Xafladii SDWO oo
shaqaahdo sharaf gudoonsiisay makhtal
Ururka SDWO
oo Xalay Shahaado Sharaf Guddoonsiiyey Muwaadinkii Gaadhiga ku soo
Maray in ka Badan 18 dal:-
Hargeysa (Longlivesomaliland News) Ururka ilaalinta Dimoqraadiyada
Som aliland ee (SDWO), ayaa shahaado sharaf guddoonsiiyey muwaadin
Maxa med Muuse (Maqtal) oo ololaha ictiraaf raadinta Somaliland
dartii gaadhi uu leeyahay ku soo maray in ka badan 18 oo dunida ah.
Xaflad ballaadhan oo Xalay lagu qabtay huteelka Summer Time ee
magaa lada Hargeysa, isla markaana ay ka qaybgaleen aqoonyahano,
ururrada dhallinyarada, ardayda jaamacadaha, xubno qurbo-joog ah iyo
marti shar af kale, ayaa lagu guddoonsiiyey Mr. Maxamed Muuse
shahaado sharaf lagu maamuusay dadaalka uu u galay ictiraaf raadinta
Somaliland ee uu ku soo maray dalal fara badan oo aan hore looga
aqoon Somaliland iyadoo aanay cidina ka caawin.
Afhayeenka Ururka SWDO Mr. Xasan Waraabe-cadde oo ka wakiil ahaa
Guddoomiyaha iyo xubnaha ururkaasi ka kooban yahay ee dunida ku kala
nool, ayaa hadal uu xafladaasi ka jeediyey waxa uu sheegay in
muwaadinka Maxamed Muuse uu sameeyey waxaan cidina ku fikirin oo
weliba khatar badan leh, balse isagu uu u badheedhay. Waxa uu Xasan
Waraabe-cadde tilmaamay in aannu qofna is lahayn gaadhi laga kaxeeyo
Ingiriiska ayaa nabadqab ku tagi kara Somaliland.
Xasan Waraabacade
“Maxamed Muuse waxa uu u badheedhay khatar aad u weyn oo aan cidina
is lahayn waa suurtogal, markaa waxaan leeyahay Maxamed riyadaadii
way kuu dhabowday Ilaahayna wuu kaa abaalmarin doonaa. Markii annaga
oo joogna qurbaha aannu warbaahinta ka maqalnay inuu dalkii gaadhay,
waxaanu is lahayn sidii koox ciyaartoy ah oo koob ku soo guulaystay
ayaa iyadoo dadku waddooyinka taxan yihiin oo dumarku dharkii hidaha
iyo dhaqanka xidhan yihiin uu tagi doonaa, laakiin may dhicin,” ayuu
yidhi Mr. Xasan Waraabe-cadde.
Xoghayaha guud ee SDWO Shiine Cilmi oo shahaado sharaf gudoonsiinaya
Maxamed Muse - Makhtal
Xasan Waraabe-cadde waxa uu halkaasi ka akhriyey hadal qoraal ah oo
uu soo diray Guddoomiyaha Ururka ilaalinta dimoqraadiyada Somaliland
Mr. Guuleed Cabdi Sheekhaash. Qoraalka oo dhamayastiran wuxuu u
dhigna sidan”Marka hore waxaan hanbalyo iyo bogaadin aan halkan uga
soo dirayaa Muwaadinka weyn ee Maxamed Muse Yusuf – Makhtal. Horaa
loo yidhi dhulku waa ogyahay ninkii dhaawac qaba. Dadkaaga iyo
dalkaaga ayaa kuu og dhibta iyo jidka dheer ee aad u soo martay 18ka
dal ee aad socdaalka qaatay 6 bilood oo dhul qaboow iyo dhul kulul
ba aad u soo martay si aad kor ugu qaado sumcada Somaliland isla
markaasna aad magaca Somaliland aad gaadhsiiso meelo aan weligeed
horey looga maqal.
Waxa mid aad looga xumaado ah sida habayaraatee xukumaadu aanay
xilka iskagaba saarin soo dhoweynta imaanshaha muwaadinkan qaaliga
ah ee Makhtal, oo ay ahayd in maalintuu Hargeysa ku soo beegnaa
ardayda iskuulada iyo dumarkoo oo hide iyo dhaqankii ku lebisan la
abaabulo oo la istaago wadadii uu gaadhigiisu ka soo gelayay.
May dhicin arinkaasi hadana waxay ahayd in ay xukuumadu is
dabaqabato oo ay xaflad soo dhoweyn ah hotelada waaweyn loogu
sameeyo ama madaxtooyadaba, may dhicin taasina, hase yeeshee waxba
intaasba ka sii xumayd markii uu madaxweyne ku xigeenku yidhi waxaan
gudoonsiinayaa shaahaado sharaf oo shir ay lahaayeen dhexdiisii lagu
gudoonsiiyey meeshii xaflad lagu gudoonsiin lahaa isaga u gaara,
xataa waxa lagu gudoonsiin kari lahaa xafladii weynayd ee
madaxtooyada lagu xusay 26kii June.
Dhinca kale waxa wax lala yaabo ah hadii ay xukuumadii ku
fashilantay soo dhoweynt muwaadinkan iyo qadiyadii uu u soo
halgamayba sababta ay xisbiyadii mucaaridku uga aamuseen oo iyagu
soo dhoweyntii laga filayay xukuumada ugu samaynwaayeen oo xaflado
ay u abaabuli waayeen ay ku soo dhoweeynayaan muwaadinkan.
