Xukuumadda Somaliland Oo Mudaysay Taladii Qaran Ee Madax weyne Siilaanyo Ku Baaqay In Laga Yeesho Wada hadalada Somaliya Iyo Mustaqbalka Siyaasadeed Ee Dalka

Qoraal rasmi ah oo ay Madaxtooyadda Somaliland u kala dirtay dad ay ku soo casuuntay shirkaasi oo ka qabsoomi doona Hargeysa

Hargeysa (TNN)-Xukuumadda Somaliland ayaa u cayintay 30-31 ka bishan Maarso qabsoomidii tal adii Qaran ee Madaxweynaha Somaliland Axmed Maxamed Maxamuud Siilaanyo ku baaqay dhawa an markii uu ka soo noqday shirkii Ingiriiska ee uu kula kulmay Wasiirka Arrimaha dibeda Ingiriiska William Hague.

Qoraal rasmi ah oo ay Madaxtooyadda Somaliland u kala dirtay dad ay ku soo casuuntay shirkaasi oo ka qabsoomi doona Hargeysa ayay ku sheegtay Xukuumadda Somaliland in uu Madaxweynaha Somaliland u fidnayo martiqaadka in talada Qaran ee uu ku baaqay looga dodo si qoto dheer oo danta Dadka iyo Dalku ku jirto.

Sidoo kale, waxa Qoraalka Martiqaadka ah ee ay Madaxtooyaddu u kala dirtay Ergooyinka ka soo qayb galaya shirka Qaran ay ku sheegtay in Doodu u badnaan doonto Halka uu Dalkani waajahayo gaar ahaana marka laga eego dhinacyada Aqoonsiga, Amniga iyo Maal-gelinta Shisheeyaha.

Sida ku cad Nuqul ka mid ah Martiqaadka Madaxweynuhu fidiyay waxa lagu sheegay in ay Xukuum addu u damaanad qaaday ka soo qayb galayaasha dhamaan kharashaadka ku baxaya hawshaas haddii ay noqon lahayd, kharashaadka, Tikidhada diyaaradaha, Hurdada iyo Cuntadaba mudada uu shirka Qaran socdo.

Qoraalka qaybtiisa hore waxa ay Xukuumaddu ku sheegtay tan iyo intii ay bilaabmeen wadahadala da ay beesha Caalamku u furtay Somaliya iyo Somaliland in ay xidhiidho fiican u furmeen iyada iyo beesha Caalamka isla markaana Somaliland ay muujisay inay tahay Dal iyo Dad xorriyadooda ku ad ag, isla markaana doonaysa Madax banaani inay hesho.

Go’aanka ay Somaliland ku qaadatay inay wadahadalada la furto Somaliya ayaa qoraalka lagu she egay inay ahayd mid lagu yiqiinsaday Arrimo Dublamaasiyadeed oo Xukuumadda kaga xidhmay So maliya maadaama beesha Caalamku sidaad soo jeedisay, taasoo sababtay in shirkii Ingiriiska ay S omaliland ka qayb gasho isla markaana Dubai ay kulan ku yeeshaan labada Madaxweyne (Siilaanyo iyo Madaxweynihii ku meel gaadhka ahaa Sh Shariif Sheekh Axmed).

Ilaa hada si rasmi ah looma oga dadka Casuumadda loo fidiyay ee ka qayb qaadanaya Talada qara n ee ay Xukuumaddu qaban qaabinayso hase yeeshee qaabka ay u soo dhigtay waxa ay ku shee gtay Siminar lagaga dodo doono Mustaqbalka Siyaasadeed ee Somaliland.

Axsaabta Mucaaradka ah gaar ahaana labada Xisbi Mucaarad ee WADANI iyo UCID ayaa ku baaay in talada Qaran ee Madaxweyne Siilaanyo ku baaqay la soo dadajiyo, si fursad loogu helo ka hor s hirka Bisha May dhici doona, wallow Xukuumadda Somaliland dhawr jeer ku cel celisay inaanay wali haynin Ajande iyo Martiqaad toona
 

Source: waaheen