10 Xildhibaan Oo Ka Tirsan G/Deegaanka Gabilay Oo Dacwad Ku Lid Ah
Wasaarada Daakhiliga Maanta U Gudbinaya Maxkamada Sare, Xukuumadana
Ku Eedeeyay Xayiraad Qayru Distoori Ah Ee Kalfadhiyadoodii

“Guddoomiye Ku
Xigeenadu Waxa Ay Ku Doodaysaa In Warqadaa Sharci Darada Ah Wasiirku
Ku Meelgaadh Ugu Dhiibay Maayir Nimada” Md Ibraahim Sangal
Hargeysa, September 27, 2011 (TNN) - Xildhibaano ka tirsan golaha
deegaanka degmada Gabiley ayaa sheegay in dacwad ku lid ah
wasaaarada arrimaha gudaha ay u gudbin doonaan Maxkamada sare maanta,
taas oo ay ku tilmaameen warad qoraal ah oo wasiirkii hore ee
arrimaha guduhu Dr. Gaboose uu soo saaray dabayaaqadii bishii May
2011-ka oo uu ku mabnuucay in golaha deegaanku ay fadhi iskugu
yimaadaan, ay cadeeyeen in qayrul distoori ay ahayd, isla markaana
ay dalbadeen in xayiraada fadhiyada laga dulqaado, iyagoo intaa ku
daray, in maayarkii hore ee xisaanada ay ka qaadeen Aadan Muxumed
Badde ee xeer ilaalinta guud ay soo eedaysay aanay ilaa hadda
xukuumadu cadaynin eedihii musuqmaasuq ee xisaanada golahoodu kaga
qaaday.
Sida uu Haatuf u sheegay xildhibaan Ibraahim Axmed Sangal oo
tilmaamay inuu yahay Afhayeenka toban xildhibaan oo dacwadaasi usoo
gudbin doona Maxkamada Sare, mar uu xalay khadka telephone-ka nagula
soo xidhiidhay isagoo Gabilay ku sugan, isla markaana faahfaahin ka
bixiyay nuxurka dacwada ay u qoreen maxkamada sare iyo magacyada
todoba xildhibaan oo ka mid ah xildhibaanada dacwadaasi qoray, isaga
oo ugu horayn arrimahasi ka hadlayana waxa uu yidhi “Anigoo ah
Afhayeenka toban xildhibaan oo ka tirsan golalaha deegaanka Gabiley
waxaanu maxkamada sare ugu gudbinaynaa dacwad ku lid ah qoraalki
qayrul disrooriga ahaa ee wasiirkii hore e arimaha guduhu Dr Maxamed
Cabdi Gaboose uu dabayaaqadii bishii may 2011-ka xayiraada qayrul
sharciga ah ku saaray in golahayaga deegaanku fadhiyo iskugu yimaado,
amarkaas oo ahaa mid aanay la qabin 19-ka gole deegaan ee dalka ka
jiraa, sidaa darteed waxaanu go’aansanay inaanu dacwad ku lid ah
arrimaha gudha ugudbino maanta maxkamada sare, iyadoo codsigii xeer
ilaalinta guud ay nooga soo gudbisay xilka qaadistii maayarkii hore
aanu fulinay hadana waxaa layaab nagu noqotay in eedii loo jeediyay
maayarkii hore aanay xukuumadu wali cadaynin maxkamadna aan la
horgaynin”
Xildhibaan Sangal oo hadalkiisa sii wataa waxa uu intaa ku daray
“’Gudoomiye ku xigeenka golaha deegaanka marwo Khadra Xaaji Gaydh
anagaa gole ahaan markii horeba ku xigeenka u dooranay hadana ku
doodaysa in warqadaa ku melgaadhka ah xilka maayarka loogu dhiibay,
wasiirna umuu dooran xilka ku xigeenka, waxaanay ka mid tahay
xubanah golaha deegaanka ee xuquuqdooda aanu u doodayno, waxaananu
doonaynaa inaanu maayar rasmiya dorano muddo shan bilooda aanay
xayiraadaa qayrul distooriga ahi golahayaga saarnayd”
Xildhinaan Sangal isagoo ka hadlaya magacyada xubnaha dacwadaasi u
qoray maxkamada sare, waxa uu yidhi “Xildhiaanada Maxamed Cumar,
Ibraahim Aw Dadan Fanax, Sheekh Maxamuud Xasan Nuuriye, Maxamed
Muxume Landloobar, Axmed Muxumed Qaalib (samir), Maxamed Ibraahim
Muxumed Shiine, Ibraahim Axmed Sangal, waananu isku raacsanahay
qoraalka dacwadasi”.
Source:Haatuf
|