|
Ninkan maad
taqaanaan
Madaxii ka hoolmee
Gadhku macasha dhaafee
Isagoon maxbuus noqon
Jeel majnuun ka soo bixin
Xaga Alla ka maranee
Margiyadu ay fiiqmeen
Ee kala maroorsamay
*****
Waanin beri mudnaan iyo
Madax sare is badi jiray
Waa ninkii midihiyo
Makaaroofta sidan jiray
Moorgan
baa la odhan jiray
*****
Marka uu dagaal dhaco
Madfacyadu is dhaafaan
Waa ninkii maqiiqaha
Miigu aanu gaadhayn
Abdi Bile
la magac baxay
*****
Waa ninkii miskiinkiyo
Maatidiyo caruuraha
Mishiigaanka merin jiray
*****
Reer meel ku negiyoo
Maalkii xeraystoo
Muska jiitay fiidkii
Sida mulac dhalaan helay
waa ninkii u miri jiray
*****
Kibir meel fog aan jirin
Waa ninkuu makalayee
Midh isaaqi yuu hadhin
Magaalada hargaysaad
Makaan yuu ka taagnaan
Masraxyada ka odhan jiray
*****
May aakhirkeedii
Habeenkuu maryaha iyo
Ka cararay makakaankii
Isagoo mudduga oo
Dhagax iyo musbaar iyo
Qodxo ay ku mudan yihiin
*****
Muusanow ku tegay Xamar
Miyirkuna ka doorsamay
|
