa Gobolkaygii Cid iga xigtaana ma jirto”. Ayuu yidhi Suldaan Xiis Barre Yuusuf.
 
Waxa Isaguna halkaa ka hadlay Suldaan Xuseen Ismaaciil Geelle oo sheegay in Wax-qabadkan iyo Gurrigan quruxda badan ee ay dhex joogaanba aanay Iyagu dhex joogin Magaalada ‘eh ay Warb aahinta kala socdeen, halkaana ka hambalyeeyeen, waxaanu tilmaamay Suldaanku hadii sidaa ay ku sii wado Maayarku in ay mutaysan doonto in la yidhaa Madaxwayne noo noqo, “Waxa na keen ay halkani waa Caashaq, Caashaqan na keenayna waa Wax-qabadkan laga soo sheegayey Gabiley iyo Gurrigan Quruxda badan ee aynu dhex joognaba Warbaahinta ayuunbaanu kala soconay, taas ina waa mid aanaanu ka arag Magaalooyinka kale oo dhan, Illayn annagu maanu joogine, waanan ku hambalyeynayaa aad iyo aad ayaan u hambalyeynayaa, waxaan leeyahay hadii Khadra Xaaji Gaydh halkaa ka sii wado Dadaalkeedaa waxaabay mutaysan doontaa in la yidhaa Madaxwayne noo noqo”. Ayuu yidhi Suldaan Xuseen Ismaaciil Geelle.

Suldaan Maxamuud Siciid Maxamed iyo Suldaan Xuseen Aw Muuse Cirday oo Iyaguna halkaa ka ha dlay ayaa si wayn ugu mahad celiyey Maamulka Gobolka iyo ka Degmadaba iyo Shacabka reer Gab iley oo ay ku hambalyeeyeen sida wacan ee ay ula shaqeeyeen Gudoomiyaha, taasi oo ay hoosta ka xarriiqeen in aanay waxba qaban kartaan hadaan Madaxda kale ee Degmada iyo Dadwaynaha Reer Gabileyba dhinacooda ka badhi-taageerin. Waxaanay ugu duceeyeen in Alle u xoojiyo Dadaa lka ay wadaan ee ay ku doonayaan in ay ku horumariyaan Gobolkoodan iyo Degmadoodan . waxaanay ku waaniyeen in aanay ka caajisin ee ay halkaa ka sii wadaan.

Waxa iyaguna halkaa ka hadlay Gudoomiyaha Xisbiga Kulmiye Amiin Muuse Xirsi, Chief Caaqil Muxu med Faarax (Faaliye-Dheere), Caaqil Maxamed Cabdi Qawdhan, Caaqil Maxamed Xasan Caynaans he, Caaqil C/laahi Aw Nuur, iyo Oday Cumar Barkhad Bullaale, oo dhamaantood si wayn ugu mahad celiyey Salaadiinta masaafada u soo gashay in ay Shahaado sharaf gudoonsiiyaan Maayarka Gabil ey oo ay ku tilmaameen in muddadii Sanad ku dhawaadka ahayd ee ay joogtay ay arkeen Waxqab ad ay Dawladda hoose ee Gabiley ku tallaabsatay, waxaanay xuseen in Intii ay joogeen Maayaradii ka horreeyey aan hal Suuli ahna lagu soo kordhinin Xarrunta Dawladda/Hoose. Waxaanay u soo jeediyeen Salaadiintani in ay fadhiga ka kacaan oo Deegaanada ay Salaadiinta u yihiin oo dhan Kor meer joogto ah ku sameeyaan, kuna qiimeeyaan Deegaan kasta iyo meel kasta waxa ay qabsatay. Kuna abaal siiyaan Sida Shahaado-Sharaftan oo kale, waxaanay sheegeen in ay ku mahad san yih iin hawshan ay qabteena.

 

Caydaruus Axmed Ismaaciil (Qadiye)
Timacade News Desk
Gabiley ,Somaliland