Sidaa si leeg iyaguna waxa iska indhotiray waajibaadka ka saarnaa
kor u qaadida sumacada Somaliland shirkadaha waaweeyn sida
Dahabshiil iyo Daallo Airline oo ay ayad in xaflad soo dhoweyna u
sameeyaan.
Ugu danbayntii waxaan Makhtal leeyahay hadii xukuumadii, xisbiyadii
iyo shirkadahii somalilandba ay halgankaagii qariyeen oo ay go,o ku
saareen, been ma sheegto taariikhuye taariikhdaa qoridoonta oo
baaldahab ah aad ka gashay .
Gaadhigaagii aad jidkaas dheer ku soo martay ee taarikhda lama
ilaawaanka ah aad ku so hooysay waxaan maqlay inaad tidhi
madaxtooyadaad dhigaysa. Anigu waxaan ku odhanlahaa inaad dhigto
meel dadku ku soo booqan karaan oo aan dadka ka caaganayn oo ay isku
soo sawir karaan sida maansoor ama ambasador hotel oo kale.”
Waa loo dhashaa wadani waa loo dhintaa wadani. hanbalyo hambalayho
Agaasimaha Ururka Dhallinyarada Somaliland Mr. Maxamed Axmed
Maxamuud (Barawaani), ayaa safarkii muwaadinkaasi ku soo maray
dalalka badan ku macneeyey inuu qayb ka yahay halgan somaliland ku
jirto oo qof kasta gudo ama dibad ku nool looga baahan yahay.
Mr Barawaani
“Safarkani waxa uu muujinayaa sida qof walba looga baahan yahay
dadaalka halganka loogu jiro ictiraaf raadinta Somaliland, laakiin
qurba-jooga inkasta oo ay dalka wax weyn u qabteen, haddana waxaad
moodaa inuu codkoodu hooseeyo,” ayuu yidhi Mr. Barawaani.
Mr. Maxamed Muuse (Maqtal) oo isaguna ka hadlay xafladaas isaga loo
sameeyey, ayaa hadal dheer oo uu halkaasi ka jeediyey waxa uu kaga
waramay waayihii safarkiisii dheeraa ee uu ku gaalaabixiyey 18 dal
oo ka kala tirsan Yurub, Aisa iyo Afrika. Waxa kale oo Mr. Maqal ka
sheekeeyey dhibaatooyin badan oo uu sheegay inuu Hargeysa iyo
xukuumadda kala kulmay.
“Waxaan soo maray waxa igaga daran waxaan Hargeysa kula kulmay,
niyad-jabkii iigu horreeyey iyo dhibaatadii iigu darnayd waxay igala
kulmeen Hargeysa,” ayuu yidhi Maxamed Muuse Maqtal.
Mr. Maqtal waxa uu u mahadnaqay shacabka, balse waxa uu xusay in
aanu dalku isku wada mid ahayn ee magaalooyinka Gabiley, Berbera,
Sheekh iyo Burco si ballaadhan loogu soo dhaweeyey oo aannu iloobayn.
“Waxaad ogaydeen in Madaxweyne-ku-xigeenku Axmed Yuusuf Yaasiin uu
shahaado i guddoonsiiyey, maalintaa warbaahintu way ogayd
ballanqaadkii uu ii sameeyey, laakiin markii aannu meesha ka baxnay
ayaa iigu dambaysay oo wallaahi xitaa telefoonkii uu iga qabanwaayey.
Xafladaas waxa uu Axmed Yuusuf hareeraha iska fadhiisiyey laba
wasiir oo ka daran Jiciir oo aannu isku reer nahay, kuwaas oo isaga
uu u sacabo tumayey,” ayuu yidhi Mr. Maxamed Muuse.
Muwaadin Maxamed Muuse waxa uu shaaca ka
qaaday inuu ka noqday
ha dal
uu hore u sheegay oo ahaa in marka uu dhammeeyo safarkiisa uu
gaa dhiga dhigi doono Xarunta
Madaxtooyada, kadib markii uu ogaaday
in aan ay u qalmin.
Isagoo arrintaa ka hadlayeyna waxa uu yidhi;
“Markaan lahaa gaadhiga Madaxtooyada ayaan dhigayaa waxaan moodayey
wax waxan dhaama,
laakiin waxay noqdeen meel aan u qalmin
waanan kala noqday, laakiin dib u celinmaayo, macradna ka iibinmaayo
ee waxaan dhigi doonaa meel ilaa ubadka dhalan doonaa ku arkaan.”
“Ma dhamayn karaayo ee
habeen kale ayaan ka sheekayn doonaa aafaa dka dawladda,” ayuu
intaa raaciyey.
Xoghayaha Ururka SDWO Mr. Cabdiqaadir Cilmi Kaahin (Shiine) oo isna
xafl adaasi ka hadlay, ayaa aad ugu mahadnaqay dadweynihii
xafladaasi ka qa ybgalay iyo muwaadinka Maxamed Muuse,
waxaannu sheegay inuu isagu Maxamed kula kulmay Jabuuti markii uu
marayey oo ay ku dhalatay arrin tani.
Waxa kale oo xafladaasi ka hadlay Mr. Axmed Kooj oo ku hadlayey afka
qurba-jooga iyo Guddoomiyaha ardayda reer Somaliland ee Suudaan Mr.
Ibraahim
Wariye Mustafe Future
mccfuture@longlivesomaliland.com
Longlivesomaliland News
Hargeysa Office
|