Xoghayaha guud ee UDUB
oo laga saaray
fadhigii Wakiilada
Hargeysa (Longlivesomaliland
News)- Ciidamada Booliska ayaa shalay Fadhigii Golaha Wakiilada ka
saaray Xoghayaha guud ee Xisbiga UDUB iyo Madaxa Ololaha Doorashada
ee Xisbigaas. Taas oo keentay in uu dagaal gacan-ka-hadal ahi dhex
maro Mudane Golaha ka tirsan iyo Madaxa Ololaha UDUB.
Saraakiil ka tirsan Ciidamada Booliska ayaa shalay ka hor intii aanu
bilaabmin fad higii Golaha Wakiiladu, Hoolka Shirarka
Wakiilada dibedda uga saaray Xoghayaha guud ee Xisbiga UDUB Jaamac
Yaasiin Faarax iyo Madaxa Ololaha Doorashada Cismaan Cabdilaahi
Cigaal (Hindi), kuwaas oo ku wargeliyay in aan la ogolayn in
Masuuliyiin ka socda Axsaabtu fadhiyada ka soo xaadiraan.
“Muwaadiniin baanu nahay oo in aanu Fadhiyada ka qayb galno sida
Muwaadiniinta kale xaq baan u leenahay.” Sidaa waxa ku dooday
Cismaan-Hindi, hase ahaatee, mid ka mid ah Saraakiishaas ayaa ku
qanciyay in aan la ogolayn ee ay dibedda uga baxaan.
Markii Masuuliyiintani dibedda uga soo baxeen Hoolka Shirarka ee ay
ku suga yih iin meel ka mid ah barxadda xayndaabka Golaha,
ayaa Warbaahinta qaarkood isku dayeen in Xoghayaha guud wax ka
waydiiyaan aragtidiisa.
Hase ahaatee, Xil. Axmed Diiriye (Nacnac) iyo Xil. Axmed Ibraahim
Daahir (Axme d-Weyne) oo madashaa ku sugnaa ayaa ka dalbaday
in aanu halkaas Saxaafadda ugu waramin Xoghayuhu. “Halkani maaha
goobtii Axsaabta ee Shirka Jaraa’id Xafiisyada la tega” ayay
yidhaahdeen labadaa Mudane. Xoghayaha guud ee UDUB-na wuxuu ugu war
celiyay in aanu Warbaahinta la hadlayn. Hase yeeshee, Xil.
Axmed-Weyne ayaa si kaftan ku dheehan yahay madaxa uga dhirbaaxay
Cismaan-Hindi, balse taa bedelkeedii wuxuu Cismaan-Hindi kaga
jawaabay dagaal iyo Feedh sababay in ay gacanta isula-tagaan
labadoodu.
Xoghayaha guud, Xildhibaan Nacnac, Ciidamada Booliska qaarkood iyo
dad kale oo goobta ku sugnaa ayaa ka hawl-galay in la kala qabto.
Waxaana sidaa Golaha kaga baxay Masuuliyiinta Xisbiga UDUB.
Source: Ogaal
|