Guddoomiye
Ku Xigeenka UDUB Oo Ka Digay Khataro Ka Soo Fool Leh Xuduudaha Dalka
Ee Furan, Sheegayna Furida Ururaddu Inay Khatar Ku Tahay Jiritaanka
Qaranimada Somaliland
Hargeysa, March 11, 2011 (TNN) – Madaxwayne Ku Xigeenkii hore ee
Somaliland Axmed Yuusuf Yaasiin, i sla markaana ah guddoomiye ku
xigeenka Xisbiga Mucaaridka ah ee UDUB ayaa ka digay khataro ka soo
fool leh xuduudaha dalka oo uu sheegay inay furan yihiin, kuna
baaqay in ciidamadda qaranka ee ku sugan jiidaha hore in aan dib
looga soo qaadin goobihii ay hore ugu sugnaayeen, taas oo uu
tilmaamay inay kee nayso in cadawgu si dhibyar gudaha dalka u
soo galo.
Axmed Yuusuf Yaasiin waxa kale oo uu ka hadlay furitaanka Ururada
siyaasadda ee wakhtigan xaadirka ah iyo mawqifka ay xisbi ahaan
aaminsan yihiin, taas oo uu ka dhawaajiyey in furitaanka ururaddu ay
kh atar ku tahay jiritaanka qaranimada Somaliland, isla markaana
tilmaamay in arinta ururadda buun buunin teeda dhinaca dibadda laga
wado.
Madaxwayne ku xigeenkii hore Axmed Yuusuf waxa uu soo qaaday hoos u
dhaca lacagta doolar iyo kor u kaca qiimaha miciishadda, taas oo uu
sheegay inay si wayn u burburinayso dhaqaalaha shacbiga Somalila nd,
waxaanu sheegay inay arintaas wax ka qaban karaan baanka dhexe iyo
Wasaaradda Maaliyadu hadii ay si wada jir ah uga wada hawl galaan
arintaas.
Guddoomiye ku xigeenka Udub Axmed Yuusuf Yaasiin waxa uu sidaas ku
sheegay mar uu shalay galab wa rgeyska Haatuf khadka tilifoonka
waraysi khaasa ku siiyey, isaga oo ku sugan Hargeysa, ugu horayna
isa ga oo ka hadlaya wakhtigii uu taladda hayey Udub iyo halka ay
taagnaayeen miciishadda iyo doolarku, wa xa uu yidhi “Wakhtigii aanu
taladda dalka haynay, baanku arimaha miciisashadda iyo doolarka wuu
xalinay ey oo doolarka oo kale meel ayuu ku hayey, kor u kaca
miciishadda iyo doolarkan gaadhay halkii ugu hoos aysay run ahaantii
arin shacbiga reer Somaliland si dadban u dilaya, markuu halka
doolar ahaa todobadda kun, sadex kun ayaanu wax ku cashuuri jirnay,
dhaqaalaha intaa leeg waxaanu u tuuri jirnay sidii uu dhaq aalahaasi
si dadban shacbigayaga ugu gali lahaa. Anigu waxaan u arkaa in
dhibtan dhaqaale ee shacbigee na ku dhacday in lagaga dabaalan karo,
marka ay baanka dhexe iyo maaliyadu si daacad ah uga hawl gal aan
arintan, inta ka horaysa wuu taagnaanayaa culayskaa ay maanta
shacbigeenu tirsanayaan”.
Md. Axmed Yuusuf Yaasin mar uu ka hadlayey Mawqifka furista ururadda
siyaasada iyo halka ay ka taaga n yihiin xisbi ahaan, waxa uu yidhi
“Anagu hadaanu nahay xisbiga Udub mawqif ayaanu markii hore-ba ka
lahayn furista ururadda, tusaale ahaan hadaan kuugu soo qaato
1997-kii markii la rabay in la furo ururad da oo la badiyo waa
wakhtigii marxuum Cigaal joogaye, waxaynu ogayn in lagu soo koobay
sadex xisbi oo kaliya, isla markaana uu rabay in laga dhigo shan
xisbi lagana diiday oo sadexdaa lagu soo koobay, isla sa nadii 2000
mar kale ayuu madaxwayne Cigaal (AHN) soo faro galiyey waana laga
diiday markaasna, taas ina waa maslaxada qaranka. 1969-kii hadii
Hargeysa oo kaliya ay ka furmeen 17 urur, wadanka oo dhana ay ka
furmeen ilaa dhawr iyo lixdan urur, waxa ka soo wareegay ilaa
afartaneeyo iyo dheeraad. Markaad 17-kii urur ee Hargeysa ka furmay
1969-kii aad tobon ku dhufto waxay noqonaysaa 170 urur inay Hargey
sa ka furmaan, arintaasi waa mid khatarteeda leh waxaanay noqonaysaa
qabiilaysi, gobolaysi iyo qiimihii ururaddu hoos u dhacaan oo jifo
kastaa tobon urur samaysato, taasina maaha mid dalka wadaysa. Mark
aa anaga mawqifkayagu waxa weeyi wax distoorkeena lagu xadiday in
aanu raacno oo kaliya, tii-baananu anagu xisbi ahaan ka duulaynaa”.
