Xisbiga Ucid oo Soo Dhaweeyay Talaabadii Madaxwaynaha Somaliland ku Qaadacay Shirka London.
 


Madaxwaynaha annagu beryahanba waanu ku cel-celinaynay inaan shirkaa London la tagin....


Hargeysa (TNN)-Gudoomiye ku xigeenka sadexaad ee xisbiga mucaaradka UCID Md. Cali Maxam ed Yuusuf (Cali Guray), ayaa soo dhaweeyay hadalkii shalay ee madaxweyne Axmed Siilaanyo uu ku sheegay inaanay Somaliland ka qeyb geli doonin shirka Ingiriisku u qabanayo taageerada dawladda Soomaaliya.

“Madaxwaynaha annagu beryahanba waanu ku cel-celinaynay inaan shirkaa London la tagin, waxaanu ku cel-celinaynay in wada hadaladii Somaliland iyo Soomaaliya ay tahay mid aan inaga inoo dan ahayn wada hadaladaas oo cida qudha ee illaa iyo hada ka faa’iidaysatay ay tahay Soomaaliya, markaa madaxwaynuhu talaabada uu qaaday waa mid maskax ah oo wanaagsan waxaanu mutaystay inaanu ku taageerno,”ayuu yidhi Cali Guray oo maanta shir jaraa’id ku qabtay Hargeysa.

Guddoomiye Ku xigeenka sadexaad ee xisbiga UCID oo hadalkiisa sii watay wuxuu yidhi “Waxaa nu leenahay halkaa ugula sii dhawoow madaxweyne oo macnaheedu yahay in gabi ahaanba wa da hadaladii aynu kula jirnay Soomaaliya dib uga noqono.”

Cali Guray waxa uu u soo jeediyay in xukuumaddu ka tallo qaran ka urursato bulshadda marka laga go’aan qaadanayo mawaadiicda waaweyn ee siyaasadda dibada iyo gudahaba.
 

 

 


Timacade News Desk
Hargeysa,Somaliland