Way
soo muuqdaan gaadhitaanka ujeed ooyinkayagii
weerarka Qasa !. Sidaa waxa yidhi Ehud Olmer ( ra-iisal
wasaaraha Israa-iil)
Tan iyo 27-kii bishii tagtay ee
laba iyo tobnaad ( december ) ee gugii tagay waa 2008-diiye, waxa ay
diyaaradaha iyo daabaabadaha dalka Israa-iil si balaadhan u
garaacayaan dhulka ay degan yihiin dadka Falastiiniyiinta ah ee la
yidhaa Qasa, oo ay Israa-iil ku sheegtay in dhulkaasi yahay halka
kooxda mayalka adag ( waa sida ay israa-iil tidhiye ) ee Xamaas ka
soo ganaan madaafiicda lagu soo weeraro Israa-iil, ee naxdinta iyo
argagaxaba ku haya dadweynaha yuhuuda ah, oo ah bay tidhi
Israa-iiliyiintu arinta keentay inaanu ka maarsan wayno inaanu
weerar ku qaadno Qasa si aanu u xiidida ugu saarno Xamaas.
Dukhaynta loo gaystay mudo hada ka badan laba todobaad dadka ku
dhaqan Qaasa, waxa ku nafwaayay dad Falastiiniyiin ah oo tiradoodu
kor u dhaaftay 880-qof.oo ay ku jiraan 235-caruur ah, waxana ku
dhaawacmay in ka badan 3500 oo qof oo u badan dad rayid ah, halka
dhanka Israa-iil ay ka dhinteen dad lagu qiyaasay 13 qof oo kali ahi,
taasi waxay keentay in dadka ku dhaqan qaaradaha aduunku siyaalo
kala duwan u muujiyaan ka soo horjeedka dagaalkan aan isku
dheelitirnayn ee ka socda Qaasa, waxa Sabtigii iyo Axadii
banaanbaxyo kala duwani ka dhaceen caasimado badanoo ku kala yaala
qaaradaha Aduunka sida Baarliin, Barsiloona, Qaahira, Dhablin,
Landhan, Waashingtoon iwm. oo ay dadku ku muujinayeen dareeenkooda,
kuna dalbanayeen in si degdeg ah aduunku wax uga qabto dukhaynta
Qaasa, iyo weliba silica iyo rafaadka ay maalin kasta la kulmayaan
dadka ku dhaqan Qaasa.
Dhanka kale waxa isna waraysi uu siiyay Telefhisan, ku xidhay
Shurrudo joojinta madaafiicda ay ridayso Xamaas, ninka Xaamaas u ah
hogaamiyaha oo hada jooga Suuriya lana yidhaahdo Khaalid Mashaal,
ninkaasi waxa uu yidhi hadii ay rabto Israa-iil in aan joojino
madaafiicda aan ku ridayno waa inay samaysaa arimahan soo socda,-
b- Waa in Israa-iil imika joojisaa garaacista ay ku hayso Qaasa.
t- Waa inay ka baxdaa Qaasa hada.
j- Waa inay furtaa Xadka hada xidhan.
x- Iyo ta u danbaysa oo uu yidhi waa inay Israa-iil Cunaqabataynta
ay nagu hayso qaadaa..
Isaga oo sii wata hadalkiisa ninkaasi waa hogaamiyaha Xamaas-e waxa
uu ku tilmaamay weerarka Israa-iil ay ku garaacayso Qaasa inuu yahay,
mid lagu xasuuqayo dadka Falastiiniyiinta ah, isaga oo carabka ku
dhuftay oo ku tilmaamay gumaadkaa '' Hollokoost '', waxana uu sii
raaciyay intaas hogaamiyaha Xamaas Khaalid Mashaal, in dadkan
Falastiiniyiinta ah sababta loo laynayaa ee dhiigooda loo daadinaya
ay tahay, arimo aan ka amadhnayn kuwa siyaasadeed oo ay ka mid
yihiin, si doorashooyinka soo socda ee Israa-iil codad loogu helo.........
Xigasho: Spits
---------------------------------------------------------------------------
Maraykanka oo la sheegay inuu hormood ka noqonayo la dagaalanka
budhcadbadeedka Soomaaliyeed.
Qorshe la doonayo in lagula dagaalamo oo lagaga sifeeyo
budhcad-badeedka Soomaaliya, ee badwaynta Hindiya iyo weliba bada
Cas ka ugaadhsata maraakiibta u kala gooshaysa aduunwaynaha ee
halkaa maraysa, ayaa la sheegayaa inuu maraykanku todobaadkan laga
bilaabo hogaamin doono, budhcad badeedaasi oo sida la sheegayo
sanadkii ina soo dhaafay oo kali ah maraakiib aad u tiro badan ka
qabsatay halkaa ayaa ku xidha sii dayntooda lacag malaayiin Doolarka
Maraykanka ah oo madaxfurasho ah, taasi oo ay qaar badanoo
maraakiibtaas ka mid ahi hore u bixiyeen, qaarna ay weli u xaniban
yihiin sida war-is-gaadhsisinta aduunka lagu baahiyay. Taasi waxay
sababatay in nabadgalyo daradaas bada ahi keento in lacagtii lagu
kiraysanayay maraakiibtu qaaliyoowda, iyo iyada oo weliba ay baqasho
kale ka dhalatay oo ah in hadaan hada la joojin ay dhiirigalin karto
kooxo kale oo iyaguna ku dayda. Si looga hortago dhibaatooyinkaasina
waxa aduunweynahu hadaba in mudo ahba ku shuqlnaa isku soo dubaridyo
iyo diyaargaraw balaadhan oo hada uu hogaamin doono dalka Maraykanku,
oo sida la filayo bilaabmaysa Todobaadkan aan ku jirno hada !
Xigasho: AP
Cali Cumar Xasan
|