Waxba Kama Jiraan Xukuumaduna Ma Qaban Qaabinayso Wax Mudaharaad ah
Arrintaasi waa Buuq ay Mucaarid
Hargeysa (Timacade News)- Wasiirka Wasaarada Beeraha Somaliland Md.
Aadan Axmed Cilmi (Dhoolayare) ayaa buuq ay mucaaridku samaysanayaan
ku tilmaamay warar sheega yay in xukuumaddu ay qaban
qaabinayso mudaharaadyo ka dhan ah Guddo omiyaha Xisb
iga KULMIYE Md. Axmed Maxamed Maxamuud (Siilaanyo) oo lagu beegayo
marka uu dalka dib ugu soo laabanayo dhawaan.
Wasiirka Wasaarada Beeruhu wuxuu sidaasi ku sheegay waraysi khaas ah
oo uu maanta xafiiskiisa ku siiyay Weriyaha shabakada wararka ee
Ramaasnews ee Somaliland Cumar Ma xamed Faarax, waxaanu Wasiirku
waraysigaasi kaga hadlay arrimaha siyaasada iyo wax qabadka
Wasaaradiisa.
Waraysigaasina wuxuu u dhacay sidan:-
S: Wasiir waxa xukuumada aad ka tirsan tahay lagu eedeeyaa inay
bilaabayso yooyootan kii siyaasadeed ee hore loo soo af-jaray
iyo inay dayaacado ka fidinayso socdaalka Guddo omiyaha
KULMIYE raad intee leeg ayaad arrimahaasi ku leedihiin?
J: Komishan ayaynu u dhiibanay Arrimaha doorashada oo ay wakhtiga ku
haboon qabtaan taasi oo caalamkuna inagula shaqeynayay, inaguna
xukuumad ahaan aynu ka masuul nah ay sidii doorashadu ay nabad
gelyo ugu qabsoomi lahayd.waxaan qabaa Anigu in Komishan ka loo
daayo shaqadooda markaa waxaad moodaa in Mucaaridku ay
doco-docaynayaan Komishanka markii ay waayeen sidii komishankii hore
ee iskabarbar hadli jiray. Waxaan aaminsan nahay inay komishankani
yihiin rag shaqadoodii haysta.
Markaa waxaad moodaa in markii shaqadooda uun ku koobnaadeen ayaa la
bilaabay doco-docayn iyo in la yidhaahdo xukuumada ayaa hortaagan
doorashada.
Guddoomiyeyaashu xisbiyada iyo Xildhibaanada Goleyaashu markay
marayaan dibadaha laakiin waxaan ogahay inaanay dadka u sheegin
warar lagu farxo oo ay wadaan uun cayda xukuumada waxa haboon inay
ogaadaan in wadaniyadu ay ka qaalisan tahay wax walba.qofka
dibada jooga ayaana had iyo jeer ugu naxdin badan dadka oo mar walba
wuxuu ka fikirayaa maxaa ka soo yeedhi.dadkeena dibada laftoodu
waxaan odhan karaa ma jecla warka fiican ee dalka looga sheegayo ee
waxay u riyaaqayaan waxa xun ee qofku sheegayo taasina waa wax
ilaahay laga magan galo.
Mucaaridkuna waa inay dadka dibada wax wanaagsan u sheegaan, olalena
laguma galo cambaaraynta dalkaaga, haddii inta aad dibada u baxdo
tidhaahdo dalku wuu baa’basan yahay waxba ma aad soo kordhin ee
wuxuun baad sii didisay.dadka qurbo jooga ahina cod ma dhiibaan ee
dhaqaale ayay dhiibaan dhaqaalahoodana dalka qeyb ayay kaga qaateen
horumarkiisa oo dad badan oo dalka jooga ayaa ku tiirsan lacagta
laga soo diro qurbaha. Waxaa haboon oo aan kula talinayaa in waxay
bixinayaan aanu sababin Nabadgelyo xumo.
Xukuumaduna shacbiga ayay ka timid ee cirka kamay soo dhicin dadkan
xukuumada ahi waa dadkii shacbiga uun ka yimid.dadkeenu inta badan
way iska xiiso badan yihiin’e xiisaha badan waxa ka qaalisan dalka.
S: Wasiir waxa la idinku eedaynayaa in xukuumadu ay doonayso inay
xidho siyaasiga Eng. Maxamed Xaashi, xilli dalku doorashu isu
diyaarinayo maxaa looga jeedaa arrintan?
J: Walaahi Anigu ninkaas odayga ah wixii dadku ay sheegayaan uun
baan maqlay’ee oo wax gaar ma odhanayo.ninku haddii uu madaxtinimo
doonayo xisbi mucaarid ha ahaado ama qof shacbi ahba ha noqdee waxa
waajib ah in xukuumada jirta loo hoggaansamo,Soomaalidu waxay
tidhaahdaa haddii shaadhkaaga lagugu qabsado waa laga gar
baxaa.marka aad doonayso inaad barito wax xukunto waa inaad xukunka
kaa horeeya ayidaa. Gar iyo gardarraba wax waad ku xukumi kartaa
bini’aami ayaynu nahay.way ka dhacdaa caalamka oo xukuumadaha u
waaweyn ayaa khalad ku xukuma dadka.
Waxaan leeyahay Maxamed Xaashi hore waxa loo yidhi nin Hulaab xumi
inuu wax qarsanayo ayaa la moodaa. Waxa lagaaga fadhiyaa in wixii
aad sheegaysay aad haayadaha sharciga ee kuu yeedhay ka hor sheegto.
