Wasiir
Ku Xigeenka Warfaafinta Oo Taageeray Ku Dhaqan ka Xeerka Sirdoonka
Ee Lidka Ku Ah Xoriyatul Qawlka
Wasiir ku xigeenka Warfaafinta Cabdilaahi Maxamed Daahir (Cukuse)
ayaa Xukuumadda Madaxweyne Siilaanyo ka difaacay eedihii uu.................
Hargeysa (TNN) - Wasiir ku xigeenka Warfaafinta Cabdilaahi Maxamed
Daahir (Cukuse) ayaa Xukuumadda Madaxweyne Siilaanyo ka difaacay
eedihii uu Guddoomiyaha Urur Siyaasadeedka Ummadda Dr Maxamed Cabdi
Gaboose u jeediyey xeerka sirdoonka qaranka oo qodobo ku jiraa ay
lid ku yihiin xoriyatul qowlka.
Cabdilaahi Cukuse oo maanta Warbaahinta kula hadlay Xafiiskiisa ayaa
sheegay inuu aad uga xun-yahay in Madaxweyne Siilaanyo la bar-bar
dhigo kaligii taliyihii Maxamed Siyaad Barre.
Waxaana hadaladiisii ka mid ahaa “Baahidda aynu qabno Booliska,
Baahidda aynu u qabno CID-da iyo Baahida aynu u qabno Ciidanka
qaranka ayaynu u qabnaa Ha’yadda Sirdoonka Qarankanna. Dal dhan oo
aan xog-ba urursanaynin. Dal dhan oo aan xogba ka haynin
nabad-gelyadiisa iyo heerka ay joogto. Dal dhan oo aan xogba ka
haynin cida u maleegaysa nabad-gelyo darro. Dal aan xogba ka haynin
cadowgiisa dibadda ee ku soo socda. Dal dhan oo la leeyahay xogba ha
ka hayninna kuwa nabad-gelyo darrada maleegaya gudo iyo dibadba
macquul ma aha in si dadban iyo si toos ahba loogu cel-celiyo oo la
yidhaahdo Ha’yad baa sidan ah iyo sidan ah. Waxase ugu badan oo
carabka lagu dhejinayay Qodobo ay qaar leeyihiin xeerkan Sirdoonka
warbaahinta ayaa lagu cabudhinayaa. Gaboose ayaaba yidhi waxay
samaysanaysa Ha’yadii sirdoonka ee Siyaad Barre oo kale"
Mr Cukuse oo hadalkiisa sii wata, waxa uu yidhi "Aad baan uga
xumahay in Siyaad Barre lagu masaalo Madaxweynaha Somaliland oo
waliba qofka ku masaalayaana uu yahay Maxamed Cabdi Gaboose oo isaga
haddii shantii sanadood ee ugu dambeeyay wixii uu ka sheegay
Madaxweynaha Somaliland oo kaliya aynu ururino oo dib u dhagaysano u
malayn maayo inay noqonayaan wax is qabta. Waayo marna wixii Gaboose
ka sheegayaa madaxweynaha sifooyinka dhabta ah ee uu leeyahay ee
wanaagsan, marna wuxuu ku tilmaamayaa Maxamed Siyaad Barre. Waana
wax aan is qabanin. Intaba isaga (Gaboose) ayaynu ka maqalay. Marna
wuu dooranayaa marna wuu ka istaaq-furuleysanayaa,”
Cabdilaahi Cukuse oo hadalkiisa sii wata, waxa uu yidhi “Dr. Gaboose
waxaan kula talin lahaa ixtiraamkiisa ayuu leeyahay marka uu
dhakhtar yahay hadalada wixii run ah uun baa wanaagsan inaad ku
kaambayn gasho oo raga aad is haysaan ee siyaasadda ku tartamaysaan
aad iskaga dhiciso. Waayo xukuumadda maanta iyada isma
hawaysanaysaan oo u malayn maayo inaad hawaysanaysid la tartankeeda.
Waxaan u malaynayaa raga aad is haysaan inaad run kula kaambayn
gasho,”ayuu yidhi Wasiir Ku xigeenka Warfaafinta, dhaqanka iyo
wacyigelinta Somaliland. Wasiir Ku xigeenku waxa kale oo uu u soo
jeediyay in mucaaridnimadda Gaboose qurux badnaanayso marka uu
macluumaadka uu kula hadlayaa run iyo xaqiiq ku saleeyo"
Timacade News Desk
Hargeysa , Somaliland
|