Wasiirka Madaxtooyada Oo Ka Hadlay Lacagta lagu Soo Rogay Dadka Ka
Dhoofaya Madaarada Dalka
Wasiir Xirsi Cali X. Xasan waxa sidoo kale oo sheegay in xukuumadda
ay........
Hargeysa (TNN)- Wasiirka Madaxtooyada Xirsi Cali X. Xasan ayaa ka
jawaab ka bixiyey Su’aal laga weydiiyey cabasho shacabka
qurba-joogta ahi ka muujiyee lacag $10 ah oo ay Xukuuma ddu ku soo
rogtay dadka ka dhoofaya Madaarada Dalka, waxaanu sheegay in Wasiir
Xirsi Cali X. Xasan waxa sidoo kale oo sheegay in xukuumadda ay
awooda saarayso dhiiri-gelinta qurb o-jooga, isla markaana laga hor
qaadi doono wixii caqabad ah ee ka haysta sidii ay u maal-gashan
lahaayeen dalka.
Ugu isaga oo arrimahaas ka hadlaya waxa uu yidhi “Waxa farxad iyo
ammaan noo ah mudadii ay jirtay xukuumadan tallada dalka haysaa in
qurbo joogu haddii ay tahay imaatinka dalka, aaminkiisa iyo ka
shaqaysigiisuba uu batay sidaanu warbixinadda ku hayno. Waxaan
farxad ayay arrintaasi noo tahay waxaanan rajaynayaa inay tahay
siyaasadii dhiirigelinta ah ee uu madaxweyne Axmed Siilaanyo la
yimid. Waxaanu u aragnaa in arrintani marag uga tahay bilowga
dhiirigelinta qurbojooga. Waanu idinku dhiiri gelinaynaa inaad
aamintaan dalkiina. Soo dhawaynta waxa la yidhi qofna gurigiisa
lagama sooro, ugamana jeedo inaanu wadanka idinka xignee ee waa soo
dhawayn aanu ku faraxsan nahay inaad garabkayaga istaagtaan.”
Wasiirka Madaxtooyadu waxa uu sheegay in qurbo-jooga intoodii dalka
maal-gashatay ay ku ammaanan yihiin, isagoo arrintaasi ka hadlayayna
wuxuu yidhi “Qurbo-joogu intooda dalka ma al-gashatay way ku
mahadsan yihiin. Waxaan idiin sheegayaa in Huteelkan aynu ku
shirayno ee Ambassador uu iska leeyahay nin qurbo-joog ah oo la
yidhaadho Khadar Ambassador, waxaanu dalka geliyay maalka intaas
leeg oo uu gelin kari lahaa meelo kale.laakiin wadankiisa geliyay
aad iyo aadna wuu uga mahadsan yahay. In muwaadin kasta oo qurbojoog
ahi uu sidan oo kale dalka u maal-gashado waa mid u furan.”
“Markaa qurbo-joogu dhaqaalaha kale ee dalkana qeyb libaax leh ayay
ka qaataan haddii ay tahay masaariifta iyo lacagaha ay qoysaskooda u
soo diraan iyo haddii ay tahay dhaqaalaha kale ee wax lagu dhisaba.
Xaga siyaasadana qeyb libaax ayay ka qaataan,”
Xirsi Cali Xaaji Xasan, waxa uu u soo jeediyay qurbo-jooga dalku ay
la yimaadaan firkrado mu ddo dheer lagu intifaaco, waxaanu yidhi
“Qorshaha maal-gashigana waanu u fududaynaynaa, waana aanu soo
dhawaynaynaa wixii carqalad ah ee hor taaganna waxaanu balan
qaadaynaa inaanu ka qaadno. Waxaanu xukuumad ahaan jecelahay si ay
wax u noqoto waxay qabanaya an inay isku tagaan oo ay is
kaalmaystaan si looga baxo mashaariicda qof qofka ah oo ay isku gu
tagaan mashaariic waaweyn.maadaama oo aad ka timaadeen wadamo
horumaray oo aad wax ka soo barateen ama waayo aragnimo ka soo
hesheen. Waxa ka qiimo badan dhaqaalaha fikradaha iyo hal-abuurka
aad kula soo noqonaysaan dalka. Waxaad keeni kartaan fikrado in
badan lagu intifaaco. Cilmigu laba nooc ayuu ku yimaadaayoo midi waa
hal-abuur, midna waa fikrado la kala dheegto (Copy).”
Sidoo kale, Wasiirka Madaxtooyaddu mar uu ka jawaabayay su’aal ahayd
sababta kaliftay in dadka qurbo jooga ah ee ka soo degaya madaarada
wadanka hore looga qaadi jiray 20 Dolar oo cashuur ah imikana lagu
kordhiyay 10 Dolar oo kale, waxaanu arrintaasi kaga jawaabay “Runtii
qof walba waxa la weydiiyaa waa ku culays, waanan dareemi karaa in
dad dibadaha ka yimid oo tacabsani inay iman karaan oo ay culays ku
tahay haddana waxaad ogaataan haddii dib loo eego nidaamka dunida
waxa laga yaabaa inaad marka aad ka soo dhoofaysid inaan laguu
sheegin laakiin dunida waxa cashuurta la isku raaciyaa
Tigidhada.khuburo Madaarada kala shaqaysa Laanta socdaalka iyo
wasaaradda duulista oo dalka yimid shir bandhig ah oo ay qabteen oo
aan ka qeyb galay dhawaan waxay sheegeen in madaaradeenu ay ka
hooseeyaan heerkii caalamiga ahaa. Markaa haddii aynu doonayno
inaynu horumarino madaaradda waxay nu u baahan nahay in dakhli iyo
cashuuri inaga soo gasho. Cashuuraha sidoodaba waxay ku salaysan
tahay mushaharka 12 kun oo shaqaale ah iyo Ciidamada wadanka oo
labaatan kun ka badan.”
Xirsi wuxuu sheegay inaanay diidanayn in la isla eego wixii cashuur
ah ee culays ku ah bulsha da, waxaanu yidhi “Waxaan is leeyahay
cashuurtan aad I weydiiseen ninka laga qaadayana way ku badan tahay,
malaa ninka qaadayana way ku yar tahay in wixii la isla eegana
diyaar baanu u nahay oo ma diidanin in wixii culays ah la isla
eego.sidaasi darteed ma jirto wax ku soo baxa digreeto oo la isku
waajibiyaa illaa loo gudbiyo Goleyaasheena Baarlamaanka oo
qurbo-jooga iyo wadan joogaba matalaya oo wakiilo u ah. Waana laga
doodaa, qurbo jooguna waxay u gudbin karaan fariintooda Goleyaasha.
Waxaan leeyahay sharciga ayaa ilaaliyay muwaadiniinta oo diidan in
laga qaado takaaliif aanay jidayn Baarlaanku.”
Timacade News Desk
Hargeysa ,Somaliland
|