Nabad akhristayaal,
Waa sheeko gaaban oo ka mid ah, sheekooyinkeennii taxanaha
ahaa ee la magacbaxay, Ila Qosol.
Nin baa beri jeclaaday gabadh aad u qurux badan oo uu maalin
arkay. Isaga oo hadal kooban mooyiye aan haasaawe dhexmarin,
ayuu gabadhii u soo geedfadhiistay.
Shaaw gabadhaney, muuqaalkaa dusha maahee;
maskaxi uma hoosayso oo waa qof dhiman!
Maalintii loo soo geedfadhiistay, ayaa gabadhii sheedda laga
tusay; raggii oo geed duleedka ah fadhiya oo aad haybadda
iyo hannaankooda yaabtid!
Waxana gabdho ay ilma-adeer ahaayeen u sheegeen, in raggaasi
la tusay ee quruxda badan midkood iyada guursanayo oo iyada
geedka loo fadhiyo - aad ayayna ugu faraxday.
Isla maalinimadii ayaa inantii la kala guddoomey, lana
meheriyey.
Gabalkii markii uu dhacayna, gabadhii iyo ninkeedii guri
dadabgal ah ayaa loo diyaariyey.
Fiid horaadkiiba, ninkii dadabgalka ahaa ayaa gurigii iska
soo xaadiriyey!
Markii caweysinkii la gaadheyna, illayn waa nin gurigiisii
joogee; maryaha ayuu dhigtay.
Markii waagii beryeyna, geedkii iyo raggii ula socdey
xaggood ayuu tegey.
Haddaba maalinimadii, ayay gabadhii ay gabadha ilma-adeerka
ahayeen ee shalay galabtii soo galbiyey ka hadliyeen oo ay
ku yidhaahdeen, "Naa heblaayooy, bal
noo warran oo maxaad aragtay!?" Gabadhii miskiinta
ahaydna iyada oo daacad warramaysa, ayay ku tidhi, "
Raggaa quruxda badan ee geedka fadhiya,
haddaad habeenkii arki lahaydeen; umaydaan joogsateen oo
habeenkii xishood iyo xarragaba way ka tagaan oo
maryahan way tuuraan
ee maryaha waxay sitaan;
inta ay geedka fadhiyaan!!"
Allahayoow
ceebtayada astur oo hanna
cadaabin!
Cabdullaahi Maxamed Cumar
Email:
timacadde56@hotmail.com