Haweenka Soomaaliyeed ee Magaalada Bolton UK, oo Deeq l a cageed soo Gaadhsiiyay Cabdirashiid Cumar Xuseen oo Ka soo dhacay Fooq ku yaala Magaalada Berbera

Hargeisa (TNN)- Haweenka Somaaliyeed ee magaalada Bolton ee Dalka ingiriiska ayaa maanta s oo gaadhsiiyay deeq lacageed oo ay ku soo caawiyeen Muwaadinka Cabdirashiid Cumar Xuseen (Foosi), oo ka soo dhacay Fooq ku yaala Berbera, oo dhaawayo halis ahi soo gaadheen dhabarka iyo misgaha.

Foosi waxa uu ka jaban yahay Afar meelood, laba meelood oo dhabarka ah iyo labada miskood isla-markaana kaadida iyo saxaradu ay u socdaan si bilaa dareen ah.

Foosi waxa uu ka tirsanyahay Ciidanka Qaranka Somaliland isla markaana waxa uu ka soo jeedaa qoys dan-yar ah oo aan haysan wax ay ku daaweeeyaan ama ku geeyan cisbitaalada dibada, Foosi waxay dhibtani ku soo gaadhay ka dib markii uu isku dayay inuu bad badiyo haweenay uu galay jin oo wakhtigaa rabtay inay iyadu iska soo tuurto fooq dheer oo seddex dabaq ah oo ku yaala magalaada Berbera.


Dhibanahan oo manta uga waramayay Xaaladiisa Wariye Mustafe Future ayaa sheegay in uu C usbitaalka yaalay muddo sanad ah iyada oo aanay jirin cid wax la qabatay aan ahayn Dhakhaa tiirta Cusbitaalka Hargeisa, balse ay ku taliyeen in aan dalka waxba lagaga qaban Karin.

Haweenka Deeqdan soo gaadhsiiyay ayaa markii ay ka akhristeen dhibaatada ninkaasi soo gaad hay Saxaafada Somaliland, ayay u damqadeen walaalkood waxaanay soo gaadhsiiyeen Deeq lacageed oo Dhan $300

Lacagtaasi oo ay soo dirtay Ruqiya Xasan Maxamed oo ah Wakiilka Haweenka Reer-Bolton iyaga usoo mariyay Agaasimaha Guud ee Shabakada Wararka ee Timacadde News, Mustafe Abdikariin Ali (Mustafe Future).

Gudoonsiinta Lacagtaasi oo uu Goobjoog ka ahaa Dr.Maxamed Yuusuf Aw Cali (Culimo) oo ka tir san Dhakhaatiirta ka hawlgala Cusbitaalka Magaalada Hargeisa, ayaa waxay si rasmi ah ugu war eejiyeen muwaadinkaasi dhibtu ka soo gaadhay Fooqa Berbera oo aan cid iyo ciirsi toona lahayn illaahay mooyaane.

Ninkani Dhibanaha ah ayaa waxaa ka muuqdo dhaawacyo halis ah isaga oo mudo Sanad ah u jiifa Beerka, qaarka danbena aanu lahayn wax dareen ah Xataa kaadida iyo saxaraduba ay si bilaa dareen ah u dhaafayaan.

Dumarka deeqdan soo gaadhsiiyay dhibanahan ayaa hore Deeqo kala duwan u soo gaadhsiiyay masaakiin dhibaataysan oo ku sugan Gobolada Dalka somaliland.
 

Mustafe Cabdikarin Cali (Mustafe Future)
Agaasimaha Guud ee Timacade News Network (TNN)
Timacadenews@hotmail.com
Hargeisa Somaliland