Haweenka somaliyeed ee Degan Magaalada Bolton ee Dalka ingiriiska oo deeq lacageed

Haweenka Soomaaliyeed ee deggan magaalada Bolton ee Dalka Ingiriiska oo soo gaadhsiiyey deeq lacageed Cabdi Maxamuud oo ah Ninkii Mucjiso ah oo Dhibaataysan.


Wajaale (Timacade News) Hawaanka Soomaaliyeed ee Degan Magaalada Bolton ee Dalka  In giriiska ayaa Deeq lacageed oo Dhan $ 325 soo gaadhsiiyay Cabdi Maxamuud Aw Xasan oo ah nin mucjiso ah oo laxaadka Araga iyo Maqalkuba ay ka maqanyihiin, Ninkaasi oo Wax ka maqla Baabacooyinka Gacmaha isaga aan Hadli Karin ilaa Baabacadiisa aad afkaaga saarto, Cabdi  M axamuud iyo Walaalkii oo ah Dad danyar ah oo ku dhibaataysay Degmada Wajaale ayaan  hay san cid iyo ciirsi toona.


Deeqdan oo uu gudoonsiiyay Agaasimaha Shabakada Wararka ee Timacade News Mustafe C/kariin Cali (Mustafe Future) oo ay u soo wakiisheen Dumarka Soomaaliyeed inuu gaadhsiiyo deeqdaasi Cabdi Maxamuud oo ah nin Mucjiso ah oo ku dhibaataysan Degmada wajaale markii ay arkeen warbixin ay Shabakada wararka ee Timacade News ka diyaarisay damiirkoodu u  da mqaday inay wax la qabtaan ninkaasi miskiinka ah ee dhibaatadu haysato.


Wareejinta deeqdan oo ay Goobjoog ka ahaayeen Badhasaab ku xigeenka Gobolka Gabiley  C/ risaaq Sh.Aadan Cali, Xog-haya Dawlada Hoose ee Degmada wajaale Cabdi Abiib Warsame, Axmed Maxamuud Aw Xasan oo ay walaalo yihiin ninkan dhibaataysan iyo Bahda saxaafada oo goob joog ka ahayd.


Ugu horay Mustafe C/kariin Cali oo hadal kooban halkaasi ka jeediyay ayaa u mahad naqay Dumarka somaliyeed ee Deeqdan soo gaadhsiiyay Cabdi Maxamuud kuwaasi oo uu sheegay inay ka damqadeen xaalada nololeed ee uu ku suganyahay ninkaasi miskiinka ah ee mucjisada ah.

Mustafe Future waxa kale oo uu sheegay inay Dumarkani Sadaqo ahaan ugu deeqeen  lacagt aasi walal-kooda dhibaataysan isaga oo xusay inay Ilaahay uga Baryayaan inuu  Caafimaadki isa u soo celiyo dadka muslimiinta ahina ku cibro qaataan.


Badhasaab ku xigeenka Gobolka Gabiley C/rasaaq Sheekh Aaden Cali oo halkaasi hadal kooban ka jeediyay ayaa si wayn ugu mahad naqay Haweenka Deeqda soo diray isaga oo ka  codsad ay Bulshada Reer Somaliland gaar ahaan inta wax haysataa in ay u soo gurmadaan ninkaasi oo ay ku daydaan Haweenkaasi. C/rasaaq Sheekh Aaden, Ku Xigeenka Badhasaabka Gabiley, waxa uu aad ugu dheeraaday dhibta ninkaasi haysata iyo sida loogu baahan yahay in wax lala qabto. Waxa kale, oo uu sheegay in arintani ay tahay mid uu ILaahay ummadiisa ku eegayo.


Sidoo kale, waxa isaguna halkaasi hadal ka jeediyay nin ay walaalo yihiin oo lagu magacaabo Axmed Maxamuud Aw Xasan,  oo si wayn ugu mahad naqay Dumarkii soo gaadhsiiyay  deeqd aasi. Waxaanu tilmaamay in ay tahay arin uu ilaahay Awood u leeyahay oo aanu ku dhalan w alalkii Cabdi Laxaad la,aanta.


Waa deeqdii u horaysay ee ninkaasi soo gaadhay tan iyo wixii ka danbeeyay tan iyo markii ay soo if baxday dhibaatada Ninkaasi haysata oo ay baahisay Shabakada Wararka ee Timacade News. Hasa ahaatee, marka loo eego Dhibta haysata, intaasi kuma filna.


Ninkan oo ah Nin ay ka maqan yihiin Laxaadka Araga iyo Maqalka ayaa ah NinDanyar ah oo a an haysan cid wax tarta. Waa nin dhallinyaro ah oo ay da’diisu tahay ilaa 35 jir. Waxa uu la nool yahay nin ay walaalo yihiin oo isagu inta badan aanay u suurtoobin in uu meel qabto oo uu u soo raadiyo wax yar oo ay cunnaan. Arinta Mucjisada leh ayaa ah In uu ninkani wax ka maqli karo labadiisa baabaco ee Gacmaha marka uu u soo dhaweeyo Afka qofka la hadlayaa.


 

Nimcaan Dheeg Ibraahin
Timacade News Network  TNN
Wajaale Somaliland
timacadenews@hotmail.com