Baaq Toos Ugu
Socda Ciidamada Qalabka Sida ee Somaliland
Waxaan rajaynayaa in Baaqan la
wada gaadhsiiyo dhammaan xubnaha Ciidamada Qalabka sida ee
Somaliland ee aan hubo in ay aad ugu hanweyn yihiin dalkooda iyo
aayaha dadkooda.
Waxaan xubnaha Ciidamada, Saraakiisha, Saraakiil-xigeen iyo Askarba
ka codsanyaa inay nuxurka baaqan siduu yahay u gartaan, una qaataan
talo iyo niyad sami ka tarjumaysa aayihii ummaddooda iyo jirtaanka
Somaliland.
Waxaan rajaynayaa inay gartaan in maanta jirtaanka Somaliland
maraayo marxaladii ugu adkayd, oo Ilaahay ka sakow, aan xukuumad,
xisbi iyo goloyaal kale badbaadin Karin, haddii Ciidamada Somaliland
aanay dhexdhexaad dhab ah ka noqon loollanka siyaasadeed ee
marxaladda murugad leh maraya.
Aqoonsiga Somaliland ee sanad ka hor la filaayey, wuxuu dib ugu
dhacay markii Madaxweyne Riyaale doorashadii dhagaxa hor dhigay ee
muddo hal sano ah xaq darrada loogu kordhiyay. Iyada oo hantaaqadii
hore weli la sii hebanaayo, ayuu maanta Madaxweyne Riyaale u
badheedhay in aanay doorashadii qabsoomin isagoo gabbood ka dhigtay
Gudida Doorashooyinka oo aan madax banaanayn, isla markaana ka
gaabsaday in xukuumaddu saamigii ay ka bixin lahayd kharaska
doorashada ilaa maanta keeni waydo, iyeeddadana la wada garan karo.
Sababta qudha ee madaxweynuhu ugu gacan saydhay Dastuurkii uu meesha
ku yimi iyo golayaashii dalka, waa in uu kursiga iska sii fadhiyo
ilaa inta Somaliland danaha weli qarsoon ee shisheeyuhu ka leeyahay
hirgelayaan, oo aan maanta shaki ku jirin in shirqoolkaa maamulka
Somaliland qayb weyn ku leeyahay.
Waxaan aragtidaa u sii faahfaahinayaa si aan ugu caddeeyo Ciidamada
Somaliland xaaladu meeshay mareeyso. Hadaba, waxuu Madaxweyne
Riyaale iyo ciddii kale ee ku wehelisaa ku talo galay inuu
cabuddinta ummadda, iyo hirglinta ujeedooyinkiisa u adeegsado
Ciidamada Somaliland iyo Maxakamadaha, sidii uu ummadda ugu
adeegsaday M.S. Barre Ciidankii uu ula baxay 77.
Waxaan u sheegayaa Ciidamada “Xaasha idinku ma tihin 77” waxaa
tihiin Ciidan Xalaal ah oo heegan u ah difaaca iyo jirtaanka
Somaliland isla markaana dadkoodu kalsooni ku qabaan. Ma tihidin
Ciidan xukuumad gaar ah, ama xisbi gaar ah ama koox gaar ahi
leeyihiin oo siday doonaan u amri karaan. Waa hubaal in Taliyayaasha
Ciidamad oo Madaxweynuhu soo magacaabay ay iyaga oo kursigooda
eegaya u habradaan oo Madaxweynaha wax walba ka aqbalaan. Laakiin
waxa hawsha fulinayaa waa Ciidanka.
Markaa waxa loo baahan yahay in Ciidanku isweyddiiyo, “Amar kasta
oo Madaxweynuha ama xisbi kale, soo siiyo Taliyaha Ciidanka ma
waajibbaa in sidu yahay loo fuliyo”.
“ Haddii la faro inay golayaasha oo fadhiya, ama dadweyne isku soo
baxay oo aan wax dhibaato ah gaysan, rasaas mariyaan, amarkaasi xaq
ma yahay, mise waa baadil?”.
Ruux muwaadinka ah ee si xeerka waafaqsan u timaama Madaxweynha ama
Wasiir khaldan iyo gef uu sameeyay, sarkaalka ama garsooraha soo
xidhaa, isaga oo Madaxweyne ama Wasiir soo amaray waa in uu ogaadaa
in uu burburkii dalka qaybtii ugu wayneyd dusha u ritay.
Haddii Taliyaashiina ama Wasiir idiin la yimaaddo amar aan xeerka
iyo Distuurku waafaqasanyn, oo ku salysan damac, siyaasad ama dano
gaar ahaaneed, waxaa xaq u leedihiin inaydun si asluub iyo anshax
leh ugu sheegtaan inaan arrintaaso dan ahayn. Haddii uu idinku diido
ha noqonina marnaba kuwii dulmiga u adeegga ee xaqqa ka baqda.
Ninka Ciidnaka ihi siyaasadda waxa qudha ee uu xaqa u leeyahay waa
codkiisa oo doorashada ninka uu doonayo ugu deeqo.
Waxaad ku badbaadi kartaan waa idinkoo xeerkii iyo diturrkii dalka
ku mintida oo dhagaha ka furaysta loollanka iyo hirdanka siyaasiga
ah.
Inta uu dablaha, sarkaal xigeenka iyo sarkaalku ka yaqaan xeerarka,
shuruucda iyo Distuurka dalka, ayuun buu ku dhiiranaan karaa siduu
ka yeelayo arrinka la soo dersa.
Sidaa awgeed, waxaan idinku baraarujinayaa inaa ku dadaashaan xeerka
iyo Distuurka.
90 Sarkaal oo ka soo qalin jabiyey Dugsiga Tababarka Ciidamada ee
Ethiopia, ee ilaa maanta loo diiddan yahay inay hawl galaan, waa
inaa gacan siisaan wixii ay xaq u leeyihiin. Ma aqoontooda ayan loo
baahnayn?. Ma markii horaa khalad loo diray? Ma qaar ka mid ah ayaa
maamulku wax kale ka dhex arkay? Mise in Ciidanka tayo ku soo kordho
ayaa la diidan yahay?
Waxaan maanta hadalka ku soo koobayaa oo kula dardaarmayaa
CiidamadaSomaliland, qayb ay yihiinba:
Hankiina & himiladiina kuma xidhana nin kursiga u halgamaya iyo mid
ku mintidiya. Wuxuu ku xidhan yahayhorumarka & jirtaanka Qarana;
Ha u eedoobina nin ama koox danahooda idinku fushada oo aan haddana
dadka idinka aqaaon;
Nin noloshiisa meelaystay yuu idin sahayanin;
U heeliya ummadda aad ka dhalateeb oo ha u heelinina nin dulmi &
xaqdarro idin fara;
Ha illaawina taariikhdii la soo maray, iyo meeshay ku dembeeyeen
magacyadii ku caanbaxay dulmiga ummadda;
Tabashada dadweynuhu heerka maanta ay gaadsiisan tahay yio xaaladdu
halkay marayso, si dhab u garta oo yaanay idinla fududaan;
Markay jiritaanka Somaliland taagan tahay ogaada in dadweynaha, qori,
taangi iyo amar cimri dhere ihi midina ma joojin karo. Yaanu
duqaadka badani idin hodin
Waxaan Illaahy ka baryayaa
inaa noqotaan Ciidankii ummaddoodu ku faanto ee aydan noqon kuwi
laga faano ee dadkooda laga horkeeno.
Waa inoo maqaalka dambe, haddi Alle ka dhigo
Suleiman
Omar Kujoog
London , UK |
|