Xildhibaan
Ismaaciil Timir oo Baydhaba
Lagu
Dilay
Xildhibaan Ismaaciil Xassan Timir oo ka mid ah xildhibaanada KMG
Soomaaliya ayaa magaalada Baydhaba caaawa waxaa toogasho ku dilay
sadex nin oo la sheegay inay bastoolado ku hubeysnaayeen.
Xildhibaanka Marxuum Timir ayaa la sheegay in lagu ag-dilay
agagaarka gurigiisa oo ku yaala Isha-Baydhaba isagoo markaasi ka
dagay baabuur uu saarnaa. Marxuunkaasi ayaa la sheegay in kooxihiii
dilay aysan wax alaab ka qaadan, balse goobtii ka tagay markii ay
dilka geysteen.
Wararka ayaa waxay sheegayeen in ciidamada Booliska ay markiiba soo
gaadheen goobtii lagu toogtay Xildhibaan Timir. Magaaladan Baydhaba
ayaa waxaa sidoo kale dhawaan lagu toogtay xildhibaan ka tirsan
xildhibaanada Soomaaliya.
Xildhibaan Marxuum Ismaaciil Xassan Timir ayaa waxaa uu ka tirsanaa
xildhibaanada barlamaanka KMG ee ku fikirka ah Raisal-wasaare Nuur
Cadde.
Source: VOA
|