Shirjaraa’id,
Guddoomiyaha Guddida Joogtada Guurtida
Cabdilaahi Dhugad
“ Haddii La Yidhaahdo Xisbiyadu
Ma Mudaharaadi Karaan Oo Ma Dhaqdh aqaqaaqi Karaan,Arin Daw Ah Maaha,
Kulmiyana…” Shirjaraa’id, Guddoomiyaha Guddida Joogtada Guurtida
Cabdilaahi Dhugad
Guddida joogtada golaha Guurtida ayaa jawaab kulul ka bixiyey hadalo
uu dhawaan u jeediyey 35 kii xildhibaan eeka codeeyey go’aankii
muddo kordhinta ee golaha ka soo baxay, isagoo labada beelood eek u
diriray e deegaanada Ceelbardaalana u soo jeediyey baaq nabadayna,
waxa kale oo ay guddidasi distoori ku tilmaameen in asxaabta
siyaasadu ay mudaharaadyo salmiya usoo bixi karaan, isagoo dhinaca
kalana saddexda xisbi qaran ugu baaqay in si nabadgelyo ah ay
loolanka doorashada u galaan.
Guddoomiyaha guddida joogtada golaha Guurtidu xildhibaan Cabdilaahi
Ibraahim Dhugad waxa uu sidaasi ku sheegay shirjaraa’id oo uu shalay
guddidaasi ku qabteen xarunta golahooda kaas o ay goobjoog ka
ahaayeen xubnaha , isagoo arrinkaa ka hadlayana waxa uu yidhi “
waxaanu ugu baaqaynaa labada baalood ee isku haysta deegaanada
Ceelbardaale in ay nabadaynta u hogaansamaan oo ay maqlaan ergada
golaha
Guurtida iyo xukuumada colaada deegaanadaa ka aloosana cidna dan uma
aha nabaduna cid kasta danbay ayey u tahay.
Waxaanuu soo jeedinayna labadaa beelood ee walaalaha ahi inay nabadu
iyaga ka timaado oo ay dhexdooda ka dhaliyaan dadka kalana idinku
iska xiga, shacbi waynaha reer Somaliland waxgaradka, salaadiinta,
culimu’udiinka, waxaanu ugu baaqayna in si dhakhso ah ay ugu
gurmadaan, oo talo xoog leh loo galo nabadaynta labadaa beelood
ayaanu ugu baaqaynaa.
Waxaanan la hadlaynaa saddexda xisbi qaran oo aanu leenahay si
nabada dalka si nabada dalka hawga ololeeyaan, doorashadii way
dhawdahay wixi khilaafa eejirana waa laga heshiyey, heshiiskii la
gaaday wa in saddexda xisbi Qaranoow sidii u qaadataan ninkii
nabdgelyo daro abuuraana isaga u daran tahay, waxay taladii ku
uurtay in ummada cod loo donto fartaa dadka ayey doorashadiiinu ku
xidhan tahay ninkii la jecel yahoo, ninkii ummada codka doonayoow
dadka si nabadgelyo daro iyo xaalad abuur ummadda lagu kasban maayo.
Dawlada waxaanu usoo jeedinaynaa inay dulqaadato oo ay si caqi lehu
maamusho dalka macqulna maha in ciidamadu asxaabta xarumahooda ugu
galeen, waxaanu leenahay askarta xafiisyada galaysa xili doorasho ah
ayaa lagu jiraa, askariga kale raaca madaxda talada dalku u
tartamaysana askari ciidan qaran ma noqonayo, ha kala raacina waa
inaad u sinaataan xisbiyada kursiga maalinba nin baa fadhiya dawlada
waxaanu leenahay dulqaata, dawlada aan dulqaad lahayni ummad ma
xukumi karto, dwladu sidii ay ummadda ugu dulqaadan lahayd ee ay u
kasban lahayd falowgeed ha gasho”ayuu yidhi guddoomihu.
Intaa ka dib su’aalihii suxufiyiintu shirkiisaa jaraa’id ku
waydiiyeen iyo jawaabihii uu ka bixiyeyna waxa uu u dhaceen sidan:
S: Guddoomiye go’aankii Golaha Guurtida ee muddo kordhinta
Madaxweynaha iyo ku xigeenkiisa ee aad ka mid ahayd 35-kii Mudane ee
diiday, siddee ayaad u aragtaa go’aankaasi oo muran siyaasadeed
dalka ka abuuray?