“Waxa jira waxyaabo badan oo u baahan wakhtiga wadankeena la
Ictiraafo in la amba qaado, tusaale ah aan 82-ka xildhibaan ee ku
jira golayaasha numberkaasi inuu meesha ka baxo, oo la xadido tirada
golaha wakiiladda lagu soo galayo, ama la kordhiyo oo 70, 90 ay
sidaa u socdaan. Waxa jira waxyaabo badan oo distoorka jabiyey ayaa
jira oo ay mid tahay distoorku, way faro badan yihiiin laakiin waxaa
wax loo taab an laayahay waxa ay nahay dawlad yar oo aan la
aqoonsanayn in heerkaasi burbur inagu keeno, markaa anigu waxa aan
qabaa hadii maanta la furo ururadda in qaranimadeenu khatar galayso,
waxaanan qabaa waliba in arinkan xaga dibada laga wado”.
Mar uu ka hadlayey siyaasada daakhiliga,waxa uu yidhi “Siyaasadda
daakhiligu waa arin mihiim ah, markaa waxaan leeyahay arintaas halka
ay maanta taagan tahay sare ha looga soo qaado oo halkii ay joogtay
wakhtigayagii ha la soo gaadhsiiyo, waliba waxa aan leeyahay waatan
imika uu dagaal ka socdo Xamar, waxaanan filayaa sida la sheegayo in
hada Al-shabaab bur bur ku dhawdahay, markaa maanta hadii ayn aan
isku tashan oo aynaan amnigeena sare u qaadin waxa aan dalkeena uga
baqanayaa in uu burburkaa Xamar ka soo socdaa in uu inaga inagu
danbeeyo hadii aan laga sii feejignaan, waxaanan leeyahay dawla da
iyo shacbiba ha la digtoonaado. Waxa mihiim ah in la ogaado marka ay
meel burburto in khataraheedu na ay saamayn wayn ku yeeshaa meelaha
u dhaw oo dhan, imika aduunkii koonfurta xoog ayuu saaray, waataas
oo afartii jihaba dagaal ayey kaga kiciyeen, markaa hadii aynaan ka
sii gaashaaman dhibaatooyi nka waawayn ee ka soo socda Muqdisho
khatarteeda ayaa ina soo gaadhi doonta aakhirka”.
Mar uu ka hadlayey sida loo xalin karo dhibaatooyinka ka taagan
Buuhoodle, waxa uu yidhi “Waxaan aa min-sahay oo aan soo jeedinayaa
in dadka reer Buuhoodle la dajiyo oo arintaas aan la inoogu soo dhex
dhuuman, isla markaana arinta loo kala saaro arin qabiil iyo arin
qaran. Anigu waxa aan si wayn uga soo horjeedaa in dib loo soo
celiyo ciidanka qarank, anigu waxa aan qabaa in ciidankeena qaranku
ay xaq u leeyihiin inay gabi ahaanba dhulka Somaliland isku fidiyaan
oo ay goobta ay doonaan tagaan, in la yidhaa ciidankeena dib ha loo
soo raro maaha. Waxa loo baahan yahay in dawladeenu garato hadii
aanu xadkee nu inoo xidhnayn in khatar waliba gudaha inoo soo gali
karto. Anigu waxa aan qabaa in arinta dirir ah ee dhexmartay labada
beelood ee walaalaha ah in ay galaan odayada iyo madaxdhaqmeedku,
balse aan la faro galin hawsha ciidanka qaranku hayaan, mana aha
xadkeenu in uu gorgortan galo”.
Madaxwayne ku xigeenkii hore Axmed Yuusuf Yaasiin mar uu ka hadlayey
sida ay u arkaan xisbi ahaan mucaawinadda dawladda Ingiriisku
sheegta inay siinayso Somaliland, waxa uu yidhi “Waxa aad moodaa in
aynaan fahan-sanaynba mucaawinadda Somaliland la siiyo, ma jirto
mucaawino toos ay Somaliland u siiya an dawladdaha deeqaha bixiyaa,
waxa marka hore la soo mariyaa deeqaha hay’addo markaas ayey Ke nya
soo martaa, taasi waa mid ina haysatay waligeenba, run ahaantii way
wanaagsanaan lahayd hadii mucaawimadda 40 malyan ee Pound ee ay
sheegeen ay toos inoo siinayaan, waana runtii mid ku filnaan
lahaydba miisaanadiyadeena. Aynu aragno bal waxa ay dawladdahaasi
sheegeen ina ay ina siinayaa, laak iin anigu figriyan waxaan qabaa
uun inay hay’adahaas uun soo marinayaan, waxaan qabaa ta ugu wanaa
gsan ee ay samayn karaan waa inay Intarnational NGO-yadooda ay
keenaan Somaliland oo ay ku soo hag aajiyaan iyaga deeqahaas,
aduunkana ha la ogaado inayna jirin lacag gacanta la iska galiyaa”.
Source:Haatuf
|