Hargeysa:
23 Sano Ka Dib Madaarka Caasimadda Ee Egal Inter national Airport Oo
Dib U Helay Koronto 24-Ka Saac Ah
Hargeysa, July 12, 2011 (TNN) – Wasiirka duulista iyo hawadda
Somaliland Maxamuud Xaashi Cabdi ayaa shaaca ka qaaday shalay inay
ku guulaysteen inay xaliyaan caqabad mudo 23 sanood ah Korontadda ka
haysatay madaarka caasimadda ee Egal International Airport, kaas oo
sheegay inuu hada madaarkaasi la jaanqaadi doono garoomadda
caalamiga ah, isla markaana laga heli doono dhamaanba Adeegyadii
looga baahnaa madaar caalami ah.
Maxamuud Xaashi ayaa waxa uu u mahad celiyey shirkada iyadu suurta
galisay in madaarkaHargeysa uu noqdo mid ka baxa baahidii Korontadda,
kaas oo uu tilmaamay inuu hada wixii ka danbeeya uu heli doono
koronto 24-ka saac ah.
Wasiirka ayaa waxa uu sidaas ku sheegay mar uu shalay ka hadlayey
xaflad loo qabtay hirgalinta mash ruucan wax lagaga qabanayo
caqabadihii madaarka caasimadda ka haystay xaga korontada, kaas oo
kee nay in madaarku u cadilmo in badan, balse hada tibaaxay in ay ka
baxeen baahiyahaas. Ugu horayna isaga oo wasiirka arimahaas ka
hadlaya waxa uu yidhi “Waxaan jeclahay inaan ugu horayn halkan uga
mahad celiyo shirkadda Kaah Electric Compony iyo masuuliyiinta
wasaaradda ee arintan ka soo shaqeeyey, mada xda madaarka Igal
International Airport iyo bahda saxaafaddaba aad ayaan ugu mahad
naqayaa, waxa si fiican u iftiimiyey baahidda madaarka ka jirta
maareeyaha madaarka Ridwaan iyo Eng. Cabdi Cali Barkhad, kuwaas oo
runta ka sheegay baahiyaha jira ee loo qabo in madaarku helo Koronto
24-ka Saac ah.
Madaarka Igal International
Airport oo ah madaarka ugu wayn dalka waxa haysatay dabyari, taas oo
aa nu hore u haysan koronto ku filan, balse hada wixii ka danbeeya
uu heli doono koronto ku filan. Qofkasta oo arkay madaaradda
caalamiga ahi wuxuu ogyahay sida hawlaha madaarku ugu xidhan yihiin
dabka, had ay noqon lahayd xaga amniga iyo haday noqon lahayd
adeegyada kale ee madaarku bixiyo-ba. Dhibta hal kan ka jirtay waxa
cadeeyey Eng. Cabdi Cali Barkhad, waxaanu sheegay in dhawr iyo
labaatan sano ka ho r ay ugu danbaysay madaarkani inuu helo koronto
24-ka saac. Waxaan qabaa in 23-kaas sano la dadaala yey oo aynu
dadaalaynay balse awoodu inoo saamixi wayday, ragii iiga horeeyey
wasaaradan waxaan qabaa in nin waliba meel soo gaadhsiiyey oo ay
dhamaantood dadaal la wada yimaadeen, isla markaa uu wakhtigu u
saamixi waayey”.
Maxamuud Xaashi Cabdi isaga oo hadalkiisa sii watana, waxa uu yidhi
“Intii aan wasaaraddan masuulka ka ahaa waxa dhibaatooyin badani
naga haysteen laba mishiin oo halkan yaalay, kaas oo mid ka mid ahi
ja bay, isla markaana ay nagu kaliftay inaanu keeno mishiin kale oo
amaano ah. Warwarka aanu ka qabno inay sidii loogu talo galay ay u
baxaan waxaanu ku tuntuunsanay in uu midi habeenkii oo kaliya baxo
oo aanu ku ilaalino Sucurity-ga madaarka wakhtiyadda habeenkii ee
gudcurka ah. Taasi waxay keentay in ay meesha ka baxdo shaqadii
maalintii ee Sarvice-kii loo baahnaa, madaarku habeenkii ma shaqeeyo,
marka laga reebo laba habeen oo uu Falayt leeyahay. Imika waxaynu ku
soconaa in beesha caalamku Madaarkeena u aqoonsato mid habeenkii
shaqayn kara oo wadadeedii ayeynu haynaa inkasta oo aan hada la
aqoonsanayn. Waxaan shacbiga u sheegayaa in maanta wixii ka danbeeya
uu madaarkeenu u shaqayn doono si caadiya oo 24-ka saacadoodba ay
Computer-radeenu shaqayn doonaan maadaama oo aynu helnay koronto
inagu filan”.
