Berberi Waxay Noqotay Xabaashii Xad-Gudubyada Xuquuqal Iinsaanka

“Berberi Waxay Noqotay Xabaashii Xad-Gudubyada Xuquuqal Iinsaanka, Taliyaha Turba-Taariyaduna….. ….” Md: Maxamed Faarax Qabile

Hargeysa (Longlivesomaliland News) – Xildhibaan Maxamed Faarax Qabile oo ka mid ah mudanyeyaasha golaha wakiilada ee laga soo doortay gobolka Saaxil ayaa ku eedeeyey masuuliyiinta maamulka dawladda ee gobolka Saaxil inay  ta cadi iyo xad gudub ka dhan ah xuquuqal iisaanka ay ku hayaan bulshada ku  dh aqan magaalada Berbera isaga oo intaa ku daray inay qarka u saaran tahay  in ay faraha ka baxdo, kaas oo taliyaha tulba-taariyada gobolka saaxil-na si weyn ugu eedeeyey dhacdooyin Amaandaro oo hore uga dhacay xarunta gobolka Saaxil.

Md Qabile waxa uu sidaasi ku sheegay shir-jaraa’id oo uu shalay ku qabtay xarunta golaha wakiilada, kaas oo kaga hadlay arimo ku saabsan hab-dhaqanka masuuliyiinta dawladda ee gobolka saaxil iyo guud ahaanba xaalada guud ee amaanka gobolka Saaxil, iska hor’imaadkii dhawaan ka dhex aloosmay ciidamada ammaanka iyo muruqmaalka dekeda Berbera, isaga oo arimahaasi ka hadlayana waxa uu yidhi “Aniga oo ka mid ah xildhibaanada laga soo doortay gobolka Saaxil ayaa waxa aan maanta ka hadlayaa xaalada nabadgelyada magaalada Berbera oo qarka u saaran inay burburto, taas oo uu sabab u yahay taliyaha ciidanka Tulba-taariyada oo dekeda Berbera oo caadaystay in bulshada ku dhaqan gobolka saaxil oo uu sida uu doono uu ka yeelo isaga oo masuulna ka ahaa dhacdooyinkii amaan daro ee ka dhacay magaalada Berbera

2007 iyo horaantii 2009 oo ay ugu dambaysay weerarkii lagu qaaday  muruqma alka dekeda berbera horaantii bishii June ee sanadkan kadib markii ay ka gedoodeen 200 iyo dheeraad muruqmaal oo lagu yidhi hala’idinku daro kuwo kale, taas oo ay ka dhalatay in saddex qof oo ka tirsan muruqmaalka dekeda Berbera in uu raasaas la dhaco taliyaha ciidamada tulba-taariyada halkaasina dhaawac ka soo gaadhay, taas oo maareeyaha dekeda Berbera Cali Xoor-xoor uu xubno kale oo ka mid ah muruqmaalka uu xabsiga u taxaabay, isaga oo xabsiga Berbera ka dhigtay meel uu dadka reer Berbera uu ku xabiso, waxaana muuqata in Berbera ay kudlad xaaraan ahi xuurto ku haysato, waxa kale oo uu taliyaha ciidanka tulbataariyadu uu masuul ka ahaa talaabadii xabsiga loogu taxaabay masuuliyiintii xisbiga kulmiye ee gobolka Saaxil iyo xildhibaanadii  gol aha deegaanka Berbera oo ay ka mid ahaayeen Cabdale Kidaarre, taas oo uu cidankii falkaa xadhiga ah fuliyey uu isagu hogaaminayey waana nin isku qaba in uu ka awood weyn yahay taliyaha ciidanka Bileyska ee gobolka Saaxil

Waxaana welwel iyo walac leh xaalada Cusub ee soo food saartay bulshada reer Berbera oo geyeysiin karta ummaddu inay gedood shacbi ku talaabsadaan waxaanay noqotay Berberi xabaashii xuquuqal iisaanka laga fulinayey,  waxa anan golahayaga wakiilada ugu baaqayaa una soo jeedinayaa in guddi baadha loo sameeyo xadgudub yadaa ay ciidamada boolisku ka fuliyeen gobolka Saaxil, masuuliyiinta hay’adaha dawladda ee degmada Berbera iyo gobolka Saaxil-ba umay dhalan ee caamiliin cid gaar ah u shaqeeya, taliyaha ciidanka Tubataariyada dekeda berberina waa qori uu rido

Source: Haatuf