“Nimankii KULMIYE Ee Aad Argagixisada Ku Tilmaantay Xaggee Ayey Cismaan ow Ku D ambeeyeen…?.. “Waxaannu Leenahay Xukuumad Iyo Madaxweyne Oo Gacmahaannu U Tummaynaa..Adigoo Kalenna…” Cismaan Cabdilaahi Cigaal oo sheegtay inuu yahay Afhayeenka UDUB
 

Hargaysa 14, 2010 December (TNN)-“Waa markii u horeysay ee aannu hadalno intii ay ummada Somaliland naga coddaysay, unna codde eyeen Xisbiga maanta talada dalka haya ee KULMIYE iyo Xukuumadda.

Waannu u mahad naqaynaa ummada Somaliland inay Xor u yihiin codkooda iyo fikirkooda, oo shalay na doorteen maanta na diideen waa arin Dimuquraadiyada ku fadhida waanan ku ammaanaynaa in Dadka la kastabado, ummadu waxay doonaysay is bedel Illaahay waxaannu ka baryeynaa in is bedelkii ummadu doonaysay la helo.

Annaga laftigayagu shacbiga ayaannu ku jiraa oo shqsiyaad ummada ka mid ah ayaannu nahay is bedelkaa quruxda badan ee bulshadu rabtay ayaannu rabnaa, haddii ay wax inoogu kor dheenna annagana way noogu kordheen” Cismaan Cabdilaahi Cigaal (Cismaan Hindi), oo sheegay inuu yahay Afhayeenka Xisbiga mucaaridka ah UDUB wuxuu hadalkan ka sheegay Shirjaraa’idk oo uu ku qabtay Hotel Crown ee magaalada Hargaysa, oo ku shaacinaayey qaab dhismeed cusub oo ku simaha Guddoomiyaha Xisbiga UDUB ahna Guddoomiye ku xigeenka Axmed Yuusuf Yaasiin u sameeyey Xisbiga UDUB.

Qaab dhismeedkani waxa uu ka kooban yahay Sideed Guddi iyo Shan Xafiis, iyadoo Xubnaha Guddiyadan hoogaminayaa ay yihiin Madaxdii Xukuumadii hore ee loo tirinaayey inay Masuul ka ahaayeen Guuldaradii Xisbiga UDUB ka soo gaadhay Doorashadii Madaxtinnimada dalka ee dalka ka qabsoontay 26 Junne ee sanadkan aynu ku jirno.

Cismaan Cabdilaahi Cigaal (Cismaan Hindi), waxa uu mar qudha dareen cadho leh kaga jawaabay Su’aal mid ka mid ah Warfideenadii goobtaa joogay weydiiyey, taasoo ahayd sidan:

S: Cismaan waxaad ahayd Guddoomiyihii Olalihii doorashada ee Madaxtooyada u qaabilsannaa Xisbiga UDUB, waxaa jirtey in Rag Masuuli yiinta Xisbiyada mucaaridka ka mid ahaa xilligaa aad ku tilmaantay inay ka mid yihiin Argagixisada, arrintaasi xagay ku dambaysay? Maxaadse Cismaanow uga aamustay ileen waa arrin aad adigu sheegtaye?


J: Horta Somaliland balaayo aan Saxaafada ahayn malaha, waayo adiga oo kale (Weriye), oo siddaa u hadlaaya oo wadda dambi, Xanuun iyo iska hor keen wax la aasay oo laga heshiiyey oo gacmaha la isa saaray oo Somaliland maanta dhinac u wada socoto oo aan Xukuum ad iyo Madaxweyne leenahay oo aannu gacmaha u tummayno Inankaa yar oo kale (Wariye), arrimaha noocaas oo kale ah la isma waydii yo, kanna doodi mayno Su’aashaadunna way dhammaatay.
 

Source:Hadhwanaagnews