J: Markii fadhigii maalintaasi dhamaaday ee uu go’aan noqday ayuu
Goluhu isku raacay, waxaanu idin leenahay wax dhinacayaga ku hadhay
oo khaakhuul ahi ma jiro, saacadii arrintaasi dhacday ayuu
islaaxayagiina caadi noqday.
S: Madaxweyne ku xigeenka Somaliland wuxuu 35 kii Mudane ee muddo
kordhinta diiday uu ku eedeeyay inay khaa’inul wadaniin yihiin,
maxaad Arrintaasi ka leedahay?
J: Madaxweyne ku xigeenku wuxuu nagu eedeeyay waa wax aan daw ahayn,
Madaxweyne Ku Xigeenku wixii Anaga na dooran waayaa waa dambiile
inuu yidhaahdo Ma aha ma Nabi Buu ahaa, Maxaanu ku dambaabnay Cod
ayaa la isku qabtay codkiina qolaba meel ayay martay, waa bay ku
heleene’e Ninkii helay muxuu ku ooyay oo uu ku cabaaday. Waaba aanu
ogol-nahay oo waanu u hanaynaye’e.
S: Xisbiga KULMIYE wuxuu ku baaqay mudaharaad, dawladuna waxay tidhi
Talaabo ayaanu ka qaadaynaa oo ma ogola, dhawaana waxa jiray inay
Ciidanka boolisku rasaaseeyeen Guddoomiyaha KULMIYE iyo
taageereyaashiisa, arrimahaas maxaad ka leedahay?
J: Xisbiga KULMIYE waanu aragnay Xisbigaasi Khaakhuul ma wado,
Mudaharaadka Salmiga ah Adduunkaba waa Laga Dhigaa oo Distoorka ayaa
ogol, laakiin haddii uu soo baxo mudaharaad yar oo xalaal ahi dee
layaab ma laha loomana diidi karo, in la yidhaahdo ma dhaqdhaqaaqi
kartaan taasi daw ma aha.
S: Magaalada Burco oo aad adigu dhalasho ahaan ka soo jeedo, shalay
waxa dhacay shir ay KULMIYE doonayeen inay ku qabtaan magaaladaasi
oo Booliskii ugu galay, maxaad ka odhan lahayd?
J: Dadku marka ay wax isku qabtaan wax jira iyo wax aan jirinba waa
la soo geliyaa Arrinta Burco maanta wax khaakhuul ah oo ka jiraa ma
jiraan baan qabaa anigu.
S: Guddoomiye, waxa la leeyahay 35-kii Mudane ee diiday muddo
kordhinta beryahan dambe iyagaa Golihii ka dhaq dhaqaaqaya oo
qabsaday baddii Guddi hoosaadyadii Guurtida oo madax ka wada noqday
badankoodii, Arrintaasi maxaad ka odhan lahay?
J: Arrintaa waxaan u arkaa Golaha waxa jira wakhti wakhti la
isbedbedalo wax aan dhici jirini kama dhicin siddii la iskugu
bedbedali jiray ayaa la iskugu bedalay Guddiyada Golaha, intii oo
qudha ma ahee waa la isku shaan dheeyay oo cid waliba way ku jirtaa.
S: Guddoomiye, dhawaan waxa ka dhacday in Guddoomiye ku xigeenkii
labaad ee Guurtida uu nin kale oo Xildhibaan Golaha Wakiilada ahi uu
gacan saaray, Maxaad Guddi ahaan ka qabateen arrintaasi?
J: Hawshaasi way dhacday waxay ahayd wax dhacay, laba nin oo isku
dhacay ayay noqdeen, markii ay dhacdayna waa laga heshiiyay, xaal
baa laga bixiyay sidii Soomaalidu isku xurmayn jirtay ayaa looga
heshiiyay.labada goleba.
S: waxay masuuliyiinta xisbiga Kulmiye ee gobolka togdheer xukuumada
ku eedeeyeen inay wado shirqool loogu mucamaraadaynayo calaamo
Somali weyna arimahaa sideed u aragtaa ?
J: anagu calaamadaa maanu arag, haddii ay jiraana cida sheegtay
calamadaasi ha soo bandhigto waxaanuaragno ayuuu baanu wax ku
qabanaynaa.
Haatuf
|