Madaxweyne Siilaanyo oo xilkii ka qaaday Badhasaabkii Gobolka Saaxil,
Xamarji-na dib u magacaabay
In Mudane, Cali Maxamed Cilmi, laga bilaabo taariikhda maanta uu
ahaado Gudoomiyaha Gobolka Saaxil ee.............
Hargeysa (TNN) - Madaxwaynaha Somaliland Axmed Maxamed Siilaanyo
ayaa goor dhawayd xilkii ka qaaday Badhasaabkii Gobolka Saaxil
Maxamuud Cali Saleebaan (Ramaax), waxaanu u Magacaabay Badhasaabka
Saaxil Xoghayihii dawladda hoose ee Berbera Cali Maxamed Cilmi (Cali-gadheer).
Sidoo kale, Madaxwayne Siilaanyo waxa uu Badhasaabka Gobolka
Maroodi-jeex dib ugu mag acaabay Axmed Cumar Xaaji Cabdilaahi (Xamarji).
Digreetooyinka Madaxwayne Siilaanyo ku Magacaabay Xanarji
isla-markaana uu xilka kaga qaaday Ramaax ayaa u dhignaa sidan
“Madaxweynaha Jamhuuriyada Somaliland Mudane Ax med Maxamed Maxamuud
(Siilaanyo), ayaa digreeto uu caawa soo saaray waxa uu ku mag acabay
labada badhasaab ee Gobolada maroodi-jeex iyo saaxil, waxaanu sidoo
kale digreet adaasi uu xilkii kaga qaaday Badhasaabkii Gobolka
Saaxil.
Madaxweynuhu:-
Markuu Arkay: Qodobka 90aad ee Dastuurka Jamhuuriyadda Somaliland;
Markuu Arkay: Qodobka 110aad ee Dastuurka Jamhuuriyadda Somaliland;
Markuu Tixgeliyay: Ahmiyadda ay Gudoomiyeyaasha Gobolladu u
leeyihiin dhismaha Qaranka;
Markuu Aqoonsaday: In baahi loo qabo buuxinta jagooyinkan;
Markuu La Tashaday: Madaxda ay hawshani khusayso;
Markuu ku Qancay: Aqoontooda, Kartidooda iyo hufnaantooda shaqo;
Wuxuu go’aansaday
1. In Mudane, Axmed Cumar X. Cabdilaahi (Xamarji), laga bilaabo
taariikhda maanta uu ahaado Gudoomiyaha Gobolka Maroodi-jeex ee
Jamhuuriyadda Somaliland
2. In Mudane, Cali Maxamed Cilmi, laga bilaabo taariikhda maanta uu
ahaado Gudoomiyaha Gobolka Saaxil ee Jamhuuriyadda Somaliland.
XIL KA-QAADIS
Mudane,
Xilalka Qaranka ayey dabcigiisa tahay in uu meerto noqoto oo kolba
cid hanan karta loo dhiibo, wakhtigan xaadirka ahna waxa aan gartay
in xilkii Gudoomiyaha Gobolka Saaxil aan kaa qaado una magacaabo
masuul cusub oo xilkaasi guta.
Sidaa darteed, waxaan ku farayaa in xilkaa aad ku wareejiso Mudane,
Cali Maxamed Cilmi oo aan u soo magacaabay in uu noqdo Gudoomiyaha
Gobolka Saaxil.
Waxaa Wasiirka Wasaaradda Arrimaha Gudaha oo ay warqadani ogaysiin
ugu socoto la farayaa in uu labada masuul u kala wareejiyo xilka
Gudoomiyaha Gobolka Saaxil.
ALLAA MAHAD LEH
Axmed Saleebaan Maxamed (Dhuxul)
Af-hayeenka Madaxtooyada JSL.
|