Shirkadaha diyaaradaha waxay mudan yihiin in looga mahad celiyo
sidii ay u fuliyeen go'aankii laga soo saarey
garoonka diyaaradaha
Xarakada Al-Shabaab ayaa sheegtay
in sidii loogu talo galay loo dhaqan geliyay go'aankii ay dhowaan ka
soo saareen garoonka diyaaradaha magaalada Muqdisho, ayaga oo
sheegay in diyaaradihii madaxda dowlada federaalka qaadi jirey ay
cabsi darteed garoonka u isticmaali la' yihiin.
War lagu qoray shabakada Al-Shabaab ay ku leedahay Internet-ka ayaa
lagu sheegay in shirkadaha diyaaradaha ay mudan yihiin in looga
mahad celiyo sidii ay u fuliyeen go'aankii laga soo saarey garoonka
diyaaradaha.
waxa ay sheegeen in C/laahi Yuusuf, oo dalka ka dhofi lahaa uu la'
yahay diyaarad qaada, sidaasi oo ay tahayna la doonayay in lagu
qaado diyaaradaha ganacsiga, taasi oo keentay bey yidhaahdeen in
digniin loo jeediyo shirkadaha diyaaradaha.
waxay wax laga xumaado ku sheegeen hadalo ay tilmaameen dad ay
sheegeen in aysan lahayn damiir diimeed iyo mid umadeed oo ay
sheegeen in ay iska dhigayaan kuwa shacabka u damqanaya, kana hadley
arrinta garoonka.
Waxay mar kale ku celiyeen in diyaaradii isku dayda in ay ku soo
degto garoonka diyaaradaha ay talaabo ka qaadi doonaan.
Wariye : Raage Iidow
Moqadisho
|