wefti ay u dhan yihiin golayaasha qaranka jsl oo lagu martiqaaday dalka maraykanka
 

Weftigan oo isla maanta-ba ka dhoofay madaarka diyaaradaha ee Cigaal International  Airp ort ee magaalada Hargeysa, ayaa safarkoodani waxa uu ka dhashay marti-qaad sare oo ay ka heleen dawladda Maraykanka.


Hargeysa (TNN)-Wefti ballaadhan oo ka kala tirsan saddexda Gole ee Qaran Jumhuuriyadda Somaliland, ayaa maanta safar ugu kicitimay waddanka Maraykanka ka dib markii ay marti-qaad rasmi ah ka heleen dawladda.

Weftigan oo isla maanta-ba ka dhoofay madaarka diyaaradaha ee Cigaal International  Airp ort ee magaalada Hargeysa, ayaa safarkoodani waxa uu ka dhashay marti-qaad sare ah oo ay ka heleen dalka dawladda Maraykanka.

Waxaana uu weftigani ka kooban yihiin xubnaha kala ah:

1. Guddoomiye Ku Xigeenka 2aad ee Golaha Wakiilada Md. Baashe Maxamed Faarax.
2. Guddoomiye Ku Xigeenka 2aad ee Golaha Guurtida Md. Siciid Jaamac Cali.
3. Wasiirka Arrimaha Dibada Md. Cabdilaahi Maxamed Ducaale.
4. Wasiirka Arrimaha Gudaha Md. Cabdilaahi Ismaaciil Cali (Cirro).
5. Wasiirka Qorshaynta Qaranka Md. Cali Ibraahim Maxamed ( Cali-Sanyare ) iyo
6. Wasiirka Macdanta iyo Biyaha Md. Cismaan Sh. Maxamed Cabdi.

Weftigan oo ku sii hakan doonaan dalka Itoobiya, ayaa lagu wadaa inay la kulmaan mas'uuliyiin ka tirsan wadankaasi oo ay kala hadli doonaan horumarinta xidhiidhka ka dhaxeeya labada dal ee dhinacyada iskaashiga nabadgelyada, Ganacsiga iyo siyaasadaba.

Illaa hadda lama saadaalin karo cidda uu weftigu bar-tilmaameedsanayo ee ay Maraykanka kula kulmayaan.

Hasayeeshee arrimaha ay halkaas u tegayaan ayaa waxa ay qayb ka yihiin dadaalada loogu jiro adkaynta xidiidha Jamhuuriyada Somaliland la leedahay waddanka Maraykanka iyo qaddida Ictiraaf-raadinta-ba. Inta la hubo, waa markii u horreysay ee wefti ka socda sadex Gole ee Somaliland ay socdaal ku tagaan dalka Maraykanka iyaga oo midaysan. Lamana sheegin mudada socdaalka Weftigani qaadan doono.
 

Source SL Media