Xukuumada Somaliland
Oo Amar Ku Bixisay In Aan Xisbiga KULMIYE Laga
Kirayn Karin
Huteelada Waaweyn
Guddomiyaha Gobolka Hargeysa Cali
Xasan Maxamuud Cali-Asad ayaa Huteelada waaweyn iyo mulkiileyaasha
Hoolalka shirarka ku amray in aanay xisbiga KULMIYE ku qabsan wax
shirar ah muddo laba Cisho ah.
Cali Asad ayaa qoraalkii uu u gudbiyay Huteelada Waaweyn ee uu ku
farayo in aanay KULMIYE ka kirayn oo nuqul ka mid ah soo gaadhay
maanta Xafiiska wararka ee Shabakada Ramaasnews, ayaa u qornaa sidan:-
“Anagoo ka duulayna marxalada Nabadgelyo darrada ay u geysteen ama
doonayaan inay caasimada Jamhuuriyada Somaliland xasilooni darro ka
ridaan xisbiga siyaasiga ah ee KULMIYE.
Sidaasi daraadeed danta Nabad gelyada awgeed waxa dhammaan
masuuliyiinta leh Hudheelada, hoolalka xafladaha ama shirarka lagu
qabto la farayaa in aanay kirayn karin labada maalmood ee 05/4/2009
iyo 06/04/09 fasax la’aan.
Fiiro Gaar ah waxa fasixi kara Guddoomiyaha Guddida Nabadgelyada
Gobolka Maroodi Jeex, ahna Badhasaabka Gobolka Maroodi Jeex.”
Hormoodnews
|