S: Wasiir waxa wararka ay Wargeysyada qaar qorayeen in Xukuumadu ay
Mudaharaad ka dhan ah Guddoomiyaha Xisbiga KULMIYE ay ka qaban
qaabinayso dalka, arrintaasi maxaa idinku kalifay?
J:Wax alaale iyo wax ka jiraa ma jiraan warkaasi sheegaya in
xukuumadu ay mudaharaad ka dhan ah Siilaanyo ay qaban qaabinayso
arrintaasi waa buuq ay samaysanayaan mucaaridku.
Xukuumadu nabad gelyo darro ma abuurayso ee hadh iyo habeen waxay
heegan ugu jirtaa sugida amniga dalka, Guddoomiyaha KULMIYE waa nin
murashax ah oo ah Guddoomiye Xisbi qaran qadarin iyo tix gelin ayuu
xukuumada ka mudan yahay, xukuumada Somaliland-na ma abuurayso
mudaharaadyo wararka arrintaasi la xidhiidhaana waa been abuur cad.
S: Wasiir warbixin kooban naga sii waxqabadkiinii sanadkii hore ee
2009-ka iyo qorsheyaasha ugu muhiimsan ee sanadkan 2010-ka?
J: bilowgii sanadka cusub ee 2010-ka ayaynu ku jirnaa waxaynu
maraynaa bishii u horreysay ee January, waxaanu Ilaahay rajaynaynaa
inuu inoo noqdo sanad khayr qaba oo bash bash iyo barwaaqo ah. oo
aynu kaga raysano abaarihii iyo dhibaatooyinkii ina soo
maray.icitiraafkiina aynu helno doorashooyinkuna si wanaagsan oo
nabad gelyo ah ay inoogu qabsoomaan.
Sanadkan rajadaydu way fiican tahay oo mooralkaygu wuu fiican yahay,
waxaanu wasaarad ahaan qabnaa rajo badan oo ah inaanu helno
mucaawimooyin.runtii haayado badan oo caalami ah oo beeraha ahi ma
joogaan, dalka waxa jooga Haayado yar yar oo maxali ah oo ay ka mid
yihiin ADO, CANDLE-LIGHT iyo Haayada DRC oo ah urur caalami ah
laakiin aan beeraha uun ku koobnayn Ceelal yar yar ayay fulisaa.
Haayada FAO ayaa ugu weyn Haayadaha Beeraha ka shaqeeya waxaanay
qandaraasyo ku siisaa haayadaha kale kuwo maxali ah iyo kuwa
caalamiga ahba.rajadayadu Wasaarada Beeraha aad bay u fiican tahay
waxaanu filaynaa inay haayado badan oo beeraha ahi inoo yimaadaan oo
ay dadka wax u qabtaan.
Sanadkii hore wax yar dadka looma qaban aad baanu u shaqeynay Ceelal
badan waa la qoday,mashaariic faro badan oo beeraha xirfadooda iyo
waxsoo saarkoodaba kor loogu qaadayay waa la sameeyay sanadkan
cusubna waxaanu rajaynaynaa inaanu ka sii badino.
S:Wasiir Abaaro ba’an ayaa meelo kala duwan oo dalka ah laga soo
sheegayaa, markaa maxaa dadkaasi loo qabtay?
J:Abaartu dalka meelo badan oo ka mid ah way ka jirtaa gaar ahaan
goboladaAwdal, Salal iyo Tog-dheer oo abaar ba’ani ka jirto gaar
ahaan biyo la’aan ayaa ka taagan,horta waxa loo baahan yahay in
qorshe laga samaysto oo sanad walba xiligan oo kale aan qeylo dhaan
lagu dhufan.abaartuna waa mid ay bini’aadmigu keeno iyo mid
dabeecaddu keento.
Abaaraha dadku keenaan kow ayaynu ka nahay dhirtii ayaa iyagoo qoyan
la jarjarayaa oo baabuurta la soo saarayaa,shacbiga waxaanu ugu
baaqaynaa xukuumada oo kaliyi waxba ma qaban karto dadku
deegaankooda ha ilaashadaan. Dadweynuhu waa inay ogaadaan geedkan la
soo gooyay ee qoyani inuu yahay nolashoodii.
Ma aha in sanad walba la baaqee waa in dadku isku tashadaan,
xukuumad ahaana awoodeenu aad uma balaadhna laakiin shacbigu markay
nabad-gelyo haystaan shacbiguna waa inay gacan siiyaan waayo
askariga booliska ah meel walba ma taagna.
S: Ma filaysaa haddii la taageerom in beeralayda dalku soo saari
karaan cunto dalka ku filaata ama qeyb ka mid ah ay daboolaan?
J: Horta cuntada aynu cunaa maba aha cuntada dalka ka soo baxda oo
waxa u badan Baasto iyo Bariis, beeralaydeenu cuntada wadaniga ah ee
ay soo saaraan waa Galay iyo Hadhuudh waxay awoodi karaan inay
raashinka ay soo saaraan ku bedeshaan cuntada dibada ka timaada.
Beeralaydeena qalab badan waa la siiyay inkasta oo aanu dalka ka
jirin baankii horumarintu ictiraaf la’aanta darteed.
Waxa kale oo beeralaydeenu u badan tahay dhinaca khudrada, horta
waxaynu ku filan nahay waa khudradda, khudradda dalka taala inteeda
badani waxay ka soo go’day dalka.
Source:Ramaasnews
|