Eng. Cabdi Cali Barkhad oo ka mid ah madaxda shirkadda Kaah ee
korontadda siisay madaarka Egal International Airport, oo madasha ka
hadlay ayaa waxa uu yidhi “Ka dib markii wasaaradda duulista iyo
hawadu naga codsatay inaanu ka caawino dab lagaga shaqeeyo madaarka
Igal International Airport, markaas ayaanu anaguna anaga oo eegayna
mihiimadda madaarkani u leeyahay bulshadda ka ogolaanay inaanu u
diyaarino koronta awood u leh in madaarka laga shaqeeyo 24-ka sac.
Madaarka Hargeysi waxa uu wakhtiyadii hore korontadda ka qaadan
jireen warshadii Korontadda ee Hargeysa waa 28 sanadood ka hor,
qalabkii oo dhana waa la bililiqaystay. Markii warshadda la
kiciyeyna waa la awoodi kari waayey in la soo gadhsiiyo, markaa
shirkadda Kaah oo ah shirkad Privet ah oo ah shirkadda ugu wayn
Hargeysa, macaa ta dawladda marka lagu daro, warshadaha kale-na
hadalkooda daaba. Magaaladda in badan ayaanu daaqnaa waxaan odhan
karaa 40% ayaanu dabka siinaa magaaladda Hargeysa. Mashruucan waxa
ku baxay $40,000, Mar waanu danaysanaynaa oo macmiil culus oo aanu
yeelanay hay’ad ahaa weeyi dabka aanu siinayno Airporta Igal
International Airport, marna dalkeena ayaanu u horseedaynaa horumar
oo hadii madaarkeenu sidaa ku sii socda waxa uu dhawaan noqon doonaa
Insha Allaah Madaar Caalami ah, waxa noo qorshaysan in xataa
Madaxtooyadda laftigeeda aanu anagu Kaah ahaan siino korontada.
Dhawaan waxaanu soo bandhigi doonaa awoodayada koronto hay’ad ahaan,
awoodayada koronto waxa ay gaadhsiisan tahay inaanu Hargeysa
dhinacwalba uga socono 40KM”.
C/raxmaan Cismaan Aadan oo ka mid ah Madaxda sare ee shirkadda
korontada ee Madaarka siisay dabka ee Kaah, waxaanu hadalkiisa ku
bilaabay “Waxa farxad noo ah in madaarkii caalamiga ahaa ee Igal
International Airport uu helo koronto ku filan oo 24 saac ah, waxaan
arintaas iska kaashaday shirkadda Kaah iyo wasaaradda duulista
runtii waa talaabo horumarka wasaarada sii xoojinaya, sababta oo ah
korontadu waa baahida ugu wayn ee madaarku qabo haday ahaan lahaan
lahayd xaga Sucurity-ga iyo haday ahaan lahayd xaga Sarvice-ka ay
dadka madaarka ka duulaya ama ka soo dagayaa ay u baahan yihiin”.
Waxa isaguna madasha ka kalmadiisa ka yidhi agaasimaha guud ee
wasaarada duulista iyo hawadda Axmed Dalal Faarax, waxaanu yidhi
“Waxa farxad ii ah inaan goob joog noqdo arin in badan uu u
dhutinayey madaarka Igal International Airport, kaas oo ah inaan
goob joog u noqdo markii ugu horaysay ee madaarku helo Koronto 24-ka
saacadood ah. Anigu xaga farsamadda ka hadli maayo ee waxaan ka
hadlayaa oo aan bulshadda u sheegayaa in maanta ay bilaabantay
wadadii uu ku hiigsan lahaa madaaradda caalamiga ah ee aduunyadda,
kaas oo ay ka hortaagnayd koronto ku filan oo aanu markii hore
madaarku lahayn”.
Source:Haatuf
|