Wasiir Samaale Oo Ka Hadlay Sababaha Ay Dib Ugu Dhacday Mushahar
Kordhintii Shaqaalaha Ee Ku Jirtay Balanqaad-yadii Kulmiye
Wasiirku waxa u sheegay in mushahar kordhintu ay ahayd qorshe
siyaasaddeed oo ay xukuumad du dejisay...........
Hargeysa (TNN) - Wasiirka Maaliyada Somaliland Cabdicasiis Maxamed
Samaale ayaa ka hadlay qorshihii ay xukuumaddu ugu tallogashay
mushahar kordhintii shaqaalaha iyo sababaha intii uu xilka hayay ay
suurogeli wayday.
Wasiirku waxa u sheegay in mushahar kordhintu ay ahayd qorshe
siyaasaddeed oo ay xukuumad du dejisay, isla markaana sannadkan
2012-ka qorshaha miisaaniyada ay xukuumaddu ugu talo ga shay ay
ahayd in lagu fuliyo mashaariic horumarineed, waxaanu sidaas ku
sheegay mar uu ka hadlayey Telefishanka qaranka Somaliland
Wasiirka oo ka hadlaya xaga ay ku dambaysay mushahar kordhintii ay
xukuumaddu qorshaysay oo ka qaybgalayaashii waxa uu yidhi. “Xaga
kordhinta mushaharka waxa la kordhiyay 100%, ha ddii loogu talogalo
in mashaariicda la daayo mushaharka markale la kordhiyana waxay
noqon do ontaa siyaasad ay xukuumaddu qaadato.”
Waxaanu intaas ku daray. “Miisaaniyada sannadka 2012-ka ee anigu aan
la wareegay bishii saddexaad, boqol iyo lix milyan ayaa loogu
talogalay inay noqoto, lacagtaasi way astaysnayd meelaha ay
wasaaradda maaliyadu ugu talogashay inay ka soo saarto, 70% waxay
ugu talogashay kastamada, 20% cashuuraha bariga iyo wasaaraddaha oo
la isku daray, 10% waxa loogu talogalay lacag ay wasaaraddu ay u
astaysay inay noqoto dayn ama deeq ayay ahayd, miisaaniyadaas 100%
waanu soo saarnay, iyadoo aanaan dayn qaadan, deeqna aanaan helin"
Wasiir Samaale oo hadalkiisa sii wata, waxa uu yidhi "waxaananu
kordhinay wax-soosaarkii dak hliga kastamada iyo cashuuraha bariga
ka imanayay, ku talogalka sannadka waxaanu doonaynaa inaanu
mashaariic horumarineed samayno, siyaasadda xukuumadda ayaa xadeeya
sida loo maam ulayo miisaaniyada, tusaale ahaan sannadka 2012-ka
miisaaniyadiisa sidii loo maamulayay way qorshaysnayd oo guddi uu
Madaxweynuhu hore ugu saaray oo xubno wasiiro ah ka koobnaa, ay aa
dejiyay sidii loo maamuli lahaa, sidii ayaanay wasaaraddu ku wadaa,
ku-talogalka 2013-kana haddii ahmiyaddu noqoto in mushaharka la
kordhiyo iyo in mashaariic la sameeyaba siyaasadda xukuumadda ayay
ku xidhan tahay, markaa siyaasadda xukuumadda ee imikuna waxa weeye
in derajada ciidamada ee la bixinayo ciidamada lagu siiyo mushahar
iyo inay jirto mashaariic horum arineed oo miisaaniyada ka muuqata.”
Timacade News Desk
Hargeysa,Somaliland
|