Gudd. Guddiga Nabadgalyada GuurtidaOo Xukuumada Siilaanyo Ku Eedeeyay In Xorayatul Qawlkii Ay Ku Tumatay, Sheegayna In Shacbigu Aanay Aqbali Doonin Kalitalisnimo

“Ina C/Qaadir Markuu Kulmiye Galayay Ayuu Qaldamay Shir Aan Laga Jeclayna Inuu Ka Qaybgalo Qalad Bay Ahayd, Inuu Iscasilo Ayay Ahayd Haddii Laga Qadiyay Xukuumadu U Soo Halgamay”

“Jananada Ciidamadu Inay Xisbiyo Ku Sawirmaan Oo Ay Ka Qaybgalaan Shirarkoodana Waa Arrin Qaldan, Waa Inay Dhex U Ahaadaan Axsaabta”Md Obsiiye Waraysi Khaasa

Hargeysa, April 18, 2012 (TNN) - Gudoomiyaha guddiga arrimaha nabadgalyada ee golaha Guurtida Somaliland Axmed Muuse Obsiiye ayaa Xukuumada Madaxweyne Axmed Maxamed Maxamuud Siilaan yo ku eedeeyay in Xoriyatul qawlkii iyo hanaankii Dimquraadiyada Somaliland ee ay ku faantay meel kaga dhacday, waxaanu tilmaamay in dadka dhaliila Xukuumada Xabsiga loo taxaabayo.

Xildhibaan Obsiiye waxaa uu intaa ku daray in talaabadii maalintii Axadii todobaadkan xilka lagaga x ayuubiyay gudoomiye ku xigeenkii labaad ee xisbiga Kulmiye C/raxmaan C/qaadir ku tilmaamay arrin fool xumo ah, isla markaana ka timid qalad uu ku galay xilligii uu xisbiga Kulmiye ku biirayay, waxaanu sheegay inay u haboonayd C/raxmaan C/qaadir inuu xilka xisbigaasi ka hor shirka golaha dhexe ee Kulmiye iska casilo, maadaama lagu wargaliyay inaanu ka soo qaybgalin shirkaasi.

Xildhibaan Axmed Muuse Obsiiye ayaa sidoo kale dhaliilay qaabkii Taliyaha Ciidanka Bilayska C/llaahi Fadal Iimaan uu goob jooga kaga ahaa shirkii golaha dhexe ee Kulmiye Sabtidii ina dhaaftay ku qabso omay Maansoor Hotel ee magaalada Hargeysa, isaga oo xusay in askar ka tirsan Bilaysku ay ku dh ex garaaceen madasha shirka C/raxmaan C/qaadir.

Xildhibaanku waxa uu sidaasi ku sheegay mar uu shalay uga waramay Haatuf aragtidiisa ku saabsan habkii loola dhaqmay gudoomiye ku xigeenkii labaad ee Kulmiye ee xilka laga xayuubiyay, ugu horayn a isaga oo arrimahaasi ka hadlayana waxa uu yidhi “Horta markii hore ee uu galayay xisbiga Kulmiye ayuu qaldamay C/raxmaan C/qaadir, markii uu ka soo qaybgalay shirkii golaha dhexe ee Kulmiye oo aan laga rabina isagoo horena dhaliilo culus ugu jeediyay, siyaasada xukuumada xisbigoodana qalad labaad oo uu galay ayay ahayd, oo qofku meel aanu karaamo ku lahayn inuu ka soo xaadiro maaha, markii uu yidhi aan hadlana qalad bay ahayd in loo diido hadalka ilayn nin masuul ayuu ahaaye, in la gu jidh dilo madasha shirkana isagoo masuul Kulmiye ahna arrin fool xun bay ahayd”

Isaga oo hadalkiisa sii watay wuxuu intaa ku daray “Ninka marka uu siyaasi yahay waxaa looga baa han yahay inuu wax walba ka fiisado, markuu galayay Kulmiye-na in badan baa lagala taliyay maada ama markii xisbiga Kulmiye doorashadii Madaxtooyada uu ku guulaystay 26-kii June 2010 ee mansa byadii xukuumadana laga qadiyay waxay ahayd inuu xisbigaasi Kulmiye iska casilo oo uu go’aan ka gaadho, waxaase hada muuqata in xoriyatul qawlkii iyo Dimuquraadiyadii lagu tumayo oo dadka lagu xidh-xidhayo Ra’yigooda, arrimahaasina waa kuwii shacbigu kula dagaalamay ee Rajiimkii Siyaad Bar re, diktaytarnimo danbe shacbigu ogolaan maayo ciddii ula timaada”

Xildhibaan Obsiiye oo aan su’aalnay sida uu u arko Taliyaha Bilayska C/llaahi Fadal oo goob joog ka a haa shirweynihii golaha dhexe ee Kulmiye iyo markii falkaasi dhacay, ayaa waxa uu yidhi “Sideedaba waa qalad in Jananada Ciidamadu ay ka qaybgalaan shirarka xisbiyada oo ay ku sawirmaan xisbi gaara, maxaa yeelay Jananada Ciidamadu waa inay dhex u ahaadaan ummada iyo Axsaabta, waana arrin aad u qaldan in Jananada Ciidamadu ay dhex galaan shirarka Axsaabta”.
 

source:Haatuf