Burco : Abwaaniinta Da’yarta ah ee Burco iyo Suxufiy iinta da'yarta
ah oo ku kulmay Madal Aqoon is weydaarsi,iyo wacdarihi ay ka dhigeen
Burco (TNN)- Hoolka weyn ee
jaamacadda Golis Burco ayaa shalay lagu qabtay aqoon is weydaarsi
iyo Dood Cilmiyeed uu soo qaban qaabiyey Ururka Isku Xidhka
dhalinyarada Somaliland ee Debedda Iyo Gudaha ee SAYNA.
Munaasibaddan kulmisay dhalinyarada abwaanada ah iyo suxufiyiinta
yar yar ee hadda sida cadceeda uga soo dhex mudhay bahda saxaafadda
ayaa ahayd mid si weyn lo soo agaasimay,waxaana ugu horayn halkaa
warbixin ku saabsan ururka SAYNA ka akhriyey Abwaan C/laahi Siciid
Cumar oo ka tirsan SAYNA, wuxuuna dhalintii ay isaga isku
abwaa nada ahaayeen iyo saxfiyintii ba fahamasiiyey si weynna ugu
sharaxay hadafka SAYNA loo aasaasay iyo waxa ay SAYNA rabto, isagoo
sheegay in SAYNA dadaalkeedu aanu intan ku koobnayn, siina wadi
doonaan dadaalka ay ugu jiraan dhalinyaro isku hadaf ah oo isku
xidhan, wuxuu sidoo kale sheegay abwaanku in dad badan is weydiin
karaan yaa maal geliya ama Fun gareeya SAYNA, iyadoo xattaa
su’ashaas nala waydiiyey ayuu yidhi , balse waxaan leeyaahy buu
yidhi "annaga cidina nama fun farayso cidina nama maalgeliso,
hawlahanina waa kuwii noogu yar yara ama bar bilowga noo ahaa kuwo
ka waawayn intan ayaan qabanaynaa oo qorshaha noogu jira" mar uu ka
hadlay halka SAYNA dhaqaalaha ka heshona waxa uu yidhi "dhaqaalahana
dhlinyarada ku midowday Networkan ama ururkan ayaa iska ururiya ee
cid aan SAYNA ahayn oo $1 Dollar nagu darsataa ma jirto ama meel
kaloo dhaqaale nooga yimaada ma jirto" mar uu dhalinta ku boorinayay
inan midooban waxa u yidhi "waxaan Tusaynaa dad badan oo is leh
dhalinyaro aan la maalgelin waxba ma qabsan karaan, in iyadoo aan la
maalgelin ay wax qabsan karaan haddii dhowr dhalinyaro ahi meel
isugu tagaan, Dhalinyaradu iyada ayaan isku xidhnayn oo ad u kala
fog, haddii la helo dhalinyaro isku xidhan oo isku mawqif ahna wax
badan aya u qabsoomaya dhalinta dalka somaliland, markaa
dhalinyarada waxan kula talin lahaa aynu Gacmaah is qabsano oo
waxyaabahan la inagu afuufayo aynu ka fogaano oo jaaniska iyo
fursada yaynaan iskaga ciyaarin, cidda inagaga ciyaaraysana aan meel
uga soo wada jeesano" ayu ku so gabagabeyey hadalkiisa abwaanku.
waxaa si toosa loo bilaabay doodii iyo aqon is weydarsigii ku
saabsanaa midaynta dhalinta somaliland,waxaana wacdaro ballaadhan
madasha ka dhigay abwaanadii da'yarta ahayd, iyagoo soo burqaday
maansooyin iyo suugaan ay in badan kaydinayeen oo ku wajahan
dhalinyarada.
Abwaanadan da’yarta oo maansooyinkooda iyo gabayadooduba ay dhinac
walba taabana yeen waxay haddana gaar ugu sii dheeraanayeen,
sidii dhalintu u midoobi lahayd iyo sidii dhalinyarada loogala
dagaalami lahaa qabyaladda,tahriibta iyo balwadaha. Sidoo kale waxay
maansooyinkooda ku cabiryeen dhalinta ragga ah ee dhinacyada
xiirta,iyo dumarka isticmaala dawooyinka ama is cadeeya, iyagoo si
weynna ugu wacy geliyey ka fogaanta waxyaabaha dhalinta aan danta u
ahayn.
Madashan oo ay maanta isku barteen inta badan saxafiiyiinta da’yarta
ah ee Burco iyo abwaanada da’yarta ah ee Togdheer ayaa ahayd mid si
weyn loogu lafa gurayay SIDEE LOO MIDAYN KARAA DHALINYARADA
SOMALILAND, waxaana maskax,muruq iyo maalba isugu daray dhalinyarada
reer somaliland ee ku midowday Ururka SAYNA, oo bilahan u danbeeyey
waday hawlo ballaadhan oo dhalinyarada lagu midaynayo.
Aqoon is weydaarsiyadan iyo dood cilmiyeedkan ay SAYNA waddo bishan
April illaa Bilow geedii ayaa is baray dhalinyaro badan oo aan
is aqoon horena isu arag, iyagoo Dhalinya rada SAYNA laftoodu
sheegay in ujeedkooda u weyn ee ay u qabtaan kulamadan ay tahay in
dhalinta la is baro aqoon baddana la kala faaido.
Hibo Jama Ali
Timacade News NetworK TNN
Burco Somaliland
Hibo008@hotmail